A Dirección Xerencia do Complexo Hospitalario Xeral-Cíes de Vigo, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 22 de maio de 1996 (DOG nº 111, do 6 de xuño), convoca o seguinte concurso:
Expediente 15/98:
1. Obxecto: instalación e prestación do servicio de máquinas automáticas expendedoras de líquidos e sólidos no Complexo Hospitalario Xeral-Cíes.
2. Prazo de execución: 4 anos a partir da data de formalización do contrato, podendo prorrogarse antes da súa finalización por períodos anuais, por mutuo acordo das partes.
3. Garantía provisional: 100.000 ptas.
4. Forma de adxudicación: concurso público, procedemento aberto e tramitación ordinaria.
5. Clasificación: non se esixe.
6. Solvencia económica e financeira: acreditarase por calquera dos medios previstos no artigo 16 da Lei de contratos das administracións públicas (Lei 13/1995, do 18 de maio, BOE nº 119, do 19 de maio).
7. Solvencia técnica: acreditarase por calquera dos medios previstos no artigo 19 da Lei 13/1995, do 18 de maio, dos contratos das administracións públicas. (BOE nº 119, do 19 de maio).
8. Criterios de adxudicación:
1. Canon ofertado: ata 2 puntos.
2. Tarifas: ata 2 puntos.
3. Características funcionais, técnicas, económicas, de calidade e prestacións das instalacións ofertadas para o servicio (nº de máquinas, equipos, complexidade da instalación, calidade de materiais, etc.): ata 3 puntos.
4. Colaboración no establecemento dun sistema integral de dispensación de auga a usuarios e personal: ata 2 puntos.
5. Propostas que impliquen a mellora da imaxe das estancias do centro: ata 2 puntos.
9. Documentación: o prego de cláusulas administrativas particulares e demais documentación complementaria pódense solicitar no Servicio de Subministracións do Complexo Hospitalario Xeral-Cíes, rúa Pizarro, 22, 36204 Vigo, en días laborables desde
as 9 ata as 14 horas. Teléfono nº (986) 81 60 23 e fax nº (986) 81 60 65.
10. Prazo de presentación de proposicións: as proposicións deberanse presentar en man, no rexistro xeral do Complexo Hospitalario Xeral-Cíes, antes das 14 horas do vixésimo sexto día natural contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do RXCE.
11. Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal e referencias técnicas, descritas no PCAP.
12. Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Xeral ás 8.30 horas do décimo primeiro día natural contado a partir do seguinte a aquel en que remate o prazo de presentación de ofertas; no caso de que coincida en sábado ou festivo, a apertura das proposicións terá lugar no día hábil seguinte.
13. Anuncios: os anuncios dos presentes concursos públicos serán por conta dos adxudicatarios dos contratos.
Vigo, 10 de marzo de 1998.
José Manuel González Álvarez
Director xerente do Complexo Hospitalario Xeral-Cíes de Vigo
2910