Ponse en coñecemento dos interesados na concentración parcelaria da zona de Loxo-Enquerentes-Fontesrosas e Ribeira (Touro-A Coruña), declarada de utilidade pública e urxente execución polo Decreto de 250/1995, do 7 de setembro (Diario Oficial de Galicia nº 183, do 22 de setembro), que a xunta local da zona, na súa reunión do 24 de

marzo de 1998, aprobou as bases definitivas de concentración, que estarán expostas ó público no Concello de Touro e na zona, durante o prazo de trinta días hábiles, contados desde o seguinte ó da última inserción deste aviso no Diario Oficial de Galicia e no BOP, no xornal de máis circulación da provincia, no lugar habitual da parroquia e no taboleiro de anuncios do concello, de conformidade co que determina a Lei de concentración parcelaria para Galicia do 14 de agosto de 1986 (artigo 36).

Os documentos que se poden examinar no concello refírense á determinación do perímetro (predios da periferia que se incluíron e excluíron, superficies que se exceptúan por ser de dominio público e relación de predios excluídos), a clasificación de terras e a fixación de coeficientes que servirán de base para face-las compensacións que sexan necesarias e a determinación de propietarios e titulares de gravames e outras situacións xurídicas das que se declara formalmente a súa titularidade.

Contra estas bases os interesados poden interpoñer recurso de alzada perante o conselleiro de Agricultura, Gandería e Política Agroalimentaria dentro do prazo dos trinta días sinalados, na Xefatura de Desenvolvemento Rural (edificio administrativo, Praza Luis Seoane, s/n, 6ª planta, A Coruña), nas oficinas centrais da consellería (San Caetano, s/n, Santiago de Compostela) ou en calquera das dependencias ás que fai referencia o artigo 38.4º da Lei de réxime xurídico das administracións públicas e do procedemento administrativo común, por sí mesmos ou por representación, facéndose constar no escrito un enderezo dentro do termo municipal para os efectos das notificacións que procedan.

A Coruña, 27 de marzo de 1998.

Vº e Prace

Rogelio del Valle Muñoz-Cobo

Delegado provincial da Coruña

3037