A Consellería de Economía e Facenda anuncia o concurso público polo procedemento aberto para a contratación dunha subministración de impresos de taxas de autoliquidación con destino á Consellería
de Economía e Facenda. As características básicas da contratación son as seguintes:
1. Entidade adxudicadora: Consellería de Economía e Facenda, Secretaría Xeral e do Patrimonio, San Caetano, 15704 Santiago de Compostela, Tfno.: 54 41 34. Expediente 1/98.
2. Obxecto do contrato: subministración en forma sucesiva e por prezo unitario de impresos de autoliquidación de taxas con destino á Consellería de Economía e Facenda.
3. Prazo de execución: o prazo de execución será de 3 días hábiles que se contarán a partir da data de cada pedido que efectúe a Administración.
4. Tramitación, procedemento e forma de adxudicación:
a) Tramitación: ordinaria.
b) Procedemento: aberto.
c) Forma de adxudicación: concurso público.
5. Orzamento base de licitación: cinco millóns seiscentas mil pesetas (5.600.000 ptas.) IVE incluído.
6. Garantía provisional: 2% do orzamento base de licitación equivalente a cento doce mil pesetas (112.000 ptas.).
7. Obtención da documentación e información: nas dependencias da Secretaría Xeral e do Patrimonio da Consellería de Economía e Facenda, no edificio administrativo San Caetano, s/n, C.P. 15704. Santiago de Compostela, Tlfo.: 54 41 34, Telefax: 54 41 25.
A data límite de obtención da documentación e información será a fixada para o prazo de presentación das proposicións.
8. Presentación de ofertas: as proposicións presentaranse antes das 14 horas do vixésimo sexto día seguinte ó da publicación desta resolución no Diario Oficial de Galicia e elaboraranse segundo o modelo que figura no prego de cláusulas administrativas particulares. Tódolos documentos esixidos no prego de cláusulas administrativas particulares deberanse presentar en man no rexistro xeral da Consellería de Economía e Facenda, ou por correo na forma establecida no artigo 100 do Regulamento xeral de contratación do Estado, dirixidos á Consellería de Economía e Facenda, Secretaría Xeral e do Patrimonio, edificio administrativo San Caetano, s/n C.P. 15704, Santiago de Compostela.
9. Apertura de ofertas: a mesa de contratación procederá á apertura das proposicións económicas en acto público ó que poderán asisti-los licitadores ou os seus representantes, nas dependencias da Secretaría Xeral e do Patrimonio da Consellería de Economía e Facenda, en San Caetano (Santiago de Compostela) ás 10 horas do quinto día natural, que non coincida en sábado, seguinte ó da finalización do prazo de presentación das proposicións.
O importe do anuncio de licitación correrá a cargo do adxudicatario.
Santiago de Compostela, 13 de febreiro de 1998.
P.D. (Orde 13-12-1993)
Emilio Álvarez Rey
Secretario xeral e do Patrimonio da Consellería
de Economía e Facenda