Visto o expediente instruído para a provisión en concurso de traslado de forensías e agrupacións de forensías vacantes, anunciado por resolución da Dirección Xeral de Xustiza e Administración Local da Consellería de Xustiza, Interior e Relacións Laborais da Xunta de Galicia, do 31 de outubro de 1997, publicada no BOE do 13 de novembro de 1997, e a Resolución do 18 de novembro pola que se rectificaban erros, publicada no BOE do 22 de novembro, e de conformidade co establecido nos artigos 455 e 500.1º da Lei orgánica 6/1985, do 1 de xullo, do poder xudicial, Real decreto 296/1996, do 23 de febreiro, polo que se aproba o Regulamento orgánico do corpo de médicos forenses e Real decreto 1619/1997, do 24 de outubro, polo que se modifica o Regulamento orgánico do corpo de médicos forenses. A Dirección Xeral de Xustiza e Administración Local,
RESOLVE:
Primeiro.-Nomear para os destinos que se indican os médicos forenses que en anexo se relacionan que, reunindo as condicións legais, ostentan dereito preferente.
Segundo.-Declarar desertas aquelas prazas convocadas no concurso que non sexan cubertas por un titular.
Terceiro.
1. O prazo para tomar posesión do novo destino obtido será dun mes mais, cando non implique cambio de residencia, deberá efectuarse nos tres días hábiles seguintes o do cesamento.
2. O prazo para a toma de posesión comezará a se contar a partir do día seguinte ó cesamento, que deberá efectuarse dentro dos tres días hábiles seguintes ó da publicación da resolución no Boletín Oficial del Estado.
3. Se a resolución comporta o reingreso ó servicio activo, o prazo de toma de posesión deberá computarse desde a devandita publicación.
Cuarto.-O traslado do funcionario que se atope no desfrute do período vacacional, permisos ou licencias de enfermidade e embarazo terá efectividade
a partir da finalización deste. O día da súa incorporación cesarán no seu anterior destino dispoñendo, a partir dese momento, de tres días hábiles ou un mes, de pazo posesorio.
Quinto.-Recursos: contra a presente resolución poderá interpoñerse recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses desde o día seguinte ó da súa publicación no Boletín Oficial del Estado, logo da comunicación a este centro de acordo co establecido no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común (Boletín Oficial del Estado, do 20 de agosto de 1993).
Santiago de Compostela, 19 de decembro de 1997.
José Antonio Álvarez Vidal
Director xeral de Xustiza e Administración Local
ANEXO
1. Blanco Pampín, José Manuel, co DNI nº 33.235.920.
Destino anterior: 1ª Instancia e Instrucción nº 1 de Padrón e Ribeira.
Destino adxudicado: 1ª Instancia e Instrucción nº 3 e 4 de Santiago de Compostela.
2. Morandeira Carreira, Eulogio, co DNI nº 33.846.214.
Destino anterior: 1ª Instancia e Instrucción nº 1 e 5 de Lugo.
Destino adxudicado: Instrucción nº 5 e Vixilancia Penitenciaria da Coruña.
3. de la Fuente Pérez, Mª José, co DNI nº 34.912.723.
Destino anterior: 1ª Instancia e Instrucción nº 1 e 2 de Cangas e Marín.
Destino adxudicado: 1ª Instancia e Instrucción nº 3 e 6 de Ourense.
4. González Sagrado, José Fidel, co DNI nº 7.860.742.
Destino anterior: 1ª Instancia e Instrucción de Bande, Celanova e Xinzo de Limia.
Destino adxudicado: 1ª Instancia e Instrucción nº 2 e 5 de Ourense.
10421