No Diario Oficial de Galicia nº 230, do 27 de novembro de 1997 publicouse a resolución da Dirección Xeral de Pesca e Industrias Pesqueiras do 18 de novembro de 1997 pola que se anuncia a contratación da subministración, polo procedemento aberto por concurso e trámite de urxencia, de dúas máquinas de lavado de caixas de peixe con destino ós portos pesqueiros de Porto do Son e Sada (CO).
No prego de cláusulas administrativas particulares que rexe para esta contratación advertiuse a existencia dun erro de transcrición que atinxe ó orzamento de licitación fixado para o efecto pola Administración e, conseguintemente, para os importes das correspondentes garantías provisional e definitiva establecidas.
En consecuencia e co obxecto de que os licitadores poidan presentar axeitadamente as súas ofertas, esta secretaría xeral,
RESOLVE:
Primeiro.-Para xeral coñecemento de cantos estivesen interesados no concurso público para a subministración de dúas máquinas de lavado de caixas de peixe con destino ós portos pesqueiros de Porto do Son e Sada (CO), notifícanse a modificación do prego de cláusulas administrativas particulares que rexe para esta contratación.
Segundo.-O novo prego de cláusulas administrativas particulares estará a disposición dos interesados nos mesmos lugares sinalados no punto 6º
da devandita Resolución do 18 de novembro de 1997.
Terceiro.-Modifícase a data límite de presentación de ofertas indicada no punto 7º da Resolución do 18 de novembro de 1997 e ábrese novamente o prazo de presentación de ofertas, que finalizará ás 14 horas do día no que se cumpran trece días naturais contados a partir do seguinte ó da publicación desta resolución no Diario Oficial de Galicia.
Santiago de Compostela, 2 de decembro de 1997.
Víctor Vázquez Seijas
Secretario xeral da Consellería de Pesca,
Marisqueo e Acuicultura