Eu, Francisco Javier Míguez Poza, maxistrado-xuíz do Xulgado de Primeira Instancia e Instrucción número dous desta cidade, fago saber:

Que neste xulgado se segue xuízo executivo número 384/1997, promovido por Renault Leasing de España, S.A., representado polo procurador García Piccoli, contra María José Rodríguez Gómez, Santiago Almón Gambino, María Virtudes Louzao Gómez e Emilio Eyre Val, sobre reclamación de cantidade de 511.291 pesetas, importe do principal, e 250.000 pesetas para xuros e custas; e dado que os demandados se atopan en ignorado paradoiro, por medio do presente edicto son citados os ditos demandados, co fin de que no termo improrrogable de nove días comparezan nestes autos en legal forma, mediante letrado e procurador e se opoñan á execución se lles conviñese, facendo constar que as copias da demanda e documentos se atopan nesta secretaría á súa disposición e apercíboos de que, de non compareceren, serán declarados en rebeldía, seguindo o preito o seu curso, sen volvelos citar nin facerlles outras notificacións cás que determine a lei.

Sen previo requirimento de pagamento procédese ó embargo dos seguintes bens:

De Santiago Almón Gambino:

-Soldo, pagas extraordinarias ou calquera tipo de emolumentos que perciba da empresa Magdalena Mosquera Aller, sita na rúa Romero Donallo, s/n.

De Emilio Eyre Val:

-Urbano, piso a vivenda, denominado para minusválidos, que ten como anexos a praza de garaxe número 26 e o rocho situado como minusválido, na planta do faiado, entreplanta, sito na rúa Restollal, s/n en Santiago de Compostela, dunha superficie

de 87 metros cadrados útiles. Inscrito no Rexistro da Propiedade número 1 de Santiago de Compostela, no folio 103, tomo 1021, libro 60, predio número 5285.

De María José Rodríguez Conde, Santiago Almón Gambino, María Virtudes Louzao Gómez e Emilio Eyre Val:

-Saldos acredores derivados de contas correntes, libretas de aforro, imposicións, depósitos, valores ou calquera outro dereito de crédito que posúan, na oficina da Caixa de Aforros Provincial de Ourense, sita na rúa Montero Ríos, 22 de Santiago de Compostela.

Cantidades que eventualmente, en concepto de devolución por causa do imposto sobre a renda das persoas físicas, lles deba a Axencia Estatal de Administración Tributaria (Delegación de Santiago de Compostela).

E para que conste e lles sirva de citación en forma ós demandados, expido e asino o presente edicto en Santiago de Compostela o quince de xaneiro de mil novecentos noventa e oito.

Rubricado

584