Artigo 1º.-Obxecto.
A presente orde ten por obxecto fixa-los prezos privados que vai percibir o Instituto Galego de Promoción Económica no Centro de Innovación e Servicios Tecnolóxicos da Madeira (CIS-Madeira) como contraprestación pola subscrición e utilización dos seguintes servicios: revista CIS-Madeira, base de
datos CIS-Madeira, conferencias e seminarios impartidos por técnicos do CIS-Madeira.
Artigo 2º.-Revista técnica.
A tarifa de subscrición á revista de carácter técnico CIS-Madeira, cunha edición cuadrimestral, será de 5.000 ptas. anuais.
Artigo 3º.-Base de datos.
O CIS-Madeira dispón dun servicio de bases de datos e a súa tarifa de subscrición é de 10.000 ptas. anuais. A información que poderán solicita-los subscritores deste servicio é a seguinte:
ConceptoTarifas
1. Base de axudas e subvencións100 ptas. por páxina impresa
2. Base de cursos e seminarios100 ptas. por páxina impresa
3. Base de subministradores de
maquinaria, tecnoloxía e servicios100 ptas. por páxina impresa
4. Normativa200 ptas. por páxina impresa
5.Gastos de envío por correo45 ptas. por envío
6. Gastos de envió por fax114 ptas. por copia
A consulta da base de datos realizada polo subscritor deberá facerse por escrito (correo ou fax) dirixido ás oficinas do CIS-Madeira e a información será remitida polo mesmo sistema.
Artigo 4º.-Servicios integrados.
Aquelas persoas físicas ou xurídicas, que estean radicadas en Galicia ou que teñan algún centro de traballo nesa Comunidade Autónoma e que realicen unha actividade económica relacionada co sector forestal poderán subscribir un contrato para a utilización dos servicios integrados do CIS-Madeira, é dicir, a subscrición á revista e ás bases de datos do CIS-Madeira, conxuntamente, aplicándose os ditos subscritores destes servicios integrados unha reducción do 10% nas tarifas aplicables ó resto dos servicios que preste o CIS-Madeira, que se encontran recollidos na Orde do 3 de xullo de 1997 da Consellería de Economía e Facenda. A tarifa aplicable ós subscritores deste servicios integrados será de 40.000 ptas. ó ano.
Artigo 5º.-Seminarios e conferencias.
A tarifa aplicable polo CIS-Madeira en relación cos seminarios e conferencias que imparten os seus técnicos será de 30.000 ptas./hora.
Artigo 6º
O código correspondente ó prezo polo que se fixan as tarifas na presente orde será o 36.28.00, servicios ofrecidos polo CIS-Madeira (Igape), e nestas non está incluído o IVE correspondente.
Disposición derradeira
A presente orde complementa a Orde do 3 de xullo de 1997, da Consellería de Economía e Facenda, e entrará en vigor ó día seguinte da súa publicación no Diario Oficial de Galicia.
Santiago de Compostela, 4 de marzo de 1998.
José Antonio Orza Fernández
Conselleiro de Economía e Facenda
2081