A modificación levada a cabo na estructura orgánica da Xunta de Galicia mediante os decretos 347/1997, do 9 de decembro, polo que se establece a estructura orgánica da Xunta de Galicia; Decreto 350/1997, do 10 de decembro, polo que se deter
minan os centros directivos dependentes da Presidencia da Xunta de Galicia; Decreto 351/1997, do 10 de decembro, polo que se fixa a estructura orgánica dos departamentos da Xunta de Galicia; Decreto 482/1997, do 26 de decembro, polo que se establece a estructura orgánica da Consellería de Medio Ambiente; e os sucesivos decretos de establecemento das estructuras orgánicas das distintas consellerías, incide no procedemento de recadación as taxas e dos prezos e determina a necesidade de axeitar á nova situación o anexo V da Orde do 30 de xuño de 1992, pola que se aproba o modelo de autoliquidación das taxas da Comunidade Autónoma de Galicia e se establece a utilización de efectos timbrados para o pagamento das taxas por servicios administrativos de compulsa de documentos e de verificación de suficiencia de poderes e documentos acreditativos de lexitimación.
Ademais, a experiencia diaria na xestión das tasas, así como ao aumento de netidades financeiras colaboradoras autorizadas nas que os suxeitos pasivos das taxas da Xunta de Galicia poden efectua-los ingresos correspondentes urxen a modificación de determinados preceptos establecidos na orde obxecto desta reforma.
Por todo iso,
DISPOÑO:
Artigo 1º
Modifícanse os seguintes artigos da Orde do 30 de xuño de 1992, pola que se aproba o modelo de autoliquidación das taxas da Comunidade Autónoma de Galicia e se establece a utilización de efectos timbrados para o pagamento das taxas por servicios administrativos de compulsa de documentos e de verificación de suficiencia de poderes e documentos acreditativos de lexitimación: quedan redactados como segue:
1. O artigo 1: con independencia do procedemento de liquidación aplicable a cada taxa, os ingresos que por estes tributos corresponden á Comunidade Autónoma de Galicia serán efectuados polos suxeitos pasivos a través das entidades financeiras colaboradoras autorizadas, relacionadas no anexo VII, sen prexuízo do disposto nesta orde para o pagamento mediante efectos timbrados da Comunidade Autónoma de Galicia.
2. O artigo 2: agás o disposto no prarágrafo seguinte, as autoliquidacións por taxas ingresaranse no prazo de tres días contados a partir do seguinte ó do seu devengo.
Nos supostos previstos nos artigos 21, puntos 3 e 4, e 23, paratado 09, subapartados 03 e 04 do Decreto lexislativo 1/1992, do 11 de abril, a autoliquidación presentarase e ingresarase nos vinte primeiros días naturais dos meses de xaneiro, abril, xullo e outubro, referida cada unha delas ós feitos impoñibles realizados no trimestre inmediato anterior.
3. O terceiro parágrafo do artigo 3: o impreso de autoliquidación será facilitado polos servicios administrativos, organismos autónomos ou entes xestores da correspondente taxa, os cales informarán o solicitante sobre os números que debe consignar nos espacios reservados ós códigos da consellería, delegación e servicio e clave da taxa, consonte as relacións que figuran como anexo V e VI da presente orde. As entidades financeiras autorizadas para a recadación das taxas e prezos da Comunidade Autónoma de Galicia, que subscribiran o convenio de colaboración na xestión da renovación de licencias de caza e pesca, poderán solicitar autorización para o emprego dun xustificante do pagamento da taxa, que substituirá o modelo de autoliquidación.
4. As referencias á Dirección Xeral de Política Financeira e Tesouro nos artigos 6 e 7 deberán substituírse por referencias á Dirección Xeral de Tributos.
