A Dirección Xerencia do Complexo Hospitalario Provincial de Pontevedra-Rebullón, en virtude das atribucións que lle foron delegadas de acordo co establecido no artigo 7 da orde da Consellería de Sanidade e Servicios Sociais do 22 de maio de 1996 (DOG 111, do 6 de xuño), sobre delegación de competencias en órganos centrais e periféricos do Sergas, convoca o seguinte concurso público:

Obxecto e orzamento:

Contratación de: servicio de mantemento ascensores.

Orzamento: 8.000.000 de ptas. (oito millóns de pesetas).

Prazo de execución: ata o 31 de decembro de 1998, aínda que poderá ser obxecto de prórroga por mutuo acordo segundo o disposto no artigo 199 da LCAP.

Forma de adxudicación: procedemento aberto por medio de concurso público, trámite ordinario nº 1/98.

Admisión de variantes: non se admitirán variantes.

Solvencia económica e financeira: acreditarase polos medios previstos no artigo 16 da Lei 13/1995, de contratos da Administración pública.

Solvencia técnica: acreditarase polos medios previstos no artigo 19 da Lei 13/1995, de contratos da Administración pública.

Fianza provisional: a contía da fianza provisional (por valor do 2% do orzamento total de contrato) é de cento sesenta mil pesetas (160.000 ptas.).

Clasificación esixida: grupo III, subgrupo 7, categoría A.

Criterios de adxudicación:

Nº ordeCriterio de adxudicaciónPuntuación

1Proposta económicaAta 25 puntos

2Tempo de respostaAta 25 puntos

3Mantemento preventivo e correctivoAta 20 puntos

4Recursos humanosAta 15 puntos

5Innovacións/actualizacións e achega mellorasAta 15 puntos

Documentación de interese para os licitadores: os pregos de cláusulas administrativas particulares e prescricións técnicas e demais documentación com

plementaria poden ser solicitados no Servicio de Subministracións e Contratación do Complexo Hospitalario Provincial-Rebullón, r/ Loureiro Crespo nº 1, das 9 ás 14 horas, de luns a venres. (Tfno. (986) 86 23 63 e fax (986) 84 79 41).

Presentación de proposicións: deberanse presentar en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 14 horas do vixésimo sexto día natural contado desde o seguinte ó da publicación desta resolución no DOG, ou enviadas por correo dentro de prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (986) 84 79 41 ou telegrama no mesmo día, de conformidade coa lexislacion vixente.

Apertura de proposicións: terá lugar nun acto público na sala de xuntas do Complexo Hospitalario Provincial-Rebullón ás 10 horas do décimo primeiro día natural contado desde o seguinte día a aquel en que remate o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar no día hábil seguinte.

Documentación que deberán achega-los licitadores: os documentos que figuran no prego de cláusulas administrativas particulares.

Anuncios: o pagamento dos anuncios do presente concurso público seran por conta do/s adxudicatario/s do contrato.

Pontevedra, 11 de febreiro de 1998.

Alfredo García Iglesias

Director xerente do Complexo Hospitalario

Provincial-Rebullón de Pontevedra