O artigo 2.4º do Decreto 327/1991, do 4 de outubro, de avaliación de efectos ambientais para Galicia, dispón que os estudios de efectos ambientais se sometan ó trámite de información pública, durante quince días hábiles. Na súa virtude,

RESOLVO:

Primeiro.-Someter á información pública, por un prazo de quince días hábiles, contados a partir da

publicación da presente resolución, o estudio de efectos ambientais do parque eólico Carba I, nos concellos de Vilalba e Muras e solicitado pola empresa MADE Energías Renovables, S.A.

Segundo.-Para os efectos informativos o estudio de efectos ambientais poñerase á disposición dos administrados nas seguintes dependencias:

-Dirección Xeral de Industria.

-Secretaría Xeral da Comisión Galega de Medio Ambiente.

-Delegación Provincial da Consellería da Presidencia e Administración Pública (Comisión Provincial de Medio Ambiente) da provincia de Lugo.

-Concello de Vilalba.

-Concello de Muras.

Terceiro.-As alegacións dirixiranse durante o prazo de quince días á Dirección Xeral de Industria.

Cuarto.-Unha vez finalizado o prazo remitirase o expediente coas correspondentes alegacións á Secretaría Xeral da Comisión Galega de Medio Ambiente.

Santiago de Compostela, 3 de decembro de 1997.

Joaquín del Moral Crespo

Director xeral de Industria

9523