De conformidade co establecido na lexislación vixente en materia portuaria, en virtude das facultades que teño conferidas pola Orde do 29 de xaneiro de 1996 (Diario Oficial de Galicia nº 28, do 8-2-1996), sobre delegacións de competencias no presidente do Ente Públco Portos de Galicia,

RESOLVO:

Prorroga-lo prazo de presentación de solicitudes para o outorgamento de concesións e utilización exclusiva de prazas de amarre nunha zona que se vai construír do porto de Pedras Negras, destinada a dársena náutico-deportiva, que se rexerá polo prego de condicións e de bases aprobado para o efecto e que estará a disposición dos interesados na sede central do Ente Público Portos de Galicia, sita en praza de Europa, 5º A, 15707, Santiago de Compostela, e na sede social do Club Náutico San Vicente do Mar sita no peirao do Espiño s/n, San Vicente do Mar (O Grove).

A prórroga do prazo de presentación de solicitudes é de seis meses e iniciarase o día seguinte ó da publicación deste anuncio no Diario Oficial de Galicia.

As solicitudes presentaranse no rexisto xeral de Portos de Galicia, Área Central, praza de Europa 5º A, 15707 Santiago de Compostela ou a través do Club Náutico San Vicente do Mar, con domicilio no peirao do Espiño s/n, San Vicente do Mar (O Grove).

Santiago de Compostela, 2 de febreiro de 1998.

P.D.(Orde 29-1-1996, DOG nº 28, do 8 de febreiro)

Emilio García Gallego

Presidente do Ente Público Portos de Galicia