Artigo 2º
Modifícase o anexo II da Orde do 30 xuño de 1992, pola que se aproba o modelo de autoliquidación das taxas da Comunidade Autónoma de Galicia e se establece a utilización de efectos timbrados para o pagamento das taxas por servicios administrativos de compulsa de documentos e de verificación de suficiencia de poderes e documentos acreditativos de lexitimación; queda substituído polo seguinte:
Artigo 3º
Modifícase o anexo V da Orde do 30 de xuño de 1992, pola que se aproba o modelo de autoliquidación das taxas da Comunidade Autónoma de Galicia e se establece a utilización de efectos timbrados para o pagamento das taxas por servicios administrativos de compulsa de documentos e de verificación de suficiencia de poderes e documentos acreditativos de lexitimación; quedan substituídos polo seguinte:
ANEXO V
CÓDIGOS DE CONSELLERÍAS E SERVICIOS
04 Presidencia e Administración Pública
1 Secretaría
02 Escola Galega de Administración PúblicaOA
03 Secretaría Xeral do Presidente
04 Asesoría Xurídica Xeral da Xunta de Galicia
05 Secretaría Xeral para as Relacións coas Comunidades Galegas
06 Secretaría Xeral para o Deporte
11 Diario Oficial de Galicia
12 Secretaría Xeral de Relacións coa Unión Europea e Acción Exterior
13 Secretaría Xeral de Planificación e Desenvolvemento Comarcal
14 Secretaría Xeral de Investigación e Desenvolvemento
15 Secretaría Xeral para as Relacións cos Medios Informativos
05 Economía e Facenda
01 Secretaría
02 Instituto Galego de Estatística
03 Instituto Galego de Promoción Económica
06 Política Territorial, Obras Públicas e Vivenda
01 Secretaría
02 Transportes
03 Instituto Galego da Vivenda e Solo
04 Estradas
06 Urbanismo
07 Dominio Público Hidráulico
08 Infraestructuras Hidráulicas
09 Contratación
10 Grupo de PortosOA
14 Empresa Pública de Obras e Servicios Hidráulicos de GaliciaOA
15 Augas de GaliciaOA
07 Educación e Ordenación Universitaria
01 Secretaría
03 Ensinanzas Medias
08 Industria e Comercio
01 Secretaría
02 Minas
03 Industria
04 Xestión
05 Instituto Galego de Consumo
09 Agricultura, Gandería e Política Agroalimentaria
01 Secretaría
02 Supervisión de Proxectos
03 Contratación
04 Estructuras e Desenvolvemento Rural
05 Extensión Agraria
06 Centro de Investigacións Agrarias
07 Axudas Estruturais
08 Industria e Comercialización Agroalimentaria
09 Sanidade e Producción Animal
13 Fomento Cooperativo
14 Instituto Lácteo e Gandeiro
10 Cultura, Comunicación Social e Turismo
01 Secretaría
02 Instituto Galego de Artes Escénicas e MusicaisOA
03 Arquivos e Museos
04 Medios de Comunicación Social e Audiovisual
05 Turismo
11 Sanidade e Servicios Sociais
0 Secretaría
02 Planificación e Ordenación
03 Sergas-SecretaríaOA
06 Sergas-FarmaciaOA
07 Servicios Sociais
08 Saúde Pública
12 Pesca, Marisqueo e Acuicultura
01 Secretaría
02 Acuicultura (S.C.)
03 Marisqueo e Ordenación de Caladoiros (S.C.)
04 Pesca e Industrias Pesqueiras
05 Formación e Investigación
06 Marisqueo e Acuicultura (delegacións)
13 Xustiza, Interior e Relacións Laborais
01 Secretaría
02 Xogo
03 Relacións Laborais
10 Academia Galega de SeguridadeOA
11 Protección Civil
12 Asociacións e Espectáculos Públicos
14 Familia e Promoción do Emprego, Muller e Xuventude
01 Secretaría
02 Garderías
03 Xuventude
04 Tempo libre
05 Sevicio Galego de Promoción da Igualdade do Home e da MullerOA
15 Medio Ambiente
01 Secretaría
02 Montes e Industrias Forestais
03 Defensa Contra Incendios
04 Medio Ambiente Natural
05 Costas
06 Protección Ambiental
07 Fomento e Control de Calidade Ambiental
08 Control e Xestión de Residuos
09 Laboratorio de Medio Ambiente de Galicia
