Galego | Castellano

DOG - Xunta de Galicia -

Diario Oficial de Galicia
DOG Núm. 25 Venres, 06 de febreiro de 1998 Páx. 1.158

IV. OPOSICIÓNS E CONCURSOS

UNIVERSIDADE DE SANTIAGO DE COMPOSTELA

RESOLUCIÓN do 15 de xaneiro de 1998 pola que se convocan probas selectivas para a provisión dunha praza de médico, grupo I, vacante no cadro de persoal desta universidade.

Este rectorado, en uso das atribucións conferidas polo artigo 18 da Lei de reforma universitaria en relación co artigo 3.2e) da mesma norma, así como

nos estatutos desta universidade, resolve convocar probas selectivas para cubrir 1 praza de médico do grupo I, vacante no seu cadro de persoal laboral, con suxeición ás seguintes bases da convocatoria,

1. Normas xerais.

1.1. Convócanse probas selectivas para cubrir con persoal laboral fixo 1 praza de médico do grupo I do convenio colectivo do persoal laboral das universidades públicas de Galicia (DOG do 18 de outubro de 1996), polos sistemas de promoción interna e de acceso libre.

1.2. Os procesos de selección de promoción interna e libre realizaranse separadamente, e serán en primeiro lugar os de promoción interna. As vacantes non cubertas pola quenda de promoción interna acumularanse á provisión libre.

1.3. Os seleccionados polo sistema de promoción interna terán preferencia sobre a quenda libre para a elección de vacantes.

1.4. Os/as aspirantes só poderán participar nun dos dous sistemas de provisión.

1.5. O procedemento de selección dos aspirantes será o de concurso-oposición, do que as probas e valoracións se axustarán ó que se especifica no anexo I desta convocatoria.

1.6. A adxudicación das prazas ós aspirantes que superen o proceso selectivo efectuarase de acordo coa puntuación total obtida sumando ámbalas dúas fases.

1.7. O programa que rexerá na fase de oposición especifícase no anexo II.

2. Requisitos dos aspirantes.

2.1. Para seren admitidos á realización das probas selectivas, os/as aspirantes deberán reuni-los seguintes requisitos na data de remate do prazo de presentación de solicitudes e mantelos ata o momento de formalización do contrato:

a) Ser español ou nacional de calquera Estado membro da Unión Europea.

b) Ter cumpridos dezaoito anos de idade.

c) Estar en posesión do título de licenciado en medicina.

d) Non padecer enfermidade nin estar afectado por limitación física ou psíquica que sexa incompatible co desempeño das correspondentes funcións.

e) Non ter sido separado ou suspendido de servicio de calquera das administracións públicas en virtude de expediente disciplinario, nin estar inhabilitado por sentencia firme para o exercicio da función pública.

2.2. Os aspirantes que concorran ás probas pola quenda de promoción interna deberán reunir, ademais, os seguintes requisitos:

a) Teren a condición de persoal laboral fixo de calquera das universidades públicas da Comunidade Autónoma de Galicia.

b) Pertenceren a distinta categoría cá das prazas convocadas na presente convocatoria.

c) Teren permanecido un mínimo de 6 meses na súa categoría profesional.

3. Solicitudes.

3.1. Os que desexen tomar parte nestas probas selectivas deberán solicitarllo ó rector da Universidade de Santiago de Compostela en instancia segundo o modelo que figura como anexo IV a esta convocatoria, no prazo de vinte días naturais contados a partir do seguinte día ó da publicación desta convocatoria no Diario Oficial de Galicia.

Os/as aspirantes deberán facer constar na súa solicitude o sistema polo que se inscriben, libre ou de promoción interna, segundo corresponda.

3.2. A instancia irá acompañada de fotocopia do DNI e dos xustificantes que acrediten os méritos alegados nela, na seguinte forma:

3.2.1. Certificación acreditativa dos servicios prestados, fóra da Universidade de Santiago de Compostela, expedida pola unidade de persoal da Universidade Pública de Galicia onde prestaron os servicios referidos á data de remate do prazo de presentación de solicitudes. Se os servicios foron prestados na Universidade de Santiago, a certificación expedirase de oficio, e engadirase á solicitude do/a aspirante.

