Visto o expediente para outorgamento de autorización administrativa e aprobación do proxecto de execución da instalación eléctrica que a continuación se detalla:
Solicitante: Unión Eléctrica-Fenosa, S.A.
Enderezo social: r/ Severo Ochoa 2, Polg. A Grela-Bens, 15000 A Coruña.
Denominación: L.M.T.S., C.T.C. en r/ Médico Rodríguez, 6.
Situación: A Coruña.
Descricións técnicas: liña eléctrica subterránea de media tensión a 15/20 kV baixo tubo e con conductor R.H.V. 12/20 kV de 3(1x240) mm Al, de 105 m, con orixe e final no centro de transformación (C.T.) que se vai instalar en r/ Médico Rodríguez, 6, pasando por C.T. Teresa Herrera. Centro de transformación en r/ Médico Rodríguez, 6, de 400 kVA e tensións de 15/0,380-0,220 kV. A Coruña.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
A Coruña, 4 de novembro de 1997.
Juan Ignacio Lizaur Otero
Delegado provincial da Coruña
9184