DOG 235 do 04/12/1997 - ANUNCIO de probas selectivas para a provisión de prazas.

VI. ANUNCIOS

DA ADMINISTRACIÓN LOCAL

DEPUTACIÓN PROVINCIAL DE OURENSE

ANUNCIO de probas selectivas para a provisión de prazas.

De conformidade co acordado pola Corporación provincial, na sesión do día da data, convócanse probas selectivas para provisión de prazas da oferta pública de emprego de 1997, con suxeición ás seguintes,

BASES

Primeira.-Obxecto da convocatoria.

É obxecto da presente convocatoria a provisión en propiedade das prazas de funcionarios de carreira así como a selección do persoal fixo do cadro laboral, todas elas vacantes incluídas na oferta de emprego público desta corporación para 1997 que se especifican na base décimo terceira, segundo acordo da Corporación provincial do 30 de maio de 1997 e anuncio publicado no BOE do 26 de setembro do mesmo ano.

Segunda.-Lexislación aplicable.

As probas selectivas regularanse por estas bases, e no non previsto nelas polo establecido na Lei 7/1985, do 2 de abril; Real decreto lexislativo 781/1986, do 18 de abril; Lei 30/1984, do 2 de agosto, coas modificacións posteriores; Real decreto 896/1991, do 7 de xuño e supletoriamente o Real decreto 364/1995, do 10 de marzo; e Real decreto lexislativo 1/1995, do 2 de marzo, polo que se aproba o texto refundido da Lei do estatuto dos traballadores.

Terceira.-Condicións dos aspirantes.

Para tomar parte nas probas selectivas, os aspirantes deberán reuni-los seguintes requisitos, referidos todos e cada un deles á data na que remate o prazo de presentación de solicitudes, e conservarse, alomenos, ata a data de nomeamento.

a) Ser español. Para as prazas do cadro laboral de libre provisión, asimiladas ós grupos E e D, poden formular solicitudes os cidadáns dos estados membros da UE, nos termos da Lei 7/1993, do 23 de decembro.

b) Ter cumpridos dezaoito anos de idade e non exceder daquela na que falten menos de dez anos para a xubilación forzosa por idade determinada pola lexislación básica en materia de función pública. O exceso do devandito límite non lle afectará ó persoal en propiedade da corporación que aspire á promoción interna, e será compensado cos servicios prestados nesta corporación con anterioridade, sempre que cotizasen á

Mumpal ou Seguridade Social, no cadro de persoal ou cadro laboral fixo, respectivamente.

c) Estar en posesión do título que en cada caso se sinala, ou en condicións de obtelo na data na que remate o prazo de presentación de solicitudes, en cada caso. Cando se aleguen equivalencias de títulos achegarase no seu día certificado para o efecto da Consellería de Educación e Ordenación Universitaria.

d) Non padecer enfermidade ou defecto físico ou psíquico que impida ou sexa incompatible co desempeño das funcións ou tarefas correspondentes á praza á que se opte. A opción ás prazas reservadas ó abeiro da disposición adicional décimo novena da Lei 30/1984, do 2 de agosto, para quen teña a condición legal de persoa con minusvalidez haberá de formularse na solicitude de participación nas convocatorias, con declaración expresa dos interesados de reuni-la condición esixida ó respecto, que se acreditará, se obtivesen praza, mediante certificación dos órganos competentes da Comunidade Autónoma. Nestas probas selectivas estableceranse, para as persoas con minusvalidez que o soliciten, as adaptacións posibles de tempo e medios para a súa realización.

e) Non ser separado, mediante expediente disciplinario, do servicio do Estado, das comunidades autónomas ou das entidades locais, nin estar inhabilitado para o exercicio das funcións públicas.

f) Os requisitos especiais que se sinalen para cada praza nas normas específicas do correspondente anexo.

g) Para as prazas de promoción interna, tanto de funcionarios de carreira como de persoal laboral fixo desta deputación, os aspirantes deberán acreditar que son funcionarios en propiedade ou laborais fixos, respectivamente, desta corporación, que posúen a titulación esixida ou os requisitos que a suplan, segundo as normas específicas de cada praza no anexo, e que teñen unha antigüidade, como mínimo, de 2 anos no grupo de procedencia, así como os demais requisitos que se sinalan, para cada grupo de prazas, nas referidas normas.

En todo caso, o persoal que ingrese en virtude desta convocatoria quedará obrigado a presta-los servicios na xornada de traballo única ou partida que acorde a deputación, así como os servicios ou cometidos similares ós das prazas que obteñan, sempre de acordo coas normas xerais que se adopten, sen discriminación, con carácter xeral ou para determinados cometidos e servicios.

Cuarta.-Presentación de solicitudes e admisión de aspirantes.