3.2.2. Os cursos de formación e cualificación profesional acreditaranse mediante a presentación do correspondente diploma, copia compulsada dela ou certificación do centro que os expide.

3.2.3. A experiencia profesional acreditarase mediante certificación da correspondente xerencia ou unidade de persoal da Administración onde prestase servicios.

3.3. A presentación de solicitudes farase nos rexistros xerais da Universidade situados no Rectorado da Universidade de Santiago (Pazo de San Xerome, praza do Obradoiro s/n) ou na Vicexerencia de Lugo (Augas Férreas, polígono de Fingoi, Lugo), ou nas restantes formas previstas no artigo 38 da Lei de réxime xurídico das administracións públicas e do procedemento administrativo común.

3.4. Os dereitos de exame serán de 4.000 pesetas, que se ingresarán na conta de Caixa Galicia «Oposicións» número: 2091-0388-90-3110000646. Para realiza-lo ingreso deberá utilizarse por triplicado o modelo de solicitude que figura como anexo IV.

En ningún caso a presentación e pagamento na entidade bancaria suporá a substitución do trámite de presentación, en tempo e forma, da solicitude.

3.5. Unicamente procederá a devolución dos dereitos de exame ós/ás aspirantes que sexan excluídos definitivamente destas probas selectivas e para tal efecto o reintegro realizarase de oficio. Para o que terán que facer consta-la entidade bancaria e o número de conta no recadro que para tal efecto figura na solicitude. De non figuraren estes datos, entenderase que renuncia á devolución dos dereitos de exame.

3.6. Os aspirantes con minusvalidez deberán indicalo na súa instancia e solicita-las posibles adaptacións de tempos e medios para a realización dos exercicios nos que a adaptación sexa necesaria.

4. Admisión de aspirantes.

4.1. Rematado o prazo de admisión de solicitudes, o rector da Universidade de Santiago de Compostela dictará, no prazo dun mes, resolución pola que se aproba a lista provisional de admitidos e excluídos, na que consten as causas da exclusión e o prazo para reparalas.

Para repara-los defectos que motivasen a exclusión ou omisión das devanditas relacións, os aspirantes disporán dun prazo de dez días contados a partir do seguinte ó da publicación da resolución. Os aspirantes que, dentro do prazo sinalado non reparasen a exclusión ou omisión, serán definitivamente excluídos da realización das probas.

A resolución que aprobe a lista definitiva de admitidos e excluídos esgotará a vía administrativa.

5. Tribunal.

5.1. O tribunal cualificador destas probas é o que figura como anexo III a esta convocatoria e terá a categoría primeira das recollidas no Decreto 299/1990, do 24 de maio (DOG do 1 de xuño), modificado polo Decreto 178/1992, do 26 de xuño (DOG do 7 de xullo).

O procedemento de actuación do tribunal axustarase en todo momento ó disposto na Lei 30/1992, do 26 de novembro, de réxime xurídico das administracións públicas e do procedemento administrativo común.

5.2. Os membros do tribunal deberán absterse de intervir notificándollo ó rector da universidade, can

do concorran neles as circunstancias previstas nos artigos 28 e 29 da Lei de réxime xurídico das administracións públicas e do procedemento administrativo común, ou se realizase tarefas de preparación de aspirantes a probas selectivas nos cinco anos anteriores á publicación desta convocatoria.

O presidente poderá solicitar dos membros do tribunal declaración expresa de non se encontraren incursos nas circunstancias previstas nos devanditos artigos.

Así mesmo, os/as aspirantes poderán recusa-los/las membros do tribunal cando concorran as circunstancias antes citadas.

5.3. A partir da súa constitución o tribunal, para actuar validamente, requirirá a presencia da maioría absoluta dos seus membros, titulares ou suplentes.

5.4. Dentro da fase de oposición o tribunal resolverá tódalas dúbidas que puidesen xurdir na aplicación destas normas así como o que se deberá facer nos casos non previstos.

