Visto o texto do convenio colectivo para o sector de oficinas e despachos da provincia de Lugo (código 2700645), asinado o día 29 de decembro de 1997, pola representación da Asociación de Asesores e Xestores da provincia de Lugo e das centrais sindicais FES-UGT, CIG-Banca e CC.OO., e de conformidade co disposto no artigo 90, apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo, esta delegación provincial,
ACORDA:
Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.
Segundo.-Remiti-lo texto do mentado convenio colectivo á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 22 de xaneiro de 1998.
Manuel Bande Díaz
Delegado provincial de Lugo
Convenio colectivo para o sector de oficinas e despachos da provincia de Lugo
Capítulo I
Unidades de negociación
Artigo 1º.-Partes concertantes.
A comisión negociadora do convenio que se subscribe está integrada pola parte empresarial, pola Asociación de Asesores e Xestores da provincia de Lugo, e por parte dos traballadores Comisións Obreiras (CC.OO.), Federación Provincial de Servicios de UGT (FES-UGT Lugo) e Confederación Intersindical Galega (CIG).
Ámbalas dúas partes recoñécense como interlocutores válidos con lexitimación suficiente para a negociación de presente convenio de acordo co que establece o título III do vixente Estatuto dos traballadores, aprobado por Real decreto lexislativo 1/1995.
Capítulo II
Ámbitos, vixencia e denuncia
Artigo 2º.-Ámbito persoal.
Rexeranse polo presente convenio a totalidade dos traballadores que na actualidade ou no sucesivo presten os seus servicios nestas empresas, reguladas polo ámbito funcional e situadas dentro do ámbito territorial.
Artigo 3º.-Ámbito funcional.
O convenio será de aplicación a tódalas empresas encadradas, ou que no futuro se encadren, nas actividades reguladas pola ordenanza laboral para oficinas e despachos, data do 31 de outubro de 1972.
Artigo 4º.-Ámbito territorial.
As normas do presente convenio serán de aplicación en toda a provincia de Lugo.
Artigo 5º.-Ámbito temporal e vixencia.
O presente convenio entrará en vigor o día 1 de xaneiro de 1997, con independencia da data da súa publicación no BOP.
A duración será ata o 31 de decembro de 1998, entendéndose prorrogado tacitamente por anualidades naturais de non mediar denuncia expresa das partes.
Artigo 6º.-Denuncia.
Calquera das dúas partes poderá solicita-la revisión do convenio, formulando a denuncia deste á outra parte e á autoridade laboral competente, con tres meses de antelación -como mínimo- á data de expiración da súa vixencia ou á de calquera das suas prórrogas.
Capítulo III
Representación das partes negociadoras
Artigo 7º.-Comisión paritaria.
Acórdase establecer unha comisión paritaria como órgano para a conciliación, interpretación e vixilancia no presente convenio.
Esta comisión estará formada por catro representantes da asociación empresarial; dous de CC.OO; un de CIG; e outro de FES-UGT, que figuran como asinantes do presente convenio.
Para os únicos efectos de notificacións, sinálanse os seguintes enderezos:
Pola representación económica: Asociación de Asesores e Xestores da provincia de Lugo, sita na praza de Sto. Domingo, 6-8, 2ª, de Lugo.
Pola representación social: Comisións Obreiras, na Ronda da Muralla 58, baixo de Lugo; Federación de Servicios (FES-UXT Lugo) na Ronda da Muralla 58, 1ª de Lugo e Converxencia Intersindical Galega (CIG), na Ronda da Muralla, 58, baixo de Lugo.
Capítulo IV
Tempo de traballo
Artigo 8º.-Xornada de traballo.
A xornada de traballo distribuirase da seguinte forma:
a) Xornada de inverno: 40 horas efectivas semanais, traballadas de luns a venres, en réxime de xornada partida.
Aquelas empresas que teñan establecida xornada continuada durante todo o ano, respectarana como condición máis beneficiosa, distribuíndoa de luns a sábado.
b) Xornada de verán: 35 horas efectivas semanais, traballadas de luns a venres, en réxime de xornada intensiva ou continuada. Este réxime de xornada levarase a cabo desde o día 1 de xullo ó día 30 de setembro, ámbolos dous inclusive, agás as asesorías contables e fiscais, que poderán optar, de acordo coas obrigas do calendario fiscal, polo período comprendido desde o 20 de xullo ó 12 de outubro.
