Eu, Francisco Javier Míguez Poza, maxistrado xuíz do Xulgado de Primeira Instancia e Instrucción número dous de Santiago de Compostela, fago saber:
Que nos presentes autos de xuízo executivo seguidos perante este xulgado co número 428/1997, promovidos polo Banco de Asturias, S.A., representado polo procurador García-Piccoli, contra a empresa Recauchutados y Cubiertas Maypa, S.L. e outros, sobre reclamación de cantidade de 5.214.126 pesetas, importe do principal, 14.750 pesetas para gastos e 2.500.000 pesetas para xuros e gastos, e dado que a empresa Recauchutados y Cubiertas Maypa, S.L. se atopa en ignorado paradoiro, por medio da presente cédula é citada co fin de que no termo improrrogable de nove días compareza en autos en legal forma e se opoña á execución se lle conviñese, facendo constar que as copias da demanda e documentos se atopan nesta secretaría á súa disposición e apercíboo de que, de non comparecer, será declarado en rebeldía, seguindo o xuízo o seu curso, sen volvelo citar nin facerlle outras notificacións que as que determine a lei.
Sen previo requirimento de pagamento procedeuse ó embargo dos seguintes bens:
1. Rústica. Predio número 494 do plano xeral, terreo dedicado a monte, sito en Matalobos, Toedo, A Estrada, no lugar de Soutiño, de 20 áreas e 10 centiáreas. Dentro deste predio construíuse unha nave industrial, de 440 metros cadrados. Ten anexo o resto do terreo sen edificar; nave e terreo unidos forman un só predio. Inscrito no Rexistro da Propiedade da Estrada no tomo 560, libro 447, folio 160, predio 50.865 triplicado-N, inscrición oitava.
2. Devolucións fiscais que por IVE e IRPF lle correspondan.
3. Participacións sociais na entidade Neumáticos Mayfra (ou Mayfre), S.L.
E para que conste e lle sirva de citación en legal forma á empresa demandada en ignorado paradoiro, expido e asino a presente cédula en Santiago de Compostela o un de decembro de mil novecentos noventa e sete.
Rubricado
10268