5.5. O tribunal poderá dispo-la incorporación ós seus traballos de asesores especialistas para as probas correspondentes dos exercicios que estime pertinentes, limitándose os ditos asesores a prestasen a súa colaboración nas súas especialidades técnicas. A designación destes asesores deberá comunicárselle ó rector da universidade. O nomeamento dos asesores farase público, e seranlles aplicables as causas de abstención e recusación igual cós membros do tribunal.

5.6. O tribunal cualificador adoptará as medidas precisas naqueles casos nos que resulte necesario, de forma que os aspirantes con minusvalidez gocen de similares condicións para a realización dos exercicios có resto dos participantes. Neste sentido, estableceranse para as persoas con minusvalidez que o soliciten na forma prevista na base 3.6 as adaptacións posibles en tempo e medios para a súa realización.

5.7. O tribunal adoptará as medidas oportunas para garantir que os exercicios escritos sexan corrixidos sen que se coñeza a identidade dos/as aspirantes. O tribunal excluirá aqueles/as opositores que consignen o seu nome nas follas de exame, trazos, marcas ou signos que permitan coñece-la súa identidade.

5.8. En ningún caso o tribunal poderá declarar que superaron as probas selectivas un número superior de aspirantes có das prazas convocadas. Calquera proposta de aprobados que contraveña o establecido será nula de pleno dereito.

5.9. O tribunal, de conformidade co previsto no artigo 22.2 do convenio colectivo, poderá preve-la

constitución de listas de espera, segundo a orde de puntuación acadada nas probas, cos aspirantes que non as superaron, coa finalidade de atender, mediante contratacións temporais as vacantes e necesidades que poidan producirse ata a realización da próxima convocatoria.

6. Desenvolvemento dos exercicios.

6.1. A orde de actuación dos opositores iniciarase alfabeticamente polo primeiro da letra H, de conformidade co establecido na Resolución do 16 de maio de 1997 da Dirección Xeral da Función Pública.

6.2. En calquera momento os aspirantes poderán ser requiridos polo tribunal para que acrediten a súa identidade.

6.3. Os aspirantes serán convocados para cada exercicio nun só chamamento, sendo excluídos das probas aqueles que non comparezan, salvo nos casos de forza maior, debidamente xustificados, e libremente apreciados polo tribunal.

6.4. O día, hora e lugar de realización do primeiro exercicio faranse públicos na resolución que aprobe a relación definitiva de aspirantes admitidos e excluídos.

6.5. A publicación dos sucesivos anuncios de celebración dos demais exercicios efectuarase nos locais onde se fixese o primeiro deles así como no rectorado da universidade, ou por calquera outro medio que se estime conveniente para asegura.-la súa máxima divulgación, cunha antelación de polo menos vintecatro horas á sinalada para a súa iniciación.

6.6. En calquera momento do proceso selectivo, se o tribunal tivese coñecemento de que algún dos/as aspirantes carece dos requisitos esixidos pola presente convocatoria, logo da audiencia ó interesado, deberá propoñerlle a súa exclusión ó rector da Universidade de Santiago de Compostela, comunicándolle tamén as inexactitudes e falsidades formuladas polo/a aspirante na súa solicitude para os efectos procedentes.

7. Lista de aprobados.

7.1. Concluído cada un dos exercicios da fase de oposición, o tribunal cualificador fará pública a relación dos aspirantes seleccionados en cada un deles, con indicación da puntuación obtida.

7.2. A lista coa valoración de méritos da fase de concurso farase pública unha vez celebrado o derradeiro exercicio da fase de oposición.

7.3. A cualificación final do concurso-oposición virá determinada pola suma aritmética das puntuacións correspondentes á fase de oposición maila obti

da na fase de concurso de méritos, na forma establecida no anexo I. En caso de empate, daráselle preferencia á maior puntuación obtida na fase de oposición. De persisti-lo empate dirimirase a prol do candidato que obtivese a maior puntuación no exercicio específico de primeira fase. O tribunal fará pública, para cada sistema de acceso, a lista dos aspirantes que, segundo a orde da puntuación total acadada por cada un deles, fosen seleccionados, e que en ningún caso poderá conter un número de candidatos superior ó das prazas convocadas. A devandita relación, que será elevada polo tribunal ó rector da universidade xunto coa proposta de contratación a favor dos aspirantes que figuren nela, será publicada no taboleiro de anuncios do rectorado.

