A Comisión de Goberno, en sesión celebrada o 26 de xaneiro de 1998 aprobou, con carácter inicial,

o proxecto de urbanización dun tramo de rúa na Avenida de Vigo, entre os cuarteiróns número 238 e 240 do PXOU promovido mediante iniciativa particular por Promociones Acuña, S.L., e planos reformados números 2 e 3, que reforman e anulan os correlativos do proxecto, documentación toda ela redactada polo arquitecto Fernando Lafuente Lestón, visado pola Delegación en Pontevedra do COAG con datas do 31/10/1997 e 22/12/1997, respectivamente, incorporándose a este acto tódalas condicións impostas pola Unidade de Estradas en Pontevedra do Ministerio de Fomento en informe con data 12/1/1998 que se notificará, por conseguinte, á promotora, dispoñéndose o seu sometemento a información pública.

Durante o prazo dun mes, contado a partir da publicación deste anuncio no Diario Oficial de Galicia calquera interesado poderá examinar na Unidade de Fomento do concello (rúa Dona Teresa) a documentación inicialmente aprobada, e formula-las alegacións que coide pertinentes.

Pontevedra, 3 de febreiro de 1998.

Juan Luis Pedrosa Fernández

Alcalde

Julio Dapena Outomuro

Secretario xeral