A Lei 13/1996 do Estado, do 30 de decembro, de medidas fiscais, administrativas e da orde social, establece na súa disposición adicional vixésimo ter
ceira que os rendementos plurianuais positivos da explotación de predios forestais se considerarán xerados no período de producción medio segundo a especie de que se trate, determinado, en cada caso, pola Administración forestal competente.
A avaliación para efectos fiscais dos rendementos esixe, por tanto, o establecemento dun período de producción medio para diferentes especies forestais en Galicia.
Por todo iso, e de acordo co disposto no artigo 30.1.3º do Estatuto de autonomía de Galicia, e en uso das competencias atribuídas pola Lei 1/1981, do 22 de febreiro, reguladora da Xunta e do seu presidente, e demais normativa de aplicación,
DISPOÑO:
Artigo único.-Para efectos da aplicación da normativa fiscal correspondente ás rendas forestais, segundo o disposto na citada Lei 13/1996, do 30 de decembro, establécese, no ámbito da Comunidade Autónoma de Galicia un período de producción medio para as especies forestais comerciais que se especifican no anexo desta orde.
Disposición derradeira
A presente orde entrará en vigor ó día seguinte ó da súa publicación no Diario Oficial de Galicia.
Santiago de Compostela, 21 de novembro de 1997.
Tomás Pérez Vidal
Conselleiro de Agricultura, Gandería e Montes
ANEXO
Especies forestais comerciais producción
medio
(rolda en anos)
Período de
Acer sp., pradairo
Prunus avium, cerdeira
Alnus glutinosa, amieiro
Juglans regia, nogueira
50
Quercus ilex, aciñeira
Quercus suber, sobreira
Resto das quercíneas
70
Eucaliptus sp., eucalipto 15
Populus sp., chopo 20
Pinus pinaster, piñeiro bravo 35
Pinus radiata, piñeiro insigne 30
Pinus sylvestris, piñeiro silvestre e resto das coníferas 60
Betula sp., bidueiro 50
Castanea sp., castiñeiro 40
Fraxinus sp., freixo
Quercus robur, carballo
Fagus sylvatica, faia 60
10143