8. Presentación de documentos.

8.1. No prazo de 20 días naturais a partir do día seguinte a aquel no que se fixesen públicas as relacións definitivas de aprobados no rectorado da universidade, os/as aspirantes que figuren nelas deberán presentar no Servicio de PAS (Casa da Balconada, Rúa Nova, 6 de Santiago de Compostela) a seguinte documentación:

a) Fotocopia do DNI ou pasaporte.

b) Fotocopia compulsada do título esixido.

c) Declaración xurada de non teren sido separados mediante expediente disciplinario de ningunha Administración pública e de non se acharen inhabilitados para o exercicio das funcións públicas, nin realizaren actividade ou actividades suxeitas a incompatibilidades.

Os nacionais doutros estados membros da Comunidade Europea deberán acreditar igualmente non estaren sometidos a sanción disciplinaria ou condena penal que impida no seu estado, o acceso á función pública.

d) Certificado médico acreditativo de non padeceren enfermidade nin defecto físico que os imposibilite para o servicio.

8.2. Os que tivesen a condición de persoal laboral fixo de calquera Universidade Pública de Galicia estarán exentos de xustificar documentalmente as condicións e demais requisitos xa probados para accederen ó seu anterior posto. Deberán presentar certificación da universidade correspondente para acreditar tal condición, de non a teren presentada con anterioridade.

8.3. Ante a imposibilidade, debidamente xustificada, de presentaren os documentos expresados na base anterior, poderá acreditarse que se reúnen as condicións esixidas na convocatoria mediante calquera medio de proba admitido en dereito.

8.4. Quen dentro do prazo fixado, e salvo o caso de forza maior, non presentase a documentación ou do seu exame se deducise que carece dalgún dos requisitos sinalados na base 2, non poderá ser nomeado como persoal laboral fixo e quedarán anuladas as súas actuacións, sen prexuízo da responsabilidade en que incorrese por falsidade na solicitude inicial.

9. Disposición derradeira.

A presente convocatoria, as súas bases e cantos actos administrativos se deriven desta e das actuacións do tribunal poderán ser impugnados nos casos e nas formas establecidas na Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 15 de xaneiro de 1998.

P.D. (R. 23-12-1997)

Luis Concheiro Carro

Vicerrector de Relacións Exteriores

e Proxección Universitaria

ANEXO I

Denominación da praza: médico. Grupo I

Procedemento de selección:

O procedemento de selección será o de concurso-oposición.

1. O concurso-oposición constará das fases que a continuación se indican:

1.1. Primeira fase, de carácter eliminatorio: (para sistemas de promoción interna e acceso libre).

Primeiro exercicio (práctico):

Presentaranse varias probas sobre temas que se ven a diario nunha consulta médica. Será preciso facer un correcto diagnóstico sobre elas.

O tempo máximo para a realización deste exercicio será dunha hora. A puntuación será de 0 a 30 puntos, sendo necesario para aprobar obter un mínimo de 15 puntos.

Segundo exercicio (teórico):

Consistirá na realización por escrito de dous temas escollidos ó chou entre os que figuran no anexo II, pertencendo un deles á primeira parte o outro á segunda parte do temario específico.

O tempo máximo deste exercicio será de dúas horas.

A puntuación será de 0 a 30 puntos, sendo necesario para aprobar acadar un mínimo de 15 puntos.

1.2. Segunda fase:

Quenda de promoción interna.

-Proba de coñecemento da lingua galega. Terá carácter selectivo e non eliminatorio. Constará de dúas probas.

Primeira: consistirá na traducción, sen diccionario, dun texto do castelán para o galego, elixido por sorteo de entre tres propostos polo tribunal.

