O Consello de Administración da Caixa de Aforros Municipal de Vigo-Caixavigo, na súa sesión do 30 de decembro de 1997, e a teor do previsto nos estatutos da entidade e da normativa vixente, acordou convocar asemblea xeral ordinaria. A reunión terá lugar o xoves, día 29 de xaneiro de 1998, na sala de conferencias do Centro Cultural Caixavigo, sito na rúa Policarpo Sanz, nº 13, desta cidade, ás dezaoito horas en primeira convocatoria, e ás dezaoito trinta horas do mesmo día en segunda convocatoria, conforme a seguinte orde do día:
1. Confección da lista de asistentes para a determinación do quórum e constitución válida da asemblea.
2. Aprobación, se é o caso, da xestión do consello, informe anual, balance, conta de resultados e proposta de aplicación de excedentes. Informe da Comisión de Control con respecto a esta.
3. Aprobación, se é o caso, das liñas xerais do plan de actuación anual.
4. Liquidación do orzamento da obra social 1997 e orzamento para 1998.
5. Informe da Comisión de Control sobre a súa actuación en 1997.
6. Nomeamento do vocal do Consello.
7. Lectura e aprobación, se procede, da acta da asemblea.
Prégaselles ós conselleiros xerais que acudan coa necesaria anticipación, provistos do documento nacional de identidade, co fin de realiza-lo cómputo de asistentes, de forma que non se demore o comezo da asemblea.
Vigo, 7 de xaneiro de 1998.
Ramón Cornejo Molins
Presidente do Consello de Administración