Convocada a provisión, polo sistema de libre designación dun posto de traballo vacante na Consellería de Economía e Facenda, por Orde do 30 de decembro de 1997 (Diario Oficial de Galicia nº 5, do 9 de xaneiro de 1998), en uso das facultades e atribucións conferidas pola Lei 4/1988, do 26 de maio, da función pública de Galicia, no seu artigo 15.4º e de conformidade co disposto no artigo 27 da referida lei, modificado polo artigo 6 da Lei 3/1995, do 10 de abril; visto o Decreto 93/1991, de 20 de marzo e demáis normativa vixente, esta consellería,
DISPÖN:
Primeiro.-Designa-la funcionaria que se cita no anexo desta orde para ocupa-lo posto que así mesmo se sinala, logo de efectuados tódolos trámites regulamentarios para o seu traslado á Comunidade Autónoma.
Segundo.-O cesamento no actual destino efectuarase segundo o prazo previsto no artigo 14 do Decreto 93/1991, do 20 de marzo, no prazo de tres días a partir do seguinte ó da publicación da presente orde no Diario Oficial de Galicia, ou no previsto na propia normativa da súa Administración de orixe.
A toma de posesión deberá facerse no prazo dun mes a partir do día seguinte ó do cesamento ó tratarse dun posto radicado en distinta localidade.
Terceiro.-A xefatura de persoal do centro onde cause alta o funcionario efectuará, dentro dos prazos sinalados anteriormente, a dilixencia de toma de posesión e seguidamente serán realizados os trámites para a súa alta en nómina.
Das dilixencias efectuadas serán remitidas copias á Dirección Xeral da Función Pública e á Inspección Xeral de Servicios.
Cuarto.-Contra esta orde, que esgota a vía administrativa, os interesados poderán interpoñer recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ó da súa publicación no Diario Oficial de Galicia, logo de comunicación a esta consellería da vontade de interpoñerlo.
Santiago de Compostela, 2 de abril de 1998.
P.D. (Orde 13-12-1993)
Emilio Álvarez Rey
Secretario xeral e do Patrimonio da Consellería de Economía e Facenda
ANEXO
Apelidos e nome: Ageitos Olveira, Mª del Pilar.
NRP: 76777825000.
Grupo: D.
Denominación e código do posto: secretaria interventor xeral da Comunidade Autónoma, EFC030000015770001.
Nivel: 18.
Complemento E.: 535.524.
Centro directivo ou dependencia: Intervención Xeral da Comunidade Autónoma.
Localidade: Santiago de Compostela.
3174