A Universidade da Coruña, en virtude do convenio do colaboración subscrito o 25 de setembro de 1997 entre a Consellería de Educación e Ordenación Universitaria, o Concello da Coruña e a Universidade da Coruña para o desenvolvemento das infraestructuras no Campus da Coruña, insta, como beneficiaria da expropiación, a incoación do correspondente expediente expropiatorio para a construcción da Facultade de Ciencias Sociais e do Edificio Universitario de Servicios de Investigación.

A obra que motiva a expropiación sitúase nos terreos comprendidos dentro do Polígono 1-13-B do plan parcial modificado do Campus Universitario da Coruña, aprobado polo Pleno Municipal en sesión do 18 de outubro de 1991, situados os ditos terreos no lugar do Lagar, parroquia do Castro de Elviña, municipio da Coruña.

Na súa virtude e para os efectos sinalados nos artigos 17 e 18 da Lei de expropiación forzosa e ós concordantes do regulamento para a súa aplicación, resolvo,

Inicia-lo expediente de expropiación forzosa e abri-lo período de información pública durante un prazo de quince (15) días hábiles, computados na forma disposta no artigo 17, parágrafo primeiro, do Regulamento do 26 de abril de 1957, para que os propietarios que figuran na relación que a seguir se indica e tódalas as demais persoas ou entidades que se consideren afectadas pola execución das obras, poidan formular por escrito ante o Servicio de Supervisión de Proxectos e Expropiacións da Consellería de Educación e Ordenación Universitaria e do Servicio de Construccións da Universidade da Coruña, as alegacións que consideren oportunas, de acordo co previsto na Lei de expropiación forzosa e no artigo 56 do regulamento para a súa aplicación.

Santiago de Compostela, 18 de marzo de 1998.

P.D. (Orde 21-6-1998)

Máximo García Serrano

Secretario xeral da Consellería de Educación

e Ordenación Universitaria

Termo municipal da Coruña

1290