Por acordo do Pleno Corporativo deste Concello do 28 de novembro de 1997, aprobouse o avance da modificación das normas subsidiarias do planeamento municipal.

De conformidade co establecido no artigo 41.1º da Lei 1/1997, do 24 de marzo, do solo de Galicia, sométese a información pública polo prazo dun mes, contado a partir do día seguinte ó da publicación deste anuncio no Diario Oficial de Galicia co fin de que as entidades e os particulares poidan suxeri-lo que consideren oportuno e presentar propostas e convenios urbanísticos que coiden procedentes.

Así mesmo, de conformidade co disposto no artigo 34 da Lei 1/1997, do solo de Galicia, acordouse a suspensión de licencias nas seguintes áreas afectadas polo avance de modificación aprobado:

1ª. Área sinalada coa modificación M2 (zoas inmediata ó mercado gandeiro, na que se propón a cualificación como solo dotacional, cunha superficie aproximada de 2.800 m e que linda, á fronte, con camiño de Carrapitas, á dereita, con vía prevista no planeamento que a separa do solo dotacional do mercado gandeiro e ó fondo e esquerda, con límite do solo urbano).

2ª. Área sinalada coa modificación M30 (contorno da Seimeira de Aldomán, na que se propón a cualificación como solo non urbanizable especialmente protexido, e cunha superficie aproximada de 42 hectáreas).

A Fonsagrada, 13 de xaneiro de 1998.

Bertín Deza Fernández

Alcalde

772