As tardes dos días 24 e 31 de decembro de cada ano non serán laborables.
Artigo 9º.-Permisos retribuídos.
Ós traballadores interesados concederánselles -necesariamente- os seguintes permisos retribuídos:
a) Matrimonio do traballador: 15 días.
b) Matrimonio de ascendentes, descendentes e colaterais ata o terceiro grao de consanguinidade e afinidade, o día en que se celebre a cerimonia.
c) Por nacemento de fillo: 3 días.
d) Intervención cirúrxica ou enfermidade grave do cónxuxe, pais, e fillos: 5 días. Pais políticos: 2 días.
e) Morte do cónxuxe, pais, fillos e irmáns: 3 días, que se ampliarán ata 5 días se o óbito acontecese en provincia distinta á do centro de traballo. Pais políticos, tíos e cuñados: 1 día; 2 se é fóra da provincia.
f) Necesidade de atender asuntos propios que non admitan demora: ata un máximo de 3 días non acumulables a vacacións. Outorgarase este permiso unha vez demostrada a súa necesidade.
g) Licencia a representantes sindicais: observarase o lexislado nesta materia.
h) O tempo necesario para a realización de exa mes en centros oficiais.
i) 2 días por mudanza por cambio de domicilio.
Os días ós que fai referencia este artigo entenderanse, en todo caso, como naturais e enténdense sen prexuízo do establecido no Estatuto dos traballadores.
Artigo 10º.-Vacacións anuais.
O persoal regulado por este convenio terá dereito a 30 días naturais de vacacións anuais que se des
frutarán preferentemente nos meses de verán, de acordo coas necesidades da empresa.
As quendas de vacacións fixarnas pa empresa e os delegados de persoal ou comités de empresa, onde os haxa, ou, no seu defecto, quen designen os traballadores.
A data de comezo do desfrute farase coincidir cun luns laborable, agás cando se trate dun mes natural.
Capítulo V
Percepcións económicas
Artigo 11º.-Salario base.
En concepto de salario base mensual corresponden a cada unha das categorías profesionais, os que se detallan na primeira columna das táboas salariais anexas, que reflicten un incremtnto para o ano 1997 do 2,75% e para o ano 1998 do 2,6%.
Establécese para o ano 1998, o segundo de vixencia do presente convenio, unha cláusula de revisión no suposto de que o IPC real oficial estatal correspondente ó ano 1998 supere o 2,6%, no exceso da indicada cifra, e con efectos desde o 1 de xaneiro de 1998.
Artigo 12º.-Remuneración anual.
En cumprimento do que dispón o artigo 26.5º do vixente Estatuto dos traballadores detállanse na segunda columna da táboa salarial anexa os salarios no seu cómputo anual, en función da xornada efectiva pactada no presente convenio.
Artigo 13º.-Antigüidade.
Establécese un complemento persoal de antigüidade para tódalas categorías, consistente en trienios por un importe do 6% do salario base, que se devengarán desde o día primeiro de mes no que se cumpra o trienio.
En todo caso, seguirán percibindo as cantidades que tiveran devengadas en concepto de antigüidade na data de entrada en vigor deste convenio.
A acumulación dos incrementos por antigüidade non poderá, en calquera caso, supoñer máis do 60%.
Artigo 14º.-Gratificacións extraordinarias e participación en beneficios.
Os traballadores ó servicio das empresas afectadas por este convenio percibirán tres gratificacións extraordinarias cada ano: unha no mes de xullo, outra no mes de setembro, e a terceira no mes de decembro. O importe de cada unha delas será dunha mensualidade de salario base máis antigüidade.
Así mesmo, e en concepto de participación en beneficios, os traballadores percibirán outra paga máis no mes de marzo de cada ano, calculada de igual forma cás anteriores.
O persoal que ingrese ou cese na empresa durante o transcurso do ano percibirá as gratificacións
extraordinarias e a participación de beneficios en proporción ó tempo traballado.
Aqueles traballadores que polos conceptos anteriores veñan percibindo das empresas o importe correspondente a unha mensualidade do seu salario real seguirán excepcionalmente coas mesmas condicións por ter carácter máis beneficioso.