As solicitudes para tomar parte nas probas selectivas dirixiránselle ó presidente e presentaranse no rexistro xeral da deputación, durante o prazo de vinte (20) días naturais seguintes ó da publicación do anuncio da convocatoria no BOE, en modelo oficial que se facilitará nas oficinas da deputación. Previamente publicaranse as bases íntegras no BOP e no DOG.

No mesmo prazo, e como anexos á solicitude, entregaranse os documentos ou xustificantes acreditativos

dos requisitos especiais que se sinalan nas normas específicas para cada convocatoria.

Nas solicitudes farase constar expresamente que o aspirante reúne todas e cada unha das condicións esixidas, referidas á data de expiración do prazo de presentación.

Para as fases de concurso, os aspirantes presentarán coa solicitude relación circunstanciada dos méritos que aleguen para a devandita fase, uníndolle á referida relación os documentos acreditativos dos méritos alegados, en orixinais ou fotocopias validadas, pois non se tomarán en consideración nin serán valorados aqueles que non queden debidamente acreditados en tódolos seus extremos, no momento de presentación da instancia, agás nos casos dos servicios prestados nesta deputación, que serán certificados por persoal desta, sempre que fosen alegados e cuantificados polos aspirantes nas solicitudes.

As solicitudes poderán presentarse tamén na forma que determina o artigo 38.4º da Lei 30/92, do 26 de novembro.

Os dereitos de exame, na contía fixada para cada caso na base décimo cuarta, serán satisfeitos polos aspirantes ó presenta-la instancia. Non poderán ser devoltos máis que no caso de non seren admitidos por falta dos requisitos esixidos para participaren no exame.

Rematado o prazo de presentación de solicitudes, a Presidencia aprobará, no prazo máximo dun mes, a lista provisional dos aspirantes admitidos e excluídos, que será exposta, en todo caso, no taboleiro de anuncios da Corporación, e polo que se refire ás prazas de funcionarios de carreira será publicada ademais no BOP, concedéndose un prazo de dez días para os efectos de reclamacións e corrección de deficiencias, conforme o artigo 71 da Lei 30/1992. Se as houbese, serán aceptadas ou rexeitadas na resolución pola que se aprobe a lista definitiva, que se fará pública na mesma forma. Esta última data será determinante dos prazos para impugnacións ou recursos.

Quinta.-Tribunais cualificadores.

Os tribunais cualificadores dos procesos selectivos serán designados a teor do Real decreto 896/1991 para o cadro de persoal, e á lexislación xeral para o cadro laboral, e estarán compostos:

Presidente: o da Corporación ou membro dela en quen delegue.

Vocais:

-Un representante da Comunidade Autónoma, en probas selectivas do cadro de persoal.

-Un funcionario proposto pola Xunta de Persoal.

-O xefe do servicio correspondente ou funcionario en quen delegue.

-Unha persoa designada pola Presidencia con adecuados coñecementos na materia.

Secretario: o da Corporación ou funcionario en quen delegue.

Para as probas selectivas de funcionarios tódolos vocais deben ser funcionarios de carreira, conforme o artigo 11 do Real decreto 364/1995.

Nas probas selectivas do cadro laboral o representante da Comunidade Autónoma será substituído por un traballador do cadro laboral da deputación, ou funcionario desta, de igual ou superior categoría, proposto polo Comité Intercentros.

Cando na deputación non exista o persoal previsto nestas bases, a presidencia solicitará a súa designación a outras deputacións, corporacións ou entidades públicas galegas.

Os vocais deberán posuír titulación ou especialización igual ou superior á esixida para o acceso ás prazas convocadas. Respectarase o principio de especialidade, pero o tribunal non poderá estar formado maioritariamente por funcionarios da deputación pertencentes á mesma categoría e tipo de praza.

Non poderán formar parte do tribunal os funcionarios que realizasen tarefas de preparación de aspirantes a estas probas selectivas nos cinco anos anteriores á publicación desta convocatoria.

A designación nominal dos membros dos tribunais incluirá a dos respectivos suplentes, e será publicada no BOP, así como no taboleiro de anuncios da Corporación, cando se publique a relación provisional de admitidos.

Ningún tribunal se poderá constituír nin actuar sen a asistencia de máis da metade dos seus membros, titulares ou suplentes, e en todo caso do presidente e secretario ou quen os substitúa.

O presidente dos tribunais poderá dispoñe-la incorporación de asesores especialistas para as probas nas que así o considere necesario ou conveniente. Os ditos asesores colaborarán co órgano de selección exclusivamente no exercicio das súas especialidades técnicas.

Os membros do tribunal deberán absterse cando concorran as circunstancias do artigo 28 da Lei 30/1992, sen prexuízo do dereito de recusación que poidan exerce-los aspirantes.

Sexta.-Comezo das probas e orde de actuación dos aspirantes.

