A Comunidade Autónoma de Galicia ostenta a titularidade dun local de 150 m sito na rúa Dr. García Portela, 13 de Lugo, en virtude do Real decreto 258/1985, do 23 de xaneiro, sobre traspaso á Comu

nidade Autónoma de Galicia de funcións e servicios do Instituto Nacional de Servicios Sociais (Inserso) da Seguridade Social.

O Servicio Galego de Saúde solicitou a adscrición do dito local unha vez que fora desocupado pola Área de Servicios Sociais da Delegación Provincial da Consellería de Sanidade e Servicios Sociais como consecuencia do seu traslado ó edificio de usos múltiples situado na Ronda da Muralla.

A Consellería de Sanidade e Servicios Sociais emitiu informe favorable sobre a adscrición solicitada polo antedito organismo autónomo.

Á vista do disposto nos artigos 13 da Lei 3/1985, do 12 de abril, do patrimonio da Comunidade Autónoma de Galicia e 20 e seguintes do Decreto 50/1989, do 12 de abril, polo que se aproba o Regulamento para a execución da Lei 3/1985, de conformidade coa proposta do conselleiro de Economía e Facenda e logo da deliberación do Consello da Xunta de Galicia na súa reunión do trinta de xaneiro de mil novecentos noventa e oito,

DISPOÑO:

Artigo único

1. Adscríbese ó Servicio Galego de Saúde o local de 150 m situado na rúa Dr. García Portela, 13 da cidade de Lugo, para instalación do Servicio de Inspección e Asistencia Sanitaria.

2. A Consellería de Economía e Facenda, a través da Secretaría Xeral e do Patriminio, levará a cabo tódolos trámites necesarios para a efectividade do disposto no presente decreto.

Santiago de Compostela, trinta de xaneiro de mil novecentos noventa e oito.

Manuel Fraga Iribarne

Presidente

José Antonio Orza Fernández

Conselleiro de Economía e Facenda