Consonte coa proposta formulada pola comisión constituída para xulga-lo concurso convocado por resolución desta universidade do 15 de xaneiro 1997

(BOE do 7 de febreiro), para a provisión dunha praza de profesor titular de universidade da área de coñecemento de bioloxía animal, do departamento de Ecoloxía e Bioloxía Animal, a prol de Jesús Souza Troncoso, con documento nacional de identidade número 44.807.900, e cumprindo o interesado os requisitos do artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Jesús Souza Troncoso profesor titular de universidade da área de coñecemento de bioloxía animal, do departamento de Ecoloxía e Bioloxía Animal.

Este nomeamento producirá plenos efectos a partir da correspondente toma de posesión polo interesado, que deberá efectuarse no prazo máximo dun mes, contado desde o día seguinte ó da publicación da presente resolución no Boletín Oficial del Estado.

Contra esta resolución, que esgota a vía administrativa, poderán os interesados, logo da comunicación a este rectorado, interpoñer recurso contencioso-administrativo perante o Tribunal Superior de Xustiza de Galicia no prazo de 2 meses contados a partir do día seguinte ó da súa publicación no Boletín Oficial del Estado.

Vigo, 13 de novembro de 1997.

José Antonio Rodríguez Vázquez

Rector da Universidade de Vigo

9218