De conformidade co disposto no artigo 79 da LCAP e acordo da Comisión de Goberno, do 13 de febreiro de 1998, anúnciase por procedemento urxente e poxa as obras da unidade de actuación urbanística número tres, conforme o seguinte contido:
1. Obxecto do contrato: é obxecto do contrato a urbanización da unidade de actuación urbanística número tres Laracha.
2. Duración do contrato: dous meses.
3. Tipo de licitación: 7.554.026 ptas. IVE incluído.
4. Pagamento: custos de urbanización de propietarios, ingresados en contas non orzamentarias en metálico.
5. Pregos: rexerá o prego de cláusulas administrativas xerais para poxa co procedemento aberto (BOP número 224, do 28-9-1995).
6. Garantía provisional: será o 2% do tipo de licitación.
7. Garantía definitiva: será o 4% do orzamento.
8. Presentación de proposicións: durante os trece días naturais seguintes ó da publicación do anuncio no BOP.
9. Apertura de proposicións: terá lugar no quinto día hábil seguinte ó remate do prazo de presentación de proposicións, excepto se o día sinalado coincidise con sábado, domingo ou festivo, neste caso adiarase ó primeiro día hábil.
10. Modelo de proposición: Don/Dona.....veciño/a de.....con domicilio en....(en nome propio ou en representación de....) coñecedor/a da poxa tramitada para adxudicar, mediante procedemento urxente e poxa, as obras de urbanización da unidade de actuación urbanística número tres de Laracha, comprométese a efectualas no prezo de.... pesetas (en letra e número).
Laracha, 13 de febreiro de 1998.
Jesús Rama Becerra
Alcalde