10 Centro de Investigacións Forestais
CÓDIGOS DE DELEGACIÓNS
10 A Coruña
11 Ferrol
12 Ribeira
13 Servicios Centrais
14 Ordes
20 Lugo
21 Celeiro
22 Vilalba
30 Ourense
31 O Barco de Valdeorras
40 Pontevedra
41 Vigo
42 Vilagarcía de Arousa
43 Lalín
Artigo 4º
Engádese o seguinte anexo, que figurará como anexo VII da Orde do 30 de xuño de 1992, pola que se aproba o modelo de autoliquidación das taxas da Comunidade Autónoma de Galicia e se establece a utilización de efectos timbrados para o pagamento das taxas por servicios administrativos de compulsa de coumentos e de verificación de suficiencia de poderes e documentos acreditativos de lexitimación:
ANEXO
RELACIÓN DE ENTIDADES NAS QUE SE PODE REALIZA-LO INGRESO
Caixa de Aforros de Galicia
Caixa de Aforros Municipal de Vigo
Caixa de Aforros Provincial de Pontevedra
Caixa Ourense
Banco Gallego
Banco Español de Crédito
Banco de Galicia
Banco Pastor
Banco Bilbao-Vizcaya
Banco Atlántico
Banco Exterior de España
Banco Central-Hispano
Banco Simeón
Caja Postal
Caja España
Banco Etcheverría
Caixa Rural de Lugo
Banco Santander
Banco de Asturias
Disposición adicional
Primeira.-Engádese un parágrafo 2º á disposición adicional da Orde de 30 de xuño de 1992, pola que se aproba o modelo de autoliquidación das taxas da Comunidade Autónoma de Galicia e se establece
a utilización de efectos timbrados para o pagamento das taxas por servicios administrativos de compulsa de documentos e de verificación de suficiencia de poderes e documentos acreditativos de lexitimación; a súa redacción é a seguinte:
«2. Así mesmo, autorízase a Dirección Xeral de Tributos a actualiza-los anexos V, VI e VII».
Segunda.-Engádese unha disposición adicional á Orde do 29 de xuño de 1994 pola que se regula o procedemento de recadación voluntaria das taxas e prezos da Comunidade Autónoma de Galicia; a súa redacción é a seguinte:
«Terceira.-Autorízase a Dirección Xeral de Tributos a actualizar mediante resolución, por necesidades propias do servicio, os anexos I e II da presente orde».
Terceira.-Modifícase o segundo parágrafo do artigo 7 da Orde do 26 de decembro de 1997 pola que se regula a xestión e o pagamento da taxa fiscal sobre o xogo realizado a través de máquinas recreativas con premio tipo B, ou de azar tipo C; queda redactado como segue:
«O prazo no que o suxeito pasivo debe retirar do servicio correspondente o distintivo acreditativo á que se refire o parágrafo anterior será o comprendido entre o vixésimo e o derradeiro día do mes de febreiro nos casos de presentación dentro de prazo da taxa correspondente a máquinas cando o devengo desta se produciu o 1 de xaneiro, e o comprendido entre o trixésimo e o cuadraxésimo quinto día hábil contado a partir da data de presentación da autoliquidación nos casos de nova autorización ou reinicio da explotación ou presentacións fóra de prazo».
Disposición transitoria
No suposto de que a variación da tarifa 08 do artigo 23 do Decreto lexislativo 1/1992, do 11 de abril, sexa aplicable a partir de data distinta ó primeiro día de cada trimestre natural deberán presentarse dúas declaracións complementarias, declaración á que se refire o terceiro parágrafo do artigo 4 da Orde do 30 de xuño de 1992; unha, polo período que medie entre o primeiro día do trmiestre natural e a data de vixencia da nova tarifa; e outra, desde esta data ata o final do devandito trimestre.
Disposición derradeira
Esta orde entrará en vigor o día seguinte ó da súa publicación.
Santiago de Compostela, 24 de marzo de 1998.
José Antonio Orza Fernández
Conselleiro de Económia e Facenda