1. Entidade adxudicadora.
Concello de Pontevedra, praza de España s/n, 36071 Pontevedra.
A) Órgano de contratación: Pleno da Corporación.
B) Dependencia que tramita o expediente: Unidade de Contratación e Patrimonio.
2. Obxecto do contrato.
A) Descrición do obxecto: concesión da explotación dun quiosco situado na superficie do parque do eucaliptal de Campolongo.
B) Duración da concesión: a concesión outórgase por un prazo máximo de trinta e cinco (35) anos
improrrogables, computados desde a formalización do contrato en documento administrativo.
3. Tramitación, procedemento e forma de adxudicación.
A) Tramitación: ordinaria.
B) Procedemento: aberto.
C) Forma: concurso.
4. Canon mínimo anual.
116.571 ptas que se ingresarán nas arcas municipais, en cotas trimestrais, dentro dos dez primeiros días do comezo do trimestre.
5. Garantias.
A) Provisional: 10.000 ptas.
B) Definitiva: na contía dunha anualidade do canon de adxudicación.
6. Obtención de documentación e información.
a) Lugar: Unidade de Contratación e Patrimonio do Concello de Pontevedra, praza de España s/n. Pontevedra 36071. Teléfono (986) 80 43 00. Telefax 86 01 02.
B) Data límite de obtención de documentos e información: vinteseis (26) días naturais contados a partir do día seguinte ó da publicación deste anuncio no Diario Oficial de Galicia
7. Presentación das ofertas.
A) Data límite de presentación: vinteseis días naturais contados a partir do día seguinte ó da publicación deste anuncio no Diario Oficial de Galicia
B) Documentación que se presentará: cláusula 13ª do prego.
C) Lugar da presentación: rexistro xeral do Concello de Pontevedra. En horario de 9 a 13 horas.
8. Apertura das ofertas.
Será realizada pola mesa de contratación o día seguinte hábil ó do remate do prazo sinalado para a presentación das ofertas, ás 8.30 horas na sala de xuntas.
9. Criterios de selección.
Os criterios que servirán de base para a adxudicación serán os seguintes:
A) Existencia de minusvalideces na persoa que concorra á licitación: valorarase ata un máximo do 25%.
B) Maior canon anual ofertado polo licitador para lle aboar ó concello pola utilización dos bens de dominio público, respecto ó establecido no presente prego como canon mínimo: valorarase ata un máximo do 15%.
C) Reducción do prazo da concesión: valorarase ata un máximo do 15%.
D) Situación laboral do licitador (desemprego): valorarase ata un máximo do 15%.
E) Menor volume de ingresos percibidos polo licitador de forma individual e como unidade familiar se é o caso: valorarase ata un máximo do 15%.
F) Cargas familiares do licitador: valorarase ata un máximo do 15%.
10. Gastos.
Serán pola conta do adxudicatario os seguintes gastos:
1º. Os dos anuncios que xere o concurso e os seus actos preparatorios.
2º. Os tributos estatais, autonómicos e municipais que deriven do contrato, incluído o IVE.
3º. Os de formalización do contrato de adxudicación en documento administrativo de conformidade coa ordenanza fiscal regulamentadora da taxa.
4º. Os gastos que se xeren da explotación do quiosco e o imposto de actividades económicas.
5º. Tódolos gastos que xere a adaptación interior do quiosco para realiza-la actividade prevista.
Pontevedra, 5 de marzo do 1998.
Juan Luís Pedroso Fernández
Alcalde
Julio Dapena Outomuro
Secretario xeral
2970o