As pagas correspondentes ós meses de marzo e setembro poderán rratearse ó longo do ano por acordo entre empresa e traballadores.
Artigo 15º.-Incapacidade temporal (I.T.).
En calquera suposto de baixa por incapacidade temporal transitoria, as empresas, afectadas por este convenio estarán obrigadas a aboarlle ó traballador nesta situación o 100% do salario correspondente no momento de producirse a baixa.
Capítulo VI
Conceptos extrasalariais
Artigo 16º.-Axudas de custo e desprazamentos.
As axudas de custo para o persoal que, en razón dos métodos de organización das empresas, deba efectuar saídas fóra do concello no que radica o centro de traballo, quedan establecidas da seguinte maneira:
-Axuda de custo completa: fixarase na contía de 2.300 ptas. para tódalas categorías. Para o ano 1998 a mencionada contía será de 3.000 ptas., igualmente para tódalas categorías.
-Media axuda de custo: será do importe do 50% da contía anterior, igualmente para tódalas categorías.
Artigo 17º.-Plus de transporte.
Establécese para tódaslas categorías profesionais un plus de transporte por mes efectivamente traballado na contía de 5.000 ptas./mes.
Artigo 18º.-Gastos de locomoción e quilometraxe.
O traballador que, por necesidades do servicio, se teña que despraza fóra do lugar onde radique o seu centro de traballo empregando o seu vehículo particular, percibirá por este concepto a cantidade de 24 pesetas quilómetros.
Capítulo VII
Acordos sociais
Artigo 19º.-Cadros de persoal.
As empresas reguladas por este convenio axustarán os seus cadros de persoal ás seguintes normas:
a) Os empregados que teñan directamente baixo a súa responsabilidade a quince ou máis traballadores dos grupos titulados administrativos ou técnicos, clasificaranse como xefes superiores.
b) En dependencias con dez ou máis traballadores dos grupos nomeados no apartado anterior, o empregado que se atope á fronte deles terá a categoría de xefe de primeira.
c) Nos centros de traballo onde se presten os seus servicios un número de sete traballadores dos grupos xa nomeados anteriormente ou, no suposto de que sendo menos de sete exista un mínimo de tres traballadores clasificados como oficial ou aimilado, estará a fronte deles un xefe de segunda.
Artigo 20º.-Ascensos.
Tódalas empresas reguladas polo presente convenio están obrigadas a dispoñer nos seus cadros de persoal como mínimo dun número de oficiais de primeira igual ó vinte por cento do cadro de persoal.
A elección dos novos oficiais de primeira é facultade exclusiva do empresario. Para o seu cómputo, terase en conta a fracción decimal que supere o 0,50.
Os auxiliares administrativos con catro anos de servicio nesta categoría dentro da empresa, pasarán automaticamente á categoría de oficial de segunda administrativo; e ó cumpri-los nove anos ascenderá automaticamente a oficial de primeira.
O ordenanza, ós catro anos de servicio na empresa pasará automaticamente á categoría de conserxe, e ós nove anos, á de conserxe maior.
O auxiliar especialista de oficina con máis de tres anos na súa categoría dentro da empresa, ascenderá automaticamente á categoría de calcador.
Os cobradores ó cumpriren dez anos de antigüidade na súa categoría dentro da empresa, asimilaranse -exclusivamente para efectos económicos- ós oficiais de segunda administrativos.
Mozos dos recados, ó cumpriren os dezaoito anos, pasarán automaticamente á categoría de ordenanza.
Capítulo VIII
Acción sindical
Artigo 21º.-Dereitos sindicais.
En todo o concernente ós aspectos sindicais dentro e fóra das empresas, observarase ó que sobre esta materia dispón o vixente Estatuto dos traballadores e a Lei orgánica 11/1985, do 2 de agosto, de libertade sindical.
Artigo 22º.-Revisións médicas.
Tódalas empresas vinculadas ó presente convenio colectivo, estarán obrigadas por solicitude do Gabinete Técnico Provincial de Seguridade e Hixiene no Traballo, ou da mutua patronal que cubra o risco de accidentes de traballo, cun recoñecemento médico anual para todo o persoal.
O tempo empregado para o dito recoñecemento será aboado pola empresa.