Segunda: consistirá na traducción, sen diccionario, dun texto do galego para o castelán, elixido por sorteo de entre tres propostos polo tribunal.

O tempo máximo para a realización deste exercicio será dunha hora.

A puntuación será de 0 a 10 puntos.

Quenda de acceso libre: terá carácter selectivo non eliminatorio, constará de dúas partes:

-Coñecementos non específicos do posto. Consistirá en contestar por escrito un cuestionario de preguntas tipo test, con 3 respostas alternativas das que só unha será a correcta, propostas polo tribunal e correspondentes ó temario non específico. A duración desta proba non será inferior a unha hora. A puntuación desta parte será de 0 a 10 puntos.

-Proba de coñecemento da lingua galega. Terá carácter selectivo non eliminatorio. Constará de dúas probas:

Primeira: consistirá na traducción, sen diccionario, dun texto do castelán para o galego, elixido por sorteo de entre tres propostos polo tribunal.

Segunda: consistirá na traducción, sen diccionario, dun texto do galego para o castelán, elixido por sorteo de entre tres propostos polo tribunal.

O tempo máximo para a realización deste exercicio será dunha hora. A puntuación será de 0 a 10 puntos.

1.3. Terceira fase: concurso.

Quenda de promoción interna: máximo 30 puntos.

1. Antigüidade: máximo 8 puntos a razón de 0,055 por mes traballado.

Experiencia: máximo 13 puntos.

A) Na mesma categoría en universidades públicas (0.18 puntos por mes traballado).

2. Cursos de formación e perfeccionamento, dispensados por centros ou organismos oficiais e que estean directamente relacionados co contido da praza. Máximo 5 puntos; puntuarase do seguinte xeito:

-Cursos de formación recibidos:

Cursos de aptitude: 0,02 puntos/hora de duración do curso.

Cursos de asistencia: 0,01 puntos/hora de duración do curso.

Curso de inciación da lingua galega: 0,01 puntos/hora.

Curso de perfeccionamento lingua galega: 0,02 puntos/hora.

No caso de térense os cursos de iniciación e perfeccionamento de galego, só puntuará o de perfeccionamento.

-Cursos de formación impartidos: 0,03 puntos/hora de duración do curso.

Nos cursos nos que non figure o número de horas, a puntuación farase polo mínimo de 10 horas.

3. Entrevista. Valorarase ata un máximo de 4 puntos.

1.4. Concurso para a quenda de acceso libre: máximo 15 puntos.

-Valoraranse os seguintes conceptos:

Experiencia: máximo 8 puntos.

A) Mesma categoría en universidades públicas (0.11 puntos por mes traballado).

B) Mesma categoría noutras administracións públicas (0.055 puntos por mes traballado).

C) Outras categorías universidades públicas (0.055 puntos por mes traballado).

Cursos: valoraranse igual que na promoción interna, ata un máximo de 4 puntos.

Entrevista: valorarase ata un máximo de 3 puntos.

ANEXO II

Denominación da praza: médico. Grupo I

Temario específico

Primeira parte: xeneralidades.

1. Organización científica do traballo. Ergonomía. Características dos lugares de traballo: ventilación, temperatura, iluminación.

2. Ordenación do espacio de traballo. Consideracións metodolóxicas sobre o deseño do posto de traballo e características ergonómicas dun asento de oficina. Postos de traballo en sedestación. Recomendacións para a disposición dos elementos do posto. Posto de traballo en bipedestación.

3. Horarios e ritmos de traballo. Organización dos ritmos profesionais. Fisioloxía dos ritmos biolóxicos. Perturbacións debidas ó traballo por turnos. Melloras posibles.

4. Accidentes de traballo. Concepto. Importancia. Causas. Prevención.

5. Doenzas profesionais. Concepto e clasificación. Prevención.

6. Incapacidade laboral e invalidez.

7. O método epidemiolóxico en saúde laboral.

8. Detección precoz de doenzas nun Servicio de Saúde Laboral.

9. Lei de prevención de riscos laborais.

Segunda parte: patoloxía do traballo.