Quince días antes, como mínimo, do comezo dos exercicios, anunciarase no BOP e taboleiro de edictos da deputación o día, a hora e o lugar no que haberán de ter lugar. Os anuncios sucesivos publicaranse no taboleiro de edictos da deputación e nos locais onde se celebrasen as probas anteriores.

Unha vez comezados os procesos selectivos, os sucesivos anuncios da celebración das restantes probas deberán facerse públicos nos locais onde se celebrase a proba anterior, con 12 horas, alomenos, de antelación do comezo deste, se se trata do mesmo exercicio, ou de 24 horas se se trata dun novo.

Desde a total conclusión dun exercicio ou proba ata o comezo do seguinte deberá transcorrer un prazo mínimo de 72 horas, a non ser que tódolos que teñan

que realiza-la respectiva proba, acepten a reducción deste prazo.

Ata a iniciación do exercicio seguinte non poderán transcorrer máis de 45 días naturais.

Os aspirantes serán convocados para cada exercicio en chamamento único, agás nos casos debidamente xustificados e libremente apreciados polo tribunal, e sempre que non cause dificultades para a continuación das probas.

Para establece-la orde na que han de actuar naqueles exercicios que non se poidan celebrar conxuntamente, farase un sorteo.

Sétima.-Valoración de méritos xerais.

Nos procedementos mediante concurso ou concurso-oposición o tribunal valorará os méritos que alegasen e xustificasen os aspirantes na solicitude e documentación anexa, na seguinte forma, agás cando se sinalen outros baremos nas normas específicas de cada praza:

a) Por cursos de galego:

-Iniciación: 0,25 puntos.

-Perfeccionamento: 0,50 puntos.

-Curso básico de galego: 1 punto.

-Curso medio de galego: 1,5 puntos.

-Curso superior. Diploma de traductor de linguaxe administrativa galega: 2,5 puntos.

Só se puntuará o curso de maior titulación.

Só se lles concederá validez ós cursos ou titulacións expedidas ou homologadas polos organismos correspondentes da Xunta de Galicia.

b) Participación en cursos relacionados coas funcións propias da praza á que se aspira:

-Por cada curso de 30 ou máis horas de duración: 1 punto.

-Por cada curso de máis de 20 horas e menos de 30 horas: 0,75 puntos.

-Por cada curso de máis de 10 horas e menos de 20 horas: 0,50 puntos.

-Por cada curso ata 10 horas de duración: 0,25 puntos.

A puntuación máxima deste apartado será de 3 puntos.

A asistencia ós cursos deberá acreditarse mediante orixinal ou copia debidamente autentificada do diploma ou certificación onde conste a denominación do curso e o número de horas del.

c) Por cada mes de servicio remunerado prestado nesta Corporación, en posto de traballo igual ou similar ó que se aspira, 0,20 puntos, con máximo de 5 puntos. Agás para administrativos de promoción interna sen título, xa que para estes se computarán os servicios na forma prevista nas normas específicas das prazas.

d) Por cada mes de servicio remunerado noutras corporacións ou administracións públicas, ou en empresas

privadas, en postos de traballo iguais ou similares ó que se aspira, 0,05 puntos, con máximo de 2 puntos.

Os servicios deste último apartado d) non se computarán para as probas de promoción interna previstas nestas bases.

Os servicios previstos nas letras c) e d) anteriores computaranse ata a data de publicación do anuncio da convocatoria no BOE.

Oitava.-Desenvolvemento das probas e sistemas de cualificación dos exercicios.

Para a práctica dos exercicios, os tribunais poderán requirirlles, en calquera momento, ós concorrentes respectivos para que acrediten a súa identidade. Se durante o desenvolvemento do proceso selectivo, chegase a coñecemento do tribunal que algún dos aspirantes carece de calquera dos requisitos esixidos na convocatoria, será excluido desta, trala audiencia previa do interesado. O tribunal cando exclúa a un aspirante comunicarallo o mesmo día á autoridade que convocase o proceso selectivo.

As probas selectivas serán as que se sinalen para cada convocatoria específica, e coas seguintes regras xerais, sen prexuízo do previsto nas referidas convocatorias específicas:

a) Exercicios de tipo test, estes referiranse ás materias propias de cada praza, segundo os programas ou cuestionarios anexos. Valoraranse con máximo de 10 puntos, quedando eliminados os que non obteñan 5 puntos. Os tests cualificaranse de forma matemática asignándose puntuación positiva ós acertos e negativa ós erros, e non se computarán as deixadas en branco. As preguntas serán como mínimo as seguintes:

-Grupo B: 80.

-Grupo C: 60.

-Grupo D: 40.

-Grupo E: 30.

