De conformidade coa proposta elevada pola comisión designada para xulga-lo concurso convocado por resolución desta universidade do 6 de marzo de 1997 (BOE do 27 de marzo), para a provisión da praza nº 97/003 de profesor titular de universidade da área de coñecemento de psicoloxía social, do departamento de Psicoloxía desta universidade, a favor de Ricardo García Mira, e unha vez acreditados polo interesado os requisitos ós que alude o apartado 2 do art. 5º do Real decreto 1888/1984, do 26 de setembro,

Este rectorado, no uso das atribucións conferidas polo Art. 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Ricardo García Mira, profesor titular de universidade da área de coñecemento de psicoloxía social, do departamento de Psicoloxía, desta universidade.

A Coruña, 11 de febreiro de 1998.

José Luis Meilán Gil

Rector da Universidade da Coruña