O Concello de Pontevedra, en sesión celebrada o día 31 de xullo de 1997, acordou aproba-lo proxecto de nova estrada travesía de Eiriña, 2ª fase e na mesma sesión acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa. O concello remitiu documentación complementaria para a correcta tramitación do expediente con data de entrada no rexistro xeral da Consellería de Xustiza, Interior e Relacións Laborais o día 4 de decembro de 1997 baixo o número 17246.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Relacións Laborais o día 23 de outubro 1997, nº 15196.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque é necesario mellora-la rede viaria de Pontevedra co obxecto de solventa-lo problema de trárfico urba
no que padece esta cidade, obras que supoñen a continuación e terminación do Anel de Eiriña como unha solución á fluidez do tráfico que soporta este municipio.
A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2 e 28.2 do Estatuto de autonomía de Galicia.
Na súa virtude por proposta do conselleiro de Xustiza, Interior e Relacións Laborais e logo de deliberación do Consello da Xunta de Galicia na súa reunión do día dezanove de decembro de mil novecentos noventa e sete,
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a urxente ocupación, polo Concello de Pontevedra, para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto de nova estrada travesía de Eiriña, 2ª fase.
Santiago de Compostela, dezanove de decembro de mil novecentos noventa e sete.
Manuel Fraga Iribarne
Presidente
Jesus C. Palmou Lorenzo
Conselleiro de Xustiza, Interior e Relacións Laborais
0223