Cando nos cuestionarios figuren temas de operacións aritméticas e cultura xeral, as preguntas que se formulen poden ser de resposta directa para os aspirantes, ampliándose o tempo concedido para o test, na forma que considere o tribunal.

b) Tódolos exercicios teóricos (orais ou escritos) serán obrigatorios e eliminatorios, valorados de 0 a 10 puntos cada un, sendo necesario obter 5 puntos para superalos.

c) Os exercicios prácticos, tamén obrigatorios e eliminatorios, consistirán na realización ou resolución de cantas cuestións ou casos prácticos sinale o tribunal, no tempo e forma que decida, e que se referirán ás tarefas ou coñecementos esixibles a cada posto de traballo. Valoración máxima de 20 puntos, quedando eliminados os que non acaden 10 puntos. Este sistema de valoración afectará só ás probas prácticas de persoal de oficios, ou asimilados a este no cadro laboral, xa que para as restantes a puntuación será de 0 a 10 puntos.

d) En tódalas probas selectivas haberá un exercicio de traducción de galego, con valoración de 0 a 3 puntos,

non eliminatorio, pero computará para a puntuación final. Estas normas aplicaranselles ás probas selectivas daquelas prazas nas que non se prevexa un exercicio específico de galego.

e) Os exercicios voluntarios que figuren nas normas específicas de cada praza non serán eliminatorios, pero a puntuación compútase para o resultado final.

f) A fase de concurso, non terá carácter eliminatorio nin se poderá ter en conta para supera-las probas da fase de oposición.

g) As puntuacións en cada exercicio obteranse calculando a media aritmética das outorgadas por cada membro do tribunal.

h) A puntuación final e a orde de cualificación dos aspirantes aprobados estarán determinadas pola suma das puntuacións obtidas na totalidade dos exercicios da oposición, e na fase de concurso.

i) As cualificacións dos aspirantes aprobados en cada un dos exercicios serán publicadas no taboleiro de anuncios e no seu lugar de celebración dos mesmos, o mesmo día no que se faga a cualificación.

Novena.-Publicación de resultados finais e presentación de documentos.

Rematada a cualificación dos aspirantes, o tribunal publicará a relación de aprobados por orde de puntuación final, con especificación da cualificación, e elevaralle a devandita relación ó órgano correspondente para os efectos de tramitación do pertinente nomeamento. Na proposta non se poderá declarar superado o proceso selectivo a un número de aspirantes superior ó de prazas que se van a provistar.

A resolución das probas selectivas e os correspondentes nomeamentos deberán ser efectuados polo presidente da corporación de acordo coa proposta do tribunal, que terá carácter vinculante, sen que, en ningún caso, se poida aprobar nin declarar que superou as probas selectivas un número superior ó das prazas que se van prover.

Os aspirantes propostos presentarán na Secretaría Provincial, dentro do prazo de 20 días naturais contados a partir da publicación do resultado final das probas no taboleiro de edictos e locais da última proba, os seguintes documentos:

1. Fotocopia (que se deberá presentar co orixinal para compulsar) do seu DNI.

2. Copia autentificada ou fotocopia (que deberá presentar co seu orixinal para compulsar) do título, ou ben, xustificante de ter cumpridos tódolos requisitos para a expedición deste. Se estes documentos estivesen expedidos despois da data de terminación do prazo de presentación de solicitudes, deberá xustificarse a data na que se remataron os correspondentes estudios.

3. Certificado médico acreditativo de non padecer enfermidade ou defecto físico ou psíquico que impida o normal exercicio das funcións correspondentes á praza á que optou. No suposto de minusválidos observarase tamén o que establece o apartado d) da base terceira desta convocatoria.

4. Declaración xurada de non ser separado, mediante expediente disciplinario, do servicio ó Estado, ás comunidades autónomas ou ás entidades locais, nin estar inhabilitado para o exercicio de funcións públicas por sentencia firme.

5. Declaración xurada de non estar incurso en ningunha das causas de incapacidade específica conforme a normativa vixente.

6. Declaración xurada de non incorrer en ningún dos supostos de incompatibilidade establecidos na lexislación sobre a materia.

7. Certificado negativo do Rexistro Central de Penados e Rebeldes, sendo válido o expedido con 3 meses de antelación, como máximo, á data de terminación das probas selectivas.

Para o suposto de que tivese a condición de funcionario público, estará exento de xustificar documentalmente as condicións e requisitos xa demostrados para obte-lo seu anterior nomeamento, debendo presentarse certificación do organismo do que dependa, acreditando a súa condición e demais circunstancias que consten no seu expediente persoal ou folla de servicios.

Décima.-Nomeamento e toma de posesión.

Se dentro do prazo indicado, salvo casos de forza maior, os aspirantes propostos non presentasen a súa documentación ou non reunisen os requisitos esixidos, non poderán ser nomeados para as prazas, quedando anuladas tódalas súas actuacións, sen prexuízo das responsabilidades nas que puidesen incorrer por falsidade na solicitude para tomar parte no proceso selectivo.

