En cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e de conformidade do establecido nos artigos 1124, 1504, 1501 e 1091 do Código Civil e a cláusula XIV do contrato de compravenda, notifícaselles ós interesados cos datos e domicilio (identificado por número de expediente e conta) que a continuación se relacionan, os requirimentos de pagamento dos recibos pendentes e que ascenden ás cantidades que se sinalan, facéndolles constar que se irán incorporando ó total da débeda os posteriores vencementos que resulten non pagados e que lles serán reclamados por tódolos medios legais.
Tendo en conta as obrigas dimanantes dos contratos subscritos por vostedes coa Xunta de Galicia e de acordo co establecido no artigo 84 da Lei 30/1992, do 26 de novembro, de réxime xurídico das administracións públicas e do procedemento administrativo común, concédeselles un prazo de dez días hábiles para que se poñan ó día das súas obrigas, ou se presenten na delegación provincial, en trámite de audiencia para os efectos de presenta-los documentos e xustificacións que consideren convenientes ó seu dereito.
En caso contrario procederase á resolución dos seus contratos e iniciación dos oportunos expedientes de desafiuzamento, co conseguinte lanzamento da vivenda, para a súa posterior adxudicación a outro beneficiario, expido, asino e selo esta cédula na Coruña o 12 de febreiro de 1998.
Mª Teresa Morán Calero
Xefa da área provincial do Instituto Galego
da Vivenda e Solo da Coruña
ANEXO
Francisco Sánchez Rodríguez e herdeiros.
Expediente: C-83/020 (DP-D 80/97).
Conta: 18.
Polígono de Caranza, bloque 5, P-25, baixo D (Ferrol).
Importe débeda: 1.332.243 ptas.