De acordo co establecido no prego de cláusulas administrativas particulares polas que se rexe o contrato de servicios arriba indicado (e que, xunto coa restante documentación de interese para os licitadores, pode ser adquirido no servicio de información da Consellería de Educación e Ordenación Universitaria, edificio administrativo de San Caetano, Santiago de Compostela, teléfono 544400), faise público:
1º.-Obxecto: deseño, confección, maquetación, impresión e distribución por tódolos centros de ensino público e privado de Galicia de:
-8.000 exemplares dos números 20 e 21 da Revista Galega do Ensino no ano 1998.
-8.000 exemplares dos números 22, 23, 24 e 25 da Revista Galega do Ensino no ano 1999.
-8.000 exemplares do número 26 da Revista Galega do Ensino no ano 2000.
2º.-Forma de adxudicación: procedemento aberto, mediante concurso.
3º.-Orzamento: 40.000.000 de ptas., IVE incluído.
4º.-Garantía provisional: 800.000 ptas.
5º.-Requisitos dos licitadores: os especificados nos puntos 6 e 7 do prego de cláusulas administrativas particulares. A clasificación esixida é o grupo III dos servicios, subgrupo 8 (outros servicios), categoría C.
6º.-Proposicións: de acordo co que especifica no punto 7 do prego de cláusulas administrativas particulares, a documentación será presentada no rexistro xeral da Consellería de Educación e Ordenación Universitaria ata as 14 horas do día 2 de marzo de 1998.
7º.-Apertura das proposicións: a apertura das ofertas presentadas en prazo hábil terá lugar en acto público na sala de xuntas da Dirección Xeral de Política Lingüística da Consellería de Educación e Ordenación Universitaria, no edificio administrativo de San Caetano en Santiago de Compostela, ás 11 horas do día 9 de marzo de 1998.
8º.-Anuncios: o importe deste anuncio será por conta do adxudicatario.
Santiago de Compostela, 17 de febreiro de 1998.
Manuel Regueiro Tenreiro
Director xeral de Política Lingüística