O director da Fundación Pública Hospital Virxe da Xunqueira (Decreto 229/1997, do 25 de agosto de 1997) convoca publicamente a praza de director de Xestión da Fundación Pública Hospital Virxe da Xunqueira:
Os requirimentos para cubrir este posto son:
Formación:
Licenciatura ou enxeñería.
Cursos de postgrao en xestión de empresas.
Experiencia:
Experiencia de xestión no sector sanitario.
Coñecementos de ofimática a nivel de usuario.
A realción laboral rexerase polo Real decreto 1382/1995, do 1 de agosto, de persoal de alta dirección.
A duración do contrato non poderá exceder de 4 anos, prorrogables por acordo entre as partes e conforme as disposicións aplicables na materia.
Os interesados deberán enviar xunto á solicitude, un currículum vitae e xustificar debidamente os méritos alegados.
As solicitudes dirixiranse ó director da Fundación Pública Hospital Virxe da Xunqueira, indicando a referencia (DIR/XES), r/ Paseo Marítimo s/n 15270 Cee, A Coruña, no prazo de dez días, contados a partir do seguinte á súa publicación no Diario Oficial de Galicia.
Cee, A Coruña, 20 de abril de 1998.
José Rey Aneiros
Director da Fundación Pública Hospital Virxe da Xunqueira