1. Doenzas broncopulmonares de orixe laboral.

2. Alteracións bucodentarias de orixe laboral.

3. Alteracións otorrinolaringolóxicas de orixe laboral.

4. Hepatopatías de orixe laboral.

5. Doenzas cardiovasculares de orixe laboral.

6. Dermatoses profesionais.

7. Endocrinopatías e trastornos reproductivos de orixe laboral.

8. Hemopatías de orixe laboral.

9. Nefropatías de orixe laboral.

10. Trastornos neurolóxicos de orixe laboral.

11. Oftalmoloxía laboral.

12. Cancro laboral.

13. Doenzas reumáticas de orixe laboral.

14. Medidas terapeúticas xerais ante as intoxicacións agudas no medio laboral.

15. Psicoloxía laboral.

16. Estrés laboral. Desencadeantes do estrés laboral. Respostas psicobiolóxicas ó estrés e consecuencias sobre a saúde. Estratexias de intervención para a prevención e o manexo do estrés laboral.

17. Drogas no medio laboral.

18. Urxencias médicas no medio laboral.

Temario non específico

1. A Constitución de 1978: estructura e contido.

2. O acto administrativo: concepto, clases e elementos. Requisitos e eficacia dos actos administrativos. Motivación e notificación, nulidade e anulabilidade dos actos administrativos.

3. O procedemento administrativo común. Iniciación, ordenación, instrucción e terminación. A revisión dos actos en vía administrativa: revisión de oficio. O silencio administrativo.

4. Os recursos administrativos: recurso ordinario. Recurso de revisión.

5. Texto refundido da Lei do Estatuto dos traballadores. Dereitos e deberes laborais básicos. Clasificación profesional e promoción no traballo. Mobilidade funcional e xeográfica. Dos dereitos de representación colectiva e de reunión dos traballadores na empresa. Da negociación dos convenios colectivos.

6. A Lei de reforma universitaria. As universidades. Natureza xurídica.

7. A Universidade de Santiago de Compostela. Estatutos. Réxime económico e financeiro.

8. A Universidade de Santiago de Compostela. Estatutos. Órganos de goberno unipersoais e colexiados.

9. A Universidade de Santiago de Compostela. Estatutos. Clases e réxime xurídico do PAS.

10. III convenio colectivo do persoal laboral das universidades públicas de Galicia.

ANEXO III

Denominación da praza: médico. Grupo I

Tribunal cualificador

-Titulares:

Presidente: Aureliano García González-Llanos. Xerente da Universidade de Santiago de Compostela.

Vocais:

Representantes da universidade:

María del Carmen Pardiñas Añón. Médico. Grupo I do cadro de persoal laboral da Universidade de Santiago de Compostela.

Ana Mª Bermejo Barrera. Profesora titular de medicina legal da Facultade de Medicina. Médico de empresa.

Representantes do comité de empresa:

Francisco Castro Alvaredo. Grupo V do cadro de persoal laboral da Universidade de Santiago de Compostela.

Juan Mariñas Liste. Grupo IV do cadro de persoal laboral da Universidade de Santiago de Compostela.

Secretaria: Amparo Azurmendi Rodríguez. Funcionaria de carreira da escala auxiliar da Universidade de Santiago de Compostela, que actuará con voz pero sen voto.

-Suplentes:

Presidente: José Vázquez Portomeñe. Vicexerente da Universidade de Santiago de Compostela.

Vocais:

Representantes da universidade:

Manuel Freire Garabal Núñez. Profesor titular de farmacoloxía da Facultade de Farmacia.

Ángel Segade García. Profesor da Escola de Óptica e Acústica. Médico especialista en Oftalmoloxía.

Representantes do comité de empresa:

Manuela García Freire. Grupo IV do cadro de persoal laboral da Universidade de Santiago de Compostela.

José Fernando Cobos Otero. Grupo IV do cadro de persoal laboral da Universidade de Santiago de Compostela.

Secretaria: Amalia Díaz Sánchez. Funcionaria de carreira da escala auxiliar da Universidade de Santiago de Compostela, que actuará con voz pero sen voto.

737