De conformidade co disposto no artigo 59.4º da Lei 30/1992 do 26 de novembro, de réxime xurídico das administracións públicas e do procedemento administrativo común, notifícanse as liquidacións relativas ós contribuíntes e conceptos cos datos e último domicilio coñecido que se indican e que foron dictadas polo Servicio de Xestión Tributaria en aplicación do artigo 18 da Lei 29/1987, do 18 de decembro, do imposto sobre sucesións e doazóns. Para a comprobación dos valores utilizouse o regulado no artigo 52.1º D da Lei xeral tributaria.

Os prazos para efectua-lo pagamento da débeda contraída son os sinalados no artigo 20 do Regulamento de recadación aprobado polo Real decreto

1684/1990, do 20 de decembro; os medios de pagamento establécense nos artigos 23 e seguintes do citado Regulamento de recadación.

Os recursos que se poden interpoñer son: reclamación económico-administrativa ante o Tribunal Económico-Administrativo Rexional de Galicia, Secretaría Delegada de Vigo, r/ Lalín, nº 2 ou o potestativo de reposición ante o Servicio de Xestión Tributaria desta delegación territorial, Praza de América bloque 1 portal oficinas 2ª planta-Vigo, ambos no prazo de quince días contados a partir do seguinte ó da data de publicación desta cédula no DOG. Así mesmo, no prazo establecido para os recursos poderá promove-la práctica de taxación pericial contradictoria; a dita solicitude determinará a suspensión do ingreso da presente liquidación e dos prazos de reclamación contra esta.

Vigo, 25 de febreiro de 1998.

Pedro J. Arbolí Albarracín

Delegado territorial de Vigo (Pontevedra)

2071