Os aspirantes nomeados deberán tomar posesión no prazo de un mes, contado desde o día seguinte a aquel en que lle sexa notificado o nomeamento, quedando na situación de cesante cando, sen causa xustificada, non o fixesen dentro do prazo sinalado.

Para o persoal laboral procederase á formalización dos correspondentes contratos, dispoñendo o outorgamento destes e a incorporación dos seleccionados. En cada un dos contratos especificarase o período de proba ó que se somete o contratado, que se axustará ó establecido no Estatuto dos traballadores como máximo esixible, transcorrido o cal o persoal que o supere terá a consideración individual de persoal laboral fixo.

Ata que se inicie a prestación dos servicios os aspirantes non terán dereito a ningunha percepción económica.

Décimo primeira.-Variación do número de prazas.

Se non se cobren tódalas vacantes de administrativos de promoción interna en calquera dos dous grupos (con título e sen título) incrementarán as prazas doutro grupo.

Deécimo segunda.

O tribunal quedará autorizado para resolve-las dúbidas que se presenten e toma-los acordos necesarios para a boa orde das probas en todo o non previsto nestas bases.

Décimo terceira.-Prazas que se convocan. Sistema de selección e títulos esixidos.

A) Cadro de persoal.

-Unha (1) praza de arquitecto técnico; técnico medio de Admón. especial, grupo B. Concurso oposición libre. Título de arquitecto técnico.

-Cinco (5) prazas de administrativo de Admón. xeral, grupo C. Oposición por promoción interna. Delas 2 prazas para auxiliares de Admón. xeral e funcionarios do grupo ou escalas do grupo D da área de actividades ou funcional correspondente, con título esixido para o grupo C, e 3 prazas para auxiliares de Admón. xeral con 10 anos de servicios como mínimo, e que carezan do título esixido para o grupo C. Todo isto conforme o disposto no artigo 61 da Lei 42/1994, do 30 de decembro, e artigo 73 e concordantes do Real decreto 364/1995.

-Seis (6) prazas de auxiliares de Admón. xeral, grupo D. Oposición libre. Graduado escolar, formación profesional de 1º grao ou equivalente.

-Tres (3) prazas de celadores de vías e obras, técnicos auxiliares de Admón. especial, grupo C. Concurso-oposición por promoción interna, para funcionarios do grupo D da área de actividades ou funcional correspondente, con título esixido para o grupo C ou ben con 10 anos de servicios como mínimo, conforme o artigo 61 da Lei 42/1994 e 73 do R.d. 364/1995.

-Unha (1) praza de encargado capataz de camiños, persoal de oficio, oficial Admón. especial, grupo D. Concurso oposición por promoción interna para funcionarios del grupo E da área de actividades ou funcional correspondente, con título esixido para o grupo D ou ben con 10 anos de servicios como mínimo, conforme o artigo 61 da Lei 42/94 e 73 do Real decreto 364/1995.

Tendo en conta que quedou deserta a praza de encargado-capataz de camiños que figuraba na oferta pública de emprego de 1996, inclúese agora a convocatoria desta praza, co que o número de vacantes é de dúas (2).

-Unha (1) praza de conductor especialista de maquinaria de vías e obras, persoal de oficio, oficial de Admón. especial, grupo D. Concurso-oposición por promoción interna para funcionarios do grupo E da área de actividades ou funcional correspondente, con título esixido para o grupo D ou ben con 10 anos de servicios como mínimo, conforme o artigo 61 da Lei 42/1994 e 73 do Real decreto 364/1995. Permiso de circulación clase D.

-Unha (1) praza de oficial vixilante de Vías e Obras, persoal de oficio, oficial de Admón. especial, grupo D. Concurso oposición por promoción interna para funcionarios do grupo E da área de actividades ou funcional correspondente, con título esixido para o grupo D ou ben con 10 anos de servicios como mínimo, conforme o artigo 61 da Lei 42/1994 e 73 do Real decreto 364/1995.

B) Cadro laboral.

-Nove (9) prazas de conductores especialistas de maquinaria de Vías e Obras, persoal de oficios, oficiais de Admón. especial, asimiladas ó grupo D. Concurso-oposición. Delas 2 en quenda libre, graduado escolar, formación profesional de 1º grao ou equivalente e permiso de circulación clase D; e 7 para promoción interna do persoal laboral fixo asimilado ó grupo E da área de actividades ou funcional correspondente, con título esixido para o grupo D ou ben con 10 anos de servicios como mínimo conforme o artigo 61 da Lei 42/1994 e 73 do Real decreto 364/1995, e en todo caso permiso de circulación da clase D.

-Vintedúas (22) prazas de legoeiros, asimiladas ó grupo E, Admón. especial, persoal de oficios, operario. Concurso-oposición libre. Certificado de escolaridade ou equivalente.

