Declarada de urxente a instalación da liña eléctrica a 20 kV trazada desde a liña Fontedíaz-Pousada ó centro de transformación proxectado de Pena, con
cello de Touro (expediente 142/1996), para efectos de expropiación forzosa e imposición de servidumes de paso por Decreto 334/1997, do 6 de novembro (Diario Oficial de Galicia, do 26 de novembro de 1997), da Consellería de Industria e Comercio, a prol da entidade Unión Eléctrica-Fenosa, S.A., con enderezo na Avda. de Arteixo, 171, 15007 A Coruña.
En cumprimento dos artigos 52 da Lei de expropiación forzosa, do 16 de decembro de 1954, e 56
do seu regulamento, do 26 de abril de 1957, fáiselles saber ós interesados propostos como titulares dos predios que se conteñen na relación anexa, que o representante e o perito da Administración se constituirán nos predios número 7 e 8, o día 2 de abril de 1998, a partir das 12 horas, para a toma de datos e levantar a continuación nas oficinas da Casa do Concello de Touro as actas previas á ocupación, nas que se describirán os bens e dereitos afectados por expropiación ou servidumes.
Advírtese ós interesados, ós que se lles practicará notificación para o efecto, que deben concorrer ó acto por si ou persoas que os representen, e se así o estiman cos seus peritos e un notario pola súa conta, podendo facer manifestacións nel e achegar datos que sexan útiles, e formular alegacións por
escrito ata o citado levantamento, ós sós efectos de emendar posibles erros da relación.
Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.
A Coruña, 17 de febreiro de 1998.
Jesús Espada Martínez
Delegado provincial da Coruña
Relación de propietarios, bens e dereitos afectados
Expediente nº: 142/1996Provincia: A Coruña
M.T. a C.T. PenaConcello: Touro
PREDIOS PROPIETARIOS AFECCIÓN
Solo Voo
apoioNº Lugar Cultivo Nome e apelidos Enderezo nº
m ml m
7 Abaixo da Balsa Prado Hros. Juan Puga Estoral Pena, 15822 Touro 2 1 64 640
8 Abaixo da Balsa Prado Concepción Fernández Seijas Rúa 25 de Xullo, As Cancelas, 2, 15704 Santiago de Compostela 7 70
1773