Na sesión celebrada o día 3 de marzo de 1998 polo tribunal III-1C designado para xulga-las probas selectivas para o acceso ás categorías 33, 36, 37, 39, 46, 97, do grupo III do persoal laboral fixo da Xunta de Galicia, convocadas por orde da Consellería da Presidencia e Administración Pública do 2 de decembro de 1996 (Diario Oficial de Galicia nº 242 do 12-12), acordouse:
1º Que o terceiro exercicio para os aspirantes admitidos no proceso selectivo para o acceso ás categorías de encargado/a supervisor/a de telefónica (33) e de rexedor/a de escena (39) do grupo III que superaron o segundo exercicio terá lugar o día 24 de marzo de 1998, ás 17 horas, no Seminario A da Escola Galega de Administración Pública (EGAP), sita na rúa de Madrid 2-4 (Polígono das Fontiñas), en Santiago de Compostela.
O chamamento para a entrada dos opositores no lugar de celebración do exercicio comezará ás 16.50 horas.
2º Que o terceiro exercicio para os aspirantes admitidos no proceso selectivo para o acceso ás categorías técnico/a de son (37) e técnico/a de máquinas do IGAEM (46) do grupo III que superaron o segundo exercicio terá lugar o día 26 de marzo de 1998, ás 17 horas, no Seminario A da Escola Galega de Administración Pública (EGAP), en Santiago de Compostela.
O chamamento para a entrada dos opositores no lugar de celebración do exercicio comezará ás 16.50 horas.
3º Que o terceiro exercicio para os aspirantes admitidos no proceso selectivo para o acceso á categoría auxiliar de son (97) do grupo III que superaron o segundo exercicio terá lugar o día 30 de marzo de 1998, ás 17 horas, nas dependencias do Instituto Galego de Artes Escénicas e Musicais (IGAEM), sitas na Vía Faraday, nº 39, no Polígono do Tambre, en Santiago de Compostela.
O chamamento para a entrada dos opositores no lugar de celebración do exercicio comezará ás 16.50 horas.
4º Que o terceiro exercicio para os aspirantes admitidos no proceso selectivo para o acceso á categoría experto/a audiovisuais (36) do grupo III que superaron o segundo exercicio terá lugar o día 31 de marzo, ás 16.30 horas, nas dependencias da Con
sellería de Educación e Ordenación Universitaria, sitas en San Lázaro, nº 107, en Santiago de Compostela.
O chamamento para a entrada dos opositores no lugar de celebración do exercicio comezará ás 16.20 horas.
5º Os aspirantes de tódalas categorías deberán comparecer provistos de documento identificativo (base II.2.3 e base II.3.2), e con bolígrafo.
Santiago de Compostela, 4 de marzo de 1998.
Loreto Díaz Sánchez
Presidenta do tribunal
2037