De acordo co disposto na Lei 10/1987, do 15 de xuño, de disposicións básicas para un desenvolvemento coordinado de actuacións en materia de combustibles gasosos, Regulamento xeral do servicio público de gases combustibles, aporbado por Decreto 2913/1973, do 26 de outubro, artigos 39 da Lei de procedemento administrativo e 86 da Lei 30/1992, do 26 de novembro, de réxime xurídico das administracións públicas e do procedemento

administrativo común, artigos 17 da Lei de expropiación forzosa e 56 do seu regulamento, texto refundido da Lei sobre o réxime do solo e ordenación urbana, aprobado por Real decreto lexislativo 1/1992, do 26 de xuño, Lei 11/1985, do 22 de agosto, de adaptación da do solo a Galicia e demais normativa específica de aplicación, e para os efectos previstos no acordo do Consello da Xunta do 6 de maio de 1993, polo que se designa a Consellería de Industria e Comercio como órgano competente por razón da materia para a tramitación da unidade de expediente e resolución única do procedemento, sométese a información pública a modificación do proxecto de gasificación do noroeste: rede de Ourense, declarado de utilidade pública polo artigo 10 da citada Lei 10/1987.

Peticionario: Enagás, S.A., con domicilio en Avda. de América, nº 38, 28028 Madrid, titular da concesión administrativa outorgada por orde do conselleiro de Industria e Comercio do 12 de marzo de 1993 para a prestación do servicio público de conducción e subministración de gas natural para usos industriais nos termos municipais de Amoeiro, Ourense e San Cibrao das Viñas, do cal o proxecto de execución e autorización de instalacións se aprobou por resolución do director xeral de Industria do 16 de outubro de 1995.

Obxecto da petición: aprobación administrativa e autorización de instalacións da modificación do proxecto de rede de Ourense, refelectida na addenda II ó proxecto rede de Ourense.

A autorización administrativa que se solicita comportará, de acordo co que establecen os artigos 10 e 11 da citada Lei 10/1987, do 15 de xuño, os beneficios da declaración de utilidade pública e a necesidade de ocupación urxente para o efecto de expropiación forzosa dos bens e dereitos afectados necesarios para o establecemento destas instalacións e da imposición e o exercicio da servidume de paso doutras limitacións de dominio.

Características das instalacións:

A finalidade da addenda presentada ó proxecto orixinal é incluír como parte integrante del as obras correspondentes ás variantes de trazado realizadas e os cambios de localización das instalacións auxiliares.

Esta addenda II, que diminúe en 610 m o trazado inicial, efectúa as seguintes modificacións:

-A primeira variante, comeza no vértice V-55 despois do cruzamento co río Miño, ata o novo vértice V-55-29, discorrendo a conducción paralela ó citado río, e cruzando o regato Reza, co obxecto de deixar unha saída para a futura acometida a Gas Galicia, coa súa correspondente válvula e arqueta.

-A segunda variante, desenvólvese dentro da cidade de Ourense, entre os vértices V-55-29 e V-55-67, a conducción discorre paralela ó río Barbaña, pasando posteriormente baixo a ponte coa rúa dos Reme

dios, e deixando un corredor transitable superior a 5 m desde o muro exterior de canalización do río Barbaña.

-A terceira variante, tamén dentro da cidade de Ourense, que comeza no remate da rúa Ponte Pelamios (vértice V-55-67) e remata no vértice V-161, discorre pola rúa paralela ó rió Barbaña debaixo do seu pavimento a unha distancia entre 2 e 3 m do muro exterior da canalizacióndo río, cruzándoo posteriormente en dúas ocasións mediante cruzamento subálveo.

-Así mesmo, elimínanse os tramos comprendidos entre os vértices VH-188-2 e VH-188-21, e entre os vértices VH-188-15 e VH-188-15-2, antiga acometida á residencia sanitaria da Seguridade Social de Ourense.

-Finalmente, desprázase o vértice V-233 nunha distancia de 20 m cara ó suroeste, co fin de eludir unha zona de recheos vertidos sen compactar de grande porfundidade, seguindo as indicacións do estudio xeotécnico de detalle.

Os tubos construiranse de aceiro de calidade Gr.B., segundo API 5L, incluíndo parte proporcional de accesorios.

A presión de deseño efectiva é de 16 bar.

O caudal que vai transportar para os consumos previstos ascende a 5.640 m (n)/h.

Termo municipal afectado: unicamente resulta afectado o termo municipal de Ourense.

Orzamento:

Orzamento do proxecto orixinal: 579.682.030 ptas.

Orzamento da addenda II ó proxecto orixinal: 693.956.980 ptas.

Incremento no orzamento orixinal: 114.274.950 ptas.

Afección a predios particulares: a afección a predios particulares derivada da construcción das instalacións auxiliares obxecto de esta addenda, concrétase na seguinte forma:

1. Expropiación forzosa dos terreos sobre os que se van construí-las instalacións fixas en superficie.

2. Para as canalizacións.

A) Imposición de servidume permanente de paso nunha franxa de terreo de dous metros de largo, un a cada lado do eixe do encanamento, ó longo del, por onde discorrerá enterrado o tubo ou tubos que se requiran para a conducción do gas. Esta franxa estará suxeita ás seguintes limitacións:

1. Prohibición de efectuar traballos de arada ou similares a unha profundidade superior a cincuenta centímetros, así como de plantar árbores ou arbustos a unha distancia inferior a dous metros contados do eixe do encanamento.

2. Prohibición de relizar calquera tipo de obras, construcción, edificación ou efectuar ningún acto que puidera danar ou perturba-lo bo funcionamento das instalacións, a unha distancia inferior a cinco metros do eixe do trazado, a un e outro lado del. Esta distancia poderá reducirse sempre que se solicite expresamente e se cumpran as condicións que en cada caso fixe o órgano competente da Administración.

3. Libre acceso do persoal e elementos necesarios para poder vixiar, manter, reparar ou renova-las instalacións con pagamento, se é o caso, dos danos que se ocasionen.

4. Posibilidade de instala-los fitos de sinalización ou delimitación, as tomas de potenciais e os tubos de ventilación e outras instalacións auxiliares, así com de realiza-las obras superficiais ou subterráneas que sexan necesarias para a execución ou funcionamento das instalacións.

B) Ocupación temporal dos terreos necesarios para a execución das obras, da zona que se reflicte para cada predio nos planos parcelarios de expropiación e na que se fará desaparecer todo obstáculo, así

como realiza-las obras necesarias para o tendido e montaxe da canalización e elementos anexo, executando as obras ou operacións precisas ós ditos fins.

O proxecto inclúe planos parcelarios e a relación concreta e individualizada de bens e dereitos afectados.

O que se fai público para coñecemento xeral e especialmente dos propietarios de terreos e demais titulares afectados polo dito proxecto, a relación dos cales insire ó final deste anuncio, para que poida ser examinado o expediente na Dirección Xeral de Industria da Consellería de Industria e Comercio, edificio administrativo San Caetano, s/n, Santiago de Compostela e na Delegación Provincial de Ourense, r/Curros Enríquez, 1-4º, podendo presentar por triplicado nos ditos centros as alegacións que se consideren oportunas, no prazo de vinte días a partir do seguinte ó da inserción deste anuncio.

Santiago de Compostela, 4 de novembro de 1997.

Joaquín del Moral Crespo

Director xeral de Industria

Relación concreta e individualizada de bens e dereitos afectados pola rede de distribución de gas

natural para usos industriais en Ourense, addenda II