Por resolución deste centro directivo do 16 de decembro de 1997 (DOG nº 11, do 19 de xaneiro de 1998), decláranse con carácter provisional os aspirantes admitidos e excluídos para participar no concurso-oposición para o ingreso nas clases de inspectores médicos, inspectores farmacéuticos e subinspectores sanitarios do Servicio Galego de Saúde, convocado por Resolución do 23 de xullo de 1997.
Rematado o prazo previsto na dita resolución para emendar, se fose o caso, o defecto que motivou a
exclusión dos aspirantes, procede agora, de conformidade co disposto na base cuarta da convocatoria, dictar resolución na que se publican as listas definitivas de aspirantes admitidos e excluídos para cada unha das categorías convocadas sinalando os lugares onde poden ser examinadas. Por todo isto, esta división,
ACORDA:
Primeiro.-Publica-las listas definitivas de aspirantes admitidos e excluídos para participar no concurso-oposición para o ingreso nas clases de inspectores médicos, inspectores farmacéuticos e subinspectores sanitarios do Servicio Galego de Saúde, convocado por Resolución do 23 de xullo de 1997.
Segundo.-De conformidade co disposto no apartado 4 da base cuarta da convocatoria a estimación ou, se é o caso, a desestimación das peticións de emenda dos listados provisionais de admitidos e excluídos entenderanse implícitas na presente resolución.
Terceiro.-Os listados coa relación definitiva de aspirantes admitidos e excluídos poderán examinarse nos seguintes lugares:
a) Na Secretaría Xeral da Consellería de Sanidade e Servicios Sociais.
b) Na División de Recursos Humanos do Servicio Galego de Saúde.
c) Nas delegacións provinciais da Consellería de Sanidade e Servicios Sociais.
d) Nas direccións provinciais do Servicio Galego de Saúde.
Cuarto.-A presente resolución poderá ser impugnada polos interesados nos termos previstos no apartado 3 da base décima da Resolución do 23 de xullo de 1997.
Santiago de Compostela, 13 de marzo de 1998.
Valeriano Martínez García
Director xeral da División de Recursos Humanos
1829
