Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Eléctrica-Fenosa, S.A.
Domicilio social: García Barbón, 38, 36201 Vigo.
Denominación: desvío L.M.T. e R.B.T. na rúa Costa-Castrelos.
Situación: Vigo.
Descricións técnicas: desvío L.M.T. Mestre Goldar-Barreiro, entre os apoios 31 e 32, 35 e 36, ámbalas dúas en tramo aéreo e entre o 32 e 35 en subterráneo. A liña será a 15/20 kV, de 88 m de lonxitude o tramo aéreo, con conductor tipo LA-56, sobre apoios de formigón, e 160 m de lonxitude o tramo subterráneo, con conductor tipo R.H.V., estando situadas as instalación na rúa Costa, en Castrelos, concello de Vigo. R.B.T. aéreo-subterráneo, de 110 m de lonxitude, con conductor tipo RV, cun apoio de formigón.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Pontevedra, 17 de marzo de 1998.
Carmen Bianchi Valcarce
Delegada provincial de Pontevedra
2669