O proxecto de ecoplanta de Vilaboa esixe, de conformidade co artigo 25 da Lei 10/1997, do 22 de agosto, de residuos sólidos urbanos de Galicia, o estudio de efectos ambientais, que se efectuará ó abeiro do previsto no Decreto 327/1991, do 4 de outubro, de efectos ambientais para Galicia, que, pola súa vez, dispón o sometemento do referido estudio ó trámite de información pública. Na súa virtude,
RESOLVO:
Primeiro.-Someter á información pública, durante o período de quince días hábiles contados a partir da publicación da presente resolución, o estudio de efectos ambientais do proxecto da ecoplanta de Vilaboa, promovido pola Consellería de Medio Ambiente.
Segundo.-Un exemplar do plan estará á disposición dos administrados, os referidos efectos informativos, nas seguintes dependencias:
-Dirección Xeral de Calidade e Avaliación Ambiental.
-Delegación Provincial da Consellería de Medio Ambiente de Pontevedra.
-Concello de Vilaboa.
Santiago de Compostela, 9 de febreiro de 1998.
Francisco Pan-Montojo González
Director xeral de Calidade e Avaliación Ambiental