De conformidade co disposto no artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselle á persoa que no anexo se menciona, que con esta data resolvín publica-lo acordo de iniciación do procedemento sancionador por infracción á Lei 81/1968, do 5 de decembro, sobre incendios forestais, e o seu regulamento aprobado polo Decreto 3769/1972, do 23 de decembro (BOE 13/02/1973), por non ser posible a notificación a través do servicio de correos.

Noméase instructor deste procedemento a Fernando Rengifo Méndez-Núñez, funcionario desta delegación; podendo ser recusado en calquera momento do expediente de concorre-los supostos legais.

Os interesados disporán dun prazo de quince días, contados a partir do seguinte ó da publicación desta notificación, para achegar, por escrito, cantas alegacións, documentos, informacións ou propostas de probas consideren convenientes en defensa dos seus dereitos.

Conforme o establecido no artigo 13.2 do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pagamento voluntario poralle fin ó expediente. Para efectualo deberá emprega-los impresos normalizados que lle serán facilitados na Delegación Provincial de Lugo, edificio administrativo da Xunta de Galicia-Ronda da Muralla, nº 70.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

Lugo, 12 de decembro de 1997.

José Ramón Molinero Senovilla

Delegado provincial de Lugo

ANEXO

-Expediente nº: IF 162/97.

Denunciado: Antonio Mourelle López.

DNI. 34.249.563.

Último enderezo coñecido: Sobrecedo, nº4-Taboada (Lugo).

Feitos imputados: abandonar un vehículo próximo ó monte, marca Renault 4, matrícula PO-3374-M; estando prohibido botar lixo, restos industriais ou de calquera clase que supoña perigo de incendio forestal.

Precepto sancionador: artigo 136.j) 137.e) do Regulamento de incendios.

Cualificación: grave.

Sanción: 12.000 ptas.