De conformidade coa proposta elevada pola comisión designada para xulga-lo concurso convocado por resolución desta universidade do 6 de marzo de 1997 (BOE do 27 de marzo), para a provisión da praza nº 97/006 de profesora titular de universidade da área de coñecemento de dereito administrativo, do departamento de Dereito Público Especial desta universidade, a favor de Marta María García Pérez, e unha vez acreditados pola interesada os resquisitos a que alude o apartado 2º do artigo 5 do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Marta María García Pérez, profesora titular de universidade da área de coñecemento de dereito administrativo, do departamento de Dereito Público Especial desta universidade.

A Coruña, 2 de xaneiro de 1998.

José Luis Meilán Gil

Rector da Universidade da Coruña