DOG 38 do 25/02/1998 - ORDE do 19 de febreiro de 1998 pola que se fixa un novo prazo para apertura dos sobres números 2 e 3 previsto no prego de bases administrativas e de condicións técnicas aprobado polo Decreto 281/1997, do 9 de outubro, polo que se regula o procedemento de contratación da xestión indirecta do Servicio de Radiofusión Sonora, de carácter comercial, en ondas métricas con modulación de frecuencia en determinadas localidades da Comunidade Autónoma.

III. OUTRAS DISPOSICIÓNS

CONSELLERÍA DE CULTURA, COMUNICACIÓN SOCIAL E TURISMO

ORDE do 19 de febreiro de 1998 pola que se fixa un novo prazo para apertura dos sobres números 2 e 3 previsto no prego de bases administrativas e de condicións técnicas aprobado polo Decreto 281/1997, do 9 de outubro, polo que se regula o procedemento de contratación da xestión indirecta do Servicio de Radiofusión Sonora, de carácter comercial, en ondas métricas con modulación de frecuencia en determinadas localidades da Comunidade Autónoma.

Celebrado o acto de apertura das ofertas (sobre número 2: documentación técnica e económica, e sobre número 3: documentación complementaria) das empresas admitidas ó procedemento de contratación regulado polo Decreto 281/1997, do 9 de outubro, e de conformidade coa Orde do 20 de novembro de 1997 (DOG do 24 de novembro) de ampliación do prazo fixado no artigo 11 do prego-tipo de bases administrativas e de condicións técnicas, no devandito acto quedaron excluídas unha serie de empresas (acta do 12 de decembro) algunha das cales interpuxo contra o acordo da mesa de contratación, do 15 de decembro de 1997, recurso ordinario ante o conselleiro de Cultura, Comunicación Social e Turismo. Resoltos estes, co obxecto de salvagarda-los principios de publidade, concorrencia e obxectividade que debe presidi-lo procedemento de contratatación, sinálase un novo día para a apertura dos sobres 2 e 3 das empresas que resultaran admitidas.

Na súa virtude, de conformidade co establecido no artio 57.3º da Lei 30/1992, do 26 de novembro, de réxime xurídico das administracións públicas e do procedemento administrativo común, por proposta do presidente da mesa de contratación, e facendo uso das facultades que me confire a disposición

derradeira primeira do devandito Decreto 281/1997, do 9 de outubro, esta consellería,

ACORDA:

Artigo único.-A apertura das ofertas das empresas que resultaran admitidas (sobre nº 2.-documentación técnica e económica e sobre nº 3.-documentación complementaria), terá lugar en acto público ás 9 horas na sala de xuntas da Consellería de Cultura, Comunicación Social e Turismo, sita no edificio administrativo de San Caetano, en Santiago de Compostela, no prazo de 3 días naturais contados desde o día seguinte ó da publicación da presente orde no Diario Oficial de Galicia. Se o último día fose inhábil ou sábado, terá lugar ó seguinte día hábil.

Disposición derradeira

Esta orde entrará en vigor o día da súa publicación no Diario Oficial de Galicia.

Santiago de Compostela, 19 de febreiro de 1998.

Jesús Pérez Varela

Conselleiro de Cultura, Comunicación Social

e Turismo