O artigo 2º, punto 4, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), dispón que o órgano ambiental someterá o estudio de efectos ambientais ó trámite de información pública, durante quince días hábiles, mediante anuncio no Diario Oficial de Galicia.
Na súa virtude,
RESOLVO:
1. Someter a información pública, no prazo de quince días hábiles, contados a partir da publicación da presente resolución, o estudio de efectos ambientais do proxecto de explotación da canteira Canabal, situada no termo municipal de Sober, provincia de Lugo.
2. Para os devanditos efectos informativos, poranse á disposición dos administrados exemplares nas seguintes dependencias:
*Dirección Xeral de Calidade e Avaliación Ambiental.
*Delegación Provincial da Consellería de Medio Ambiente da provincia de Lugo.
*Concello de Sober.
3. As alegacións formularanse durante o dito prazo de quince días.
4. Unha vez rematado o mencionado prazo, remitirase o expediente coas correspondentes alegacións á Dirección Xeral de Calidade e Avaliación Ambiental.
Santiago de Compostela, 12 de xaneiro de 1998.
Francisco Pan-Montojo González
Director xeral de Calidade e Avaliación Ambiental