Para os efectos previdos no artigo 9 do Decreto 2617/1966, do 20 de outubro, sométese a información pública a petición de autorización dunha instalación eléctrica de alta tensión que ten como características principais as que se sinalan a seguir:
Peticionario: Unión Eléctrica-Fenosa, S.A., Sáenz Díez, 45, Ourense.
Emprazamento: Allariz.
Finalidade: mellora-lo servicio eléctrico no sector.
Características principais: cinco liñas soterradas en conductores illados tipo R.H.V. 12/20 kV 1x240 Al con orixe nas celas de M.T. a 20 kV da subestación de Allariz, e discorren por canalizacións de 65 m de lonxitude ata o C.T. preforma de 250 kVA que será alimentado por unha delas. Desde este C.T. saen 5 liñas en canalización soterrada do seguinte xeito: a primeira de 830 m de lonxitude ata o C.T. Estrada xeral, axeitado para futuras conexións das liñas ata o C.T. Castillo e maila ó C.T. Urbanización Estrada de Celanova; a segunda de 95 m de lonxitude ata a conexión aérea coa L.M.T. a Vixueses; a terceira e a cuarta de 56 m ata un apoio de enlace coas liñas aéreas a Celanova e a Xinzo, e a quinta de 87 m de lonxitude ata o enlace coa L.M.T. a San Cibrao das Viñas.
Orzamento: 36.500.000 ptas.
O que se fai público para que poida ser examiando o proxecto da instalación nesta delegación provincial (Curros Enríquez, 1-4ª, Ourense) e formularse ó mesmo as reclamacións, por duplicado, que se coiden oportunas no prazo de trinta días, contados a partir do seguinte ó da publicación deste anuncio.
Ourense, 21 de outubro de 1997.
Alfredo Cacharro Pardo
Delegado provincial de Ourense
10110