-Unha (1) praza de ordenanza, asimilada ó grupo E, subalternos de Admón. xeral. Concurso-oposición libre. Certificado de escolaridade ou equivalente.

-Unha (1) praza de encargado capataz de camiños, asimilada ó grupo D, persoal de oficios, oficial Admón. especial. Concurso oposición promoción interna para persoal do cadro laboral fixo asimilado ó grupo E da área de actividades ou funcional correspondente, con título esixido para o grupo D ou ben con 10 anos de servicios como mínimo conforme o artigo 61 da Lei 42/1994 e 73 do Real decreto 364/1995.

-Dúas (2) prazas de axudantes telefonistas, asimiladas ó grupo E, persoal de oficios, operario Admón. especial. Concurso oposición libre. Certificado de escolaridade ou equivalente.

-Unha (1) praza de técnico medio de recadación, asimilada ó grupo B, técnico Admón. especial. Concurso oposición libre. Diplomado universitario.

-Unha (1) praza de auxiliar técnico de obras, asimilada ó grupo D, persoal de oficios, oficial Admón. especial. Concurso-oposición libre. Graduado escolar, formación profesional de 1º grao ou equivalente.

-Unha (1) praza de operario electricista mantemento, asimilada ó grupo E, persoal de oficios, operario Admón. especial. Concurso oposición libre. Certificado de escolaridade ou equivalente.

-Cinco (5) prazas de albaneis, asimiladas ó grupo D, persoal de oficios, oficial de admón especial. Concurso oposición libre. Graduado escolar, formación profesional de 1º grao ou equivalente.

-Unha (1) praza de limpador/a, asimilada ó grupo E, persoal de oficios, operario Admón. especial. Concurso-oposición libre. Certificado de escolaridade ou equivalente.

-Unha (1) praza de cociñeiro/a, asimilada ó grupo D, persoal de oficios, oficial Admón. especial. Concurso-oposición libre. Graduado escolar, formación profesional de 1º grao ou equivalente.

Décimo cuarta.-Dereitos de exame.

Os dereitos de exame serán os seguintes:

-Para as prazas do grupo B: 2.250 ptas.

-Para as prazas do grupo C: 1.250 ptas.

-Para as prazas do grupo D: 1.000 ptas.

-Para as prazas do grupo E: 750 ptas.

Décimo quinta.-Normas específicas para cada praza. Exercicios. Cuestionarios.

Cadro de persoal.

I. Unha (1) praza de arquitecto técnico. Técnico medio de Admón. especial, Grupo B. Concurso-oposición libre.

Fase de concurso: as normas xerais da base sétima.

Fase de oposición. Exercicios:

1º Teórico. Escrito: test sobre as materias do cuestionario. Tempo de desenvolvemento: unha hora e trinta minutos.

2º Téorico. Escrito: desenvolvemento dun tema xeral, sinalado polo tribunal inmediatamente antes da proba selectiva, referente ás materias do cuestionario pero sen que sexa necesario aterse a epígrafes concretos. Tempo de desenvolvemento: unha hora e trinta minutos.

3º Práctico. Escrito: informe e proposta de resolución sobre dous supostos propios do cometido, determinados polo tribunal inmediatamente antes da proba, no tempo que sinale o tribunal. Valorarase a profundidade de coñecementos, claridade e rigor na exposición e a adecuación das conclusións. A puntuación será de 0 a 10 puntos, quedando eliminados os que non acaden 5 puntos.

4º Escrito: traducción para o galego dun texto castelán. Tempo: trinta minutos. Valorarase a exactitude e adecuación á normativa lingüística. Este exercicio puntuarase de 0 a 6 puntos, sendo obrigatorio e non eliminatorio, pero computará para a puntuación final.

Cuestionario:

Tema 1. A Constitución española de 1978. Estructura e detalle do seu contido.

Tema 2. A provincia no réxime local. Organización provincial. Competencias.

Tema 3. A función pública local e a súa organización. Dereitos e deberes.

Tema 4. Funcionamento dos órganos colexiados locais. Convocatoria orde do día. Requisitos de constitución. Votacións. Acordos e actas.

Tema 5. A Corporación provincial de Ourense. Presidente. Vicepresidente. Deputados. Pleno. Comisión de Goberno. Comisións informativas.

Tema 6. Organización e funcionamento dos servicios administrativos da Deputación de Ourense.

Tema 7. Organización e funcionamento do Servicio de Vías e Obras da Deputación de Ourense.

Tema 8. Os plans provinciais de obras e servicios.

Tema 9. Organización administrativa da Comunidade Autónoma en Galicia.

Tema 10. Organización administrativa da Administración central na provincia de Ourense.

Tema 11. Réxime xurídico dos bens das entidades locais.

Tema 12. Normas básicas de edificación e normas tecnolóxicas. Obrigatoriedade. Normas básicas en vigor, contido. Normas tecnolóxicas, clasificación e especificacións.

