Rematadas as sesións da mañá, David Bouzo Fuentes forzou a porta da aula na que se atopaban os códigos de barras dos alumnos que non se presentaran, elixindo os correspondentes a Miguel Ángel Estévez González e presentándose ó exame de literatura galega que tivo lugar ás 16 horas do devandito día 17 de setembro, así como ó de lingua galega ás seis da tarde, momento no que o presidente e secretario da comisión delegada nº 24 descubriron que existía un exame de máis de literatura galega e procederon a comprobar na mesma aula o que estaba a suceder; o alumno David Bouzo Fuentes saíu correndo da aula e foi interceptado polos vocais da comisión. En presencia do presidente da comisión, Alfonso Fontenla Formoso e do secretario Jesús Iglesias Rábade, así como do vicepresidente da CIUG José Peleteiro Salgado, que naquel momento estaba observando o desenvolvemento das probas,
o alumno expuso diversas versións dos feitos, dicindo nun principio que atopara os códigos de barras na rúa para posteriormente afirmar que os collera na mesa da aula, e que facía isto para demostrar que a nota que lle deran en xuño, en galego, era moi baixa e que agora en setembro, sen volver estudiar, obtería mellor nota. Dixo tamén que non coñecía o alumno que suplantara, aínda que máis tarde indicou que o seu alcume era Paro.
Que coa finalidade de esclarece-los devanditos feitos e esixi-las responsabilidades que puidesen derivarse, partindo da presunción de inocencia a que todo cidadán ten dereito, se incoa o presente expediente disciplinario ó abeiro do Decreto do 8 de setembro de 1954 (BOE do 12-10-1954) polo que de conformidade co seu artigo 14 e o artigo 196 dos estatutos desta universidade, este rectorado decidiu dicta-la seguinte,
RESOLUCIÓN:
Primeiro.-Incoar expediente disciplinario ó alumno desta universidade, David Bouzo Fuentes, facultade de humanidades, filoloxía hispánica.
Segundo.-Nomear instructora do expediente a María José Roca Fernández, funcionaria docente, e secretaria deste a Concepción Martínez Martínez, funcionaria PAS.
O interesado dispón dun prazo de oito días, contados desde a publicación desta notificación, para exercitar, se procedese a recusación da instructora e a secretaria, de acordo cos artigos 28 e 29 da Lei 30/1997.
Vigo, 13 de xaneiro de 1998.
José Antonio Rodríguez Vázquez
Rector da Unviersidade de Vigo
333