O Pleno da Corporación, en sesión de data 30-10-1997, adoptou o seguinte acordo:

Primeiro.-Declarar iniciado o procedemento de expropiación forzosa dos bens e dereitos precisos para a execución do proxecto de urbanización da futura praza pública que se realizará á altura dos números 22 e 24 da rúa Doutor Loureiro Crespo, ocupación que se fai necesaria para a execución das obras citadas, dispoñéndose a súa publicación no BOP, nun dos diarios de maior circulación provincial e taboleiro de edictos da Casa Consistorial, con notificación individual a cantas persoas aparezan como interesadas no procedemento expropiatorio.

A relación de bens e dereitos afectados é a seguinte:

Predio nº 1.

Apelidos e nome: Reguera Alfaya, Víctor.

Domicilio/notificación: r/ Doutor Loureiro Crespo, 24, baixo.

Dereito de expropiar: dereito de arrendamento de local de ultramarinos sito na r/ Doutor Loureiro Crespo, 24, baixo.

Superficie: 67,51 m.

Forma na que se expropia: declaración de utilidade pública por planeamento urbanístico. Procedemento ordinario.

Segundo.-Declarar iniciado o trámite de avinza ó fin de convi-la adquisición do obxecto desta expropiación e por mutuo acordo, se é o caso, unha vez convidos os termos de adquisición amigable, darase por concluído o expediente iniciado. No caso de que no prazo de quince días non se chegara a tal acordo, seguirase o procedemento de determinación do prezo xusto, establecido na Lei de expropiación forzosa, sen prexuízo de que en calquera estado posterior da súa tramitación poidan ámbalas partes chegar ó devandito mutuo acordo.

Recursos procedentes:

Contra o acordo de iniciación do procedemento expropiatorio, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo da comunicación ó órgano que dictou o acto impugnado, e isto sen prexuízo de que se poida exercitar, se é o caso, calquera outro recurso que se considere conveniente.

Contra a relación de bens e dereitos afectados, durante o prazo de quince días, contados desde a publicación deste anuncio, poderase examina-lo expediente e formularse as alegacións procedentes.

Pontevedra, 10 de novembro de 1997.

Juan Luis Pedrosa Fernández

Alcalde

Julio Dapena Outomuro

Secretario

9689