Tema 13. Disposicións relacionadas coa edificación: normas, regulamentos e instruccións. Contido e obrigatoriedade.

Tema 14. Lei do solo de Galicia. Réxime urbanístico do solo. Clasificación e características xerais.

Tema 15. Planeamento urbanístico. Clase de instrumentos de ordenación, características xerais.

Tema 16. Lei de contratos: disposicións xerais. Tramitación dos expedientes de contratación. Adxudicación dos contratos. Revisión de prezos. Extinción de contratos, cesión e subcontratación

Tema 17. O contrato de obras. Disposicións xerais; execución, modificación e extinción do contrato de obras.

Tema 18. Condicións de protección contra incendios: obxecto, ámbito e réxime de aplicación. Cálculo de ocupacións e elementos de evacuación.

Tema 19. Condicións de protección contra incendios: instalacións de detección, alarma e extinción. Iluminación de emerxencia.

Tema 20. A ruína nos edificios. Supostos de declaración e procedementos.

Tema 21. Seguridade e hixiene: normativa e regulamentación. O estudio de seguridade e hixiene: ámbito de aplicación, documentos e confección.

Tema 22. Plan de seguridade e hixiene: documentos e confección. Control de seguridade na obra. Xestión da prevención.

Tema 23. Regulamento de actividades molestas, insalubres, nocivas e perigosas, obxecto e actividades reguladoras, competencias, procedemento para a concesión de licencias.

Tema 24. Acondicionamento acústico dos edificios. Conceptos xerais, condicións esixibles ós elementos constructivos. Método práctico de medición. Materiais, tipos e características.

Tema 25. Acondicionamento térmico dos edificios. Conceptos xerais. Proceso de cálculo do Kg; condensacións. Materiais illantes, tipos e características.

Tema 26. Accións na edificación. Normativa básica vixente: clasificación das accións; tipo de sobrecargas; clasificación dos terreos de cimentación.

Tema 27. Derrubamentos, apontoamentos e apeos. Conceptos xerais, tipos.

Tema 28. Movemento de terras e cimentacións: planeamentos, seguimento, medidas de seguridade, control e inspección.

Tema 29. Formigóns: normativa vixente. Compoñentes do formigón, dosificacións e amasado.

Tema 30. Transporte e vertido do formigón, compactación e curado. Formigón armado, conceptos xerais.

Tema 31. Albanelería: normativa, fábrica de ladrillo e bloque, muros de carga, materiais e condicións de execución.

Tema 32. Cantería: obras de cantería, oficio de canteiro, ferramentas, útiles e medios auxiliares. Execución dos traballos e disposicións constructivas; arcos, bóvedas e fábricas de cachotería.

Tema 33. Carpintería de armar: oficio, ferramentas, útiles e medios auxiliares. Enlace de pezas. Armazóns horizontais, verticais e inclinados. Construccións auxiliares en madeira.

Tema 34. Carpintería de taller: normativa, materiais e tipo de carpinterías; control de calidade e condicións de execución.

Tema 35. Instalacións de electricidade: normativa, subministración en baixa tensión, previsión de cargas; instalacións de enlace, esquemas, acometidas, protección e posta a terra.

Tema 36. Instalacións de auga fría: normativa, esquemas de trazados, compoñentes e control da execución.

Tema 37. Instalacións de evacuación e saneamento: normativa, clasificación das redes de evacuación, esquemas e compoñentes; aparellos sanitarios.

Tema 38. Instalacións de calefacción e climatización: normativa, clasificación dos diferentes sistemas, esquemas e compoñentes.

Tema 39. Instalacións de aparellos elevadores, telefonía, radio e TV, normativa, xeneralidades e esquemas.

Tema 40. Instalacións de gas natural e g.1.p. Normativa e regulamentación, deseño de sistemas. Instalación de g.1.p.

Tema 41. Iluminación: iluminación interior e iluminación exterior. Niveis de iluminación, tipos de lámpadas, magnitudes e unidades de medida.

Tema 42. Medición e valoración: criterio de medición das unidades de obra, prezos unitarios, auxiliares e descompostos. Valoración das obras en execución e rematadas; orzamento de execución material e de contrata.

Tema 43. Control de calidade na edificación: control do proxecto, dos materiais, da execución e control do uso e mantemento.

Tema 44. Organización de obra: planing de traballos, tipos e importancia. Sistemas Gantt, C.P.M., Pert.

Tema 45. Tipoloxía, patoloxía e terapéutica das humidades. Características xerais.

Tema 46. Maquinaria de movemento de terras, características xerais e sistemas de traballo. Elección do tipo de máquina en función do traballo.

Tema 47. Maquinaria de elevación mecánica, características xerais e posta en obra.