Capítulo IX
Contratación
Artigo 23º.-Contratación eventual.
No uso da posibilidade prevista no artigo 15.1º.b, do Estatuto dos traballadores, modificado por Real
decreto lei 8/1997, no ámbito de aplicación do presente convenio poderanse concerta-los contratos eventuais previstos en tal artigo, cunha duración máxima de trece meses e medio dentro dun período de 18 meses. No caso de concertarse tales contratacións por prazo inferior a trece meses e medio, poderán ser prorrogadas mediante acordo das partes sen que a duración total do contrato poida exceder do dito límite máximo.
A posibilidade de concertar contratos eventuais dos previstos no artigo 15.1º b) do Real decreto lexislativo 1/1995, coa duración máxima prevista no presente artigo non poderá empregarse para o caso dos contratos concertados por tempo inferior a 12 horas á semana ou 48 horas ó mes.
Capítulo X
Cómputos e vinculación
Artigo 24º.-Compensación e absorción.
As condicións pactadas neste convenio forman un todo orgánico e indivisible e, polo tanto, absorberán e compensarán no seu conxunto as melloras de calquera tipo que viñeran anteriormente satisfacendo as empresas, ben sexa por imperativo legal, convenio colectivo, etc.
Artigo 25º.-Vinculación e totalidade.
Como se cita no artigo anterior, as condicións establecidas no presente convenio e pactadas polas partes deliberadoras deste, forman un todo orgánico e indivisible. En consecuencia, non poderá pretenderse a aplicación dunha ou varias normas con olvido das restantes, senón que para tódolos efectos o presente convenio se aplicará e observará na súa totalidade.
No suposto de que a autoridade laboral ou xurisdicción competente, no exercicio das súa facultades, declarase nulo total ou parcialmente algún artigo, quedará o presente convenio invalidado na súa totalidade, e levarase a cabo unha nova negociación.
Disposición derradeira
No non establecido de forma expresa no presente convenio, aplicarase a ordenanza laboral para oficinas e despachos, do 31 de outubro de 1972, mentres non sexa substituída por un acordo marco estatal ou autonómico.
Táboa salarial do convenio de oficinas e despachos de Lugo
Vixencia 1-1-1997 ó 31-12-1997
Categoría profesional mensual anual
Soldo
Retribuc.
Grupo I. Titulados Titulado grao superior 121.333 1.941.328 Titulado grao medio 109.533 1.752.528
Categoría profesional mensual anual
Soldo
Retribuc.
Grupo II. Administrativos Xefe superior 109.533 1.752.528 Xefe de 1ª 107.942 1.727.072 Xefe de 2ª, caixeiro con sinatura, xefe de reporteiros 104.625 1.674.000 Traductor e intérprete xurado de máis dun idioma 104.625 1.674.000 Oficial 1ª, caixeiro sen sinatura, intérprete xurado un idioma 96.139 1.538.224 Operador máquinas contables, taquimecanógrafo, telefonista 96.139 1.538.224 Recepcionista con máis de dous idiomas, inspector de zona 96.139 1.536.224 Oficial de 2ª, telefonista e recepcionista cun idioma 91.365 1.461.840 Reporteiro de axencia de información 91.365 1.461.840 Traductor e intérprete non xurado, xefe de visitadores 91.365 1.461.840 Auxiliar, telefonista, visitador, cobrador, pagador 79.431 1.270.896 Aspirante 55.826 893.216
Grupo III. Técnicos de oficina Xefe superior 109.533 1.752.528 Xefe de 1ª, xefe de equipo de informática 107.942 1.727.072 Analista, programador de ordenadores 107.942 1.727.072 Xefe de 2ª, xefe de delineación, xefe de explotación 104.625 1.674.000 Programador de máquinas auxiliares, administrador de test 104.625 1.674.000 Coordinador de tratamento de cuestionarios 104.625 1.674.000 Xefe de equipo de enquisas, coordinador de estudios 103.035 1.648.560 Delineante, proxectista 97.068 1.553.088 Debuxante proxectista, controlador, operador de ordenadores 96.139 1.538.224 Delineante 91.365 1.461.840
Grupo IV. Especialistas de oficina Xefe de máquinas básicas 101.307 1.620.912 Operador de tabuladores, inspector de entrevistadores 96.139 1.538.224 Encargado departamento de reprografías 96.139 1.538.224 Operador de máquinas básicas, debuxante 91.365 1.461.840 Entrevistador, enquisador 91.365 1.461.840 Calcador, perforista, verificador, clasificador 84.471 1.351.536 Auxiliar 79.431 1.270.896 Aspirante 55.826 893.216
Grupo V. Subalternos Conserxe maior 84.471 1.351.536 Conserxe 81.154 1.298.464 Ordenanza 79.431 1.270.896 Mozo dos recados de 17 anos 54.237 867.792 Mozo dos recados de 16 anos 46.942 751.072
Grupo VI. Oficios varios Encargado almaceneiro 91.365 1.461.840 Oficial de 1ª, conductor de 1ª 88.051 1.408.816 Oficial de 2ª, conductor de 2ª 84.471 1.351.536 Axudante, operador reproductor de planos 81.154 1.298.464 Operador multicopista e serocopista 81.154 1.298.464 Peón, mozo, limpador, limpadora de xornada completa 79.431 1.270.896
Táboa salarial do convenio de oficinas e despachos de Lugo
Vixencia 1-1-1998 ó 31-12-1998
Categoría profesional mensual anual
Soldo
Retribuc.
