Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Eléctrica de Moscoso.
Enderezo social: Avda. José Antonio 21, 36830 A Lama.
Denominación: centro de protección e reparto de Racelo.
Situación: A Lama.
Descricións técnicas: centro de protección e reparto composto por un conxunto de celas: unha cela de chegada de liña, tres celas de saída con interruptor automático e corte en SF6, protección contra sobreintensidades, cortocircuítos e posta a terra, e unha cela de saída con seccionador en carga, en Racelo, concello da Lama.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nas condicións establecidas polos ministerios, organismos ou corporacións que constan no expediente.
Pontevedra, 24 de outubro de 1997.
Ramón Álvarez Abad
Delegado provincial de Pontevedra
9185