A Corporación Municipal deste Concello, en sesión plenaria celebrada o día 26 de decembro de 1997, acordou prestarlle aprobación definitiva ó expediente de modificación puntual das normas subsidiarias municipais de planeamento, para fixar ordenación de terreos situados no Campo de San Roque na vila de Portonovo.

A modificación aprobada consiste na emenda de comunicación entre a zona verde ZV-20 coa Avda. de Pontevedra, por unha nova ordenación semellante á das parcelas estremeiras.

De conformidade co establecido no artigo 48.2º da Lei 1/1997, do 24 de marzo, do solo de Galicia, a modificación aprobada e a normativa que a regulamenta será publicacada no BOP de Pontevedra.

Contra este acordo, que é definitivo en vía administrativa, poderase interpor directamente, e no prazo de dous meses, recurso contencioso-administrativo ante o Tribunal Superior de Xustiza de Galicia na Coruña, logo da comunicación ó órgano autor

do acto, ó que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que poida exercerse, se é o caso, calquera outro recurso que considere procedente.

Sanxenxo, 16 de xaneiro de 1998.

José Luis Rodríguez Lorenzo

Alcalde