Grupo I. Titulados Titulado grao superior 124.488 1.991.808 Titulado grao medio 112.381 1.798.096
Categoría profesional mensual anual
Soldo
Retribuc.
Grupo II. Administrativos Xefe superior 112.381 1.798.096 Xefe de 1ª 110.748 1.771.968 Xefe de 2ª, caixeiro con sinatura, xefe de reporteiros 107.345 1.717.520 Traductor e intérprete xurado de máis dun idioma 107.345 1.717.520 Oficial 1ª, caixeiro sen sinatura, intérprete xurado un idioma 98.639 1.578.224 Operador máquinas contables, taquimecanógrafo, telefonista 98.639 1.578.224 Recepcionista con máis de dous idiomas, inspector de zona 98.639 1.578.224 Oficial de 2ª, telefonista e recepcionista cun idioma 93.740 1.499.840 Reporteiro de axencia de información 93.740 1.499.840 Traductor e intérprete non xurado, xefe de visitadores 93.740 1.499.840 Auxiliar, telefonista, visitador, cobrador, pagador 81.496 1.303.936 Aspirante 57.277 916.432
Grupo III. Técnicos de oficina Xefe superior 112.381 1.798.096 Xefe de 1ª, xefe de equipo de informática 110.748 1.771.968 Analista, programador de ordenadores 110.748 1.771.968 Xefe de 2ª, xefe de delineación, xefe de explotación 107.345 1.717.520 Programador de máquinas auxiliares, administrador de test 107.345 1.717.520 Coordinador de tratamento de cuestionarios 107.345 1.717.520 Xefe de equipo de enquisas, coordinador de estudios 105.714 1.691.424 Delineante, proxectista 99.592 1.593.472 Debuxante proxectista, controlador, operador de ordenadores 98.639 1.578.224 Delineante 93.740 1.499.840
Grupo IV. Especialistas de oficina Xefe de máquinas básicas 103.941 1.663.056 Operador de tabuladores, inspector de entrevistadores 98.639 1.578.224 Encargado departamento de reprografías 98.639 1.578.224 Operador de máquinas básicas, debuxante 93.740 1.499.840 Entrevistador, enquisador 93.740 1.499.840 Calcador, perforista, verificador, clasificador 86.667 1.386.672 Auxiliar 81.496 1.303.936 Aspirante 57.277 916.432
Grupo V. Subalternos Conserxe maior 86.667 1.386.672 Conserxe 83.264 1.332.224 Ordenanza 81.496 1.303.936 Mozo dos recados de 17 anos 55.647 890.352 Mozo dos recados de 16 anos 48.162 770.592
Grupo VI. Oficios varios Encargado almaceneiro 93.740 1.499.840 Oficial de 1ª, conductor de 1ª 90.340 1.445.440 Oficial de 2ª, conductor de 2ª 86.667 1.386.672 Axudante, operador reproductor de planos 83.264 1.332.224 Operador multicopista e serocopista 83.264 1.332.224 Peón, mozo, limpador, limpadora de xornada completa 81.496 1.303.936
1621