A orde da Consellería de Agricultura, Gandería e Montes, do 4 de febreiro de 1997 (Diario Oficial de Galicia nº 30, do 13 de febreiro) establece as axudas para a mellora da competitividade do sector industrial de productos forestais para o ano 1997, establecendo a competencia da xestión e a facultade de dictar disposicións complementarias ó director xeral de Montes e Medio Ambiente Natural.
O Decreto 350/1997, do 10 de decembro, estructura os centros directivos dependentes da Presidencia da Xunta de Galicia, e o Decreto 482/1997, do 30 de decembro, establece a estructura orgánica da Consellería de Medio Ambiente, dependendo dela a Dirección Xeral de Montes e Medio Ambiente Natural coas mesmas competencias que tiña anteriormente no relativo a industrias forestais.
Por todo iso, e de acordo co disposto no artigo 30.I.3º do Estatuto de autonomía de Galicia, e en uso das competencias que me confire a Lei 1/1983, do 22 de febreiro, reguladora da Xunta e do seu presidente, e demais normativa de aplicación,
DISPOÑO:
Artigo 1º.- Prórroga da validez da orde.
1. Prorrógase a validez da orde da Consellería de Agricultura, Gandería e Montes, do 4 de febreiro de 1997, pola que se establecen axudas para a mellora da competitividade do sector industrial de productos forestais, para efectos de concesión de axudas a novas solicitudes.
2. Para a tramitación administrativa seguirán vixentes os criterios e condicións da devandita orde, así como os modelos de solicitude publicados nos seus anexos.
Artigo 2º.- Modificacións.
1. Modifícase o parágrafo c) do artigo 4 da Orde do 4 de febreiro de 1997 substituíndo a redacción pola seguinte: os vehículos a motor para transporte por estrada, salvo os complementos específicos forestais.
2. Suprímese o parágrafo f) do devandito artigo.
3. O código do procedemento AG 615A pásase a denominar MA 615A.
Artigo 3º.- Ámbito temporal.
1. As referencias temporais da Orde do 4 de febreiro de 1997 ó ano 1997, entenderanse para os efectos
desta orde, referidas a 1998. Igualmente, as referencias á Consellería de Agricultura, Gandería e Montes deben entenderse feitas á Consellería de Medio Ambiente.
2. O prazo de presentación das solicitudes é de dous meses a partir do día seguinte ó da publicación da presente orde no Diario Oficial de Galicia.
Artigo 4º.- Dotación orzamentaria.
O aboamento das subvencións quedará supeditado á existencia de crédito suficiente con cargo ó concepto orzamentario 15.02.614C.771.0 (mellora da competitividade) do orzamento da Comunidade Autónoma galega para 1998, cunha dotación máxima de 94.061.719 ptas.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 17 de abril de 1998.
Carlos del Álamo Jiménez
Conselleiro de Medio Ambiente
2798