Convocada a provisión, polo sistema de libre designación, de varios postos de traballo vacantes na Consellería de Pesca, Marisqueo e Acuicultura pola Orde do 7 de xaneiro de 1998 (Diario Oficial de Galicia nº 16, do 26 de xaneiro), esta consellería, no uso das facultades e atribucións conferidas pola Lei 4/1988, da función pública de Galicia, e os artigos 16 e 17 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna,

RESOLVE:

Primeiro.- Adxudicarlle destino no posto de traballo que se indica á funcionaria que se expresa no anexo I da presente orde e declarar deserto o posto de traballo que se indica no anexo II da orde.

Segundo.- O cesamento no actual destino do funcionario que obtivo praza producirase no prazo de tres días, contados a partir do seguinte ó da publicación desta orde no Diario Oficial de Galicia.

Se na data na que debe cesar no seu destino, o funcionario desfruta dun período de licencia, vacacións ou permiso, o prazo para efectualo empezará a contar a partir do día seguinte ó da súa incorporación.

A toma de posesión da praza adxudicada deberase realizar no prazo de tres días a partir do seguinte ó do cesamento, de tratarse da mesma localidade na que actualmente presta os seus servicios o funcionario, ou no prazo dun mes, de tratarse de distinta localidade, conforme o establecido nos artigos 14 e 16 do Decreto 93/1991, do 20 de marzo (Diario Oficial de Galicia nº 58, do 25 de marzo).

Terceiro.- A xefatura de persoal do centro no que cause baixa o funcionario, así como a daquel no que obteña praza, efectuarán, dentro do prazo sinalado no apartado anterior, as dilixencias de cesamento e toma de posesión, respectivamente; acto seguido realizaranse os trámites necesarios para a súa alta na nómina.

Cuarto.- Contra esta orde, que esgota a vía administrativa, os interesados poderán interpoñer recurso contencioso-administrativo perante o Tribunal Superior de Xustiza de Galicia, no prazo de dous meses a partir do día seguinte ó da súa publicación no Diario Oficial de Galicia, logo de comunicarlle a esta consellería a vontade de interpoñelo, segundo o prevido no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 23 de febreiro de 1998.

Amancio Landín Jaráiz

Conselleiro de Pesca, Marisqueo e Acuicultura

ANEXO I

Apelidos e nome: Pais Comino, Beatriz.

Número de rexistro persoal: 5249092213 A2060.

Grupo: A.

Posto de traballo: Servicio de Marisqueo e Acuicultura.

Código do posto: PE.C99.10.000.15001.054.

Nivel: 28.

Dependencia: Delegación Territorial da Coruña.

Localidade: A Coruña.

ANEXO II

Posto de traballo: Secretaría.

Código do posto: PE.C01.00.000.15770.002.

Nivel: 18.

Dependencia: gabinete do conselleiro.

Localidade: Santiago de Compstela.

2041