Tema 48. As estradas españolas: evolución histórica; situación actual. Lexislación vixente: Lei de estradas do Estado e Lei de estradas da Xunta de Galicia. As distintas administracións das estradas.

Tema 49. O tráfico nas estradas. Estudios de tráfico; aforamentos; métodos; intensidade; velocidade; capacidade e niveis de servicio.

Tema 50. Características xeométricas das estradas. Normativa. Execución da cartografía; métodos modernos de trazado; cálculo mecanizado; automatización.

Tema 51. Obras de paso; colección oficial de pequenas obras e pontes; a súa utilización; normativa; conservación e explotación.

Tema 52. Conservación de estradas: organización e métodos de conservación. Vialidade invernal. Conservación por medios propios. Maquinaria e materiais.

Tema 53. Explotación das estradas. Sinalización, balizamento, iluminación e proteccións. Servicios auxiliares. Información ó público.

Tema 54. Abastecemento de auga potable: captacións, conduccións por gravidade, depósitos, conduccións a presión, tipos de redes, elementos de manobra, control e protección de redes. Materiais máis empregados. Normativa.

Tema 55. Saneamento: tipos de redes, compoñentes, dispositivos especiais e execución de obras. Materiais habituais. Normativa.

Tema 56. Estacións de tratamento de auga potable. Estacións depuradoras de augas residuais. Descrición, funcionamento e condicións mínimas da auga resultante.

Tema 57. Topografía, consideracións xerais; coordenadas xeográficas; unidades de medida; ángulos; instrumentos topográficos simples, descrición e usos.

Tema 58. Planimetría: conceptos xerais. Métodos planimétricos, características xerais e descrición.

Tema 59. Altimetría: conceptos xerais. Tipos de nivelación. Confección de planos. Cálculos de terrapléns e desmontes. Perfís lonxitudinais e transversais.

Tema 60. Taquimetría: conceptos xerais. Levantamentos topográficos. O taquímetro: tipos, descrición xeral e funcionamento.

II. Cinco (5) prazas de administrativos de Admón. xeral. Promoción interna. Concurso-oposición:

I.1. Dúas (2) prazas para auxiliares de Admón. xeral e funcionarios de corpos ou escalas do grupo D, desta corporación, da área de actividades ou funcional correspondente e cometidos similares que realicen, con título esixido para o grupo C.

Fase de concurso: as normas xerais da base sétima.

Fase de oposición. Exercicios:

1º Teórico. Escrito: test sobre as materias do cuestionario. Tempo de desenvolvemento: unha hora.

2º Práctico. Escrito: informe e proposta de resolución sobre dous supostos propios do cometido, determinados polo tribunal inmediatamente antes da proba. Tempo de desenvolvemento: dúas horas. Pódese utilizar lexislación, sen comentarios nin xurisprudencia ou doutrina científica. Valorarase a profundidade de coñecementos, claridade e rigor na exposición e a adecuación das conclusións. A puntuación será de 0 a 10 puntos, quedando eliminados os que non acaden 5 puntos.

3º Escrito: traducción para o galego dun texto castelán. Tempo: trinta minutos. Valorarase a exactitude e adecuación á normativa lingüística. Este exercicio puntuarase de 0 a 6 puntos, sendo obrigatorio e non eliminatorio, pero computará para a puntuación final.

I.2. Tres (3) prazas para promoción interna de auxiliares de Admón. xeral con dez anos de servicios como mínimo nesta Corporación, e que carezan do título esixido para o grupo C:

Fase de concurso:

-Por cada ano de servicios nesta corporación: 0,50 puntos, cun máximo de 10 puntos.

-Os méritos que correspondan segundo as letras a) e b) da base sétima.

Fase de oposición. Exercicios:

1º Teórico. Escrito: test sobre as materias do cuestionario. Tempo de desenvolvemento: unha hora.

2º Práctico. Escrito: informe e proposta de resolución sobre un suposto propio do cometido, determinado polo tribunal inmediatamente antes da proba. Tempo de desenvolvemento: unha hora. Pódese utilizar lexislación, sen comentarios nin xurisprudencia ou doutrina científica. Valorarase a profundidade de coñecementos, claridade e rigor na exposición e a adecuación das conclusións. A puntuación será de 0 a 10 puntos, quedando eliminados os que non acaden 5 puntos.

Cuestionario:

-Parte I:

Tema 1. A Constitución española de 1978. Principios xerais.

Tema 2. Dereitos e deberes fundamentais. O Tribunal Constitucional e o Defensor do Pobo.

Tema 3. A organización territorial do Estado na Constitución.

Tema 4. A Coroa. Funcións constitucionais de El Rei. Sucesión e rexencia.

Tema 5. As Cortes Xerais. Composición, atribucións e funcionamento.

Tema 6. O poder xudicial na Constitución. A organización xudicial española.

Tema 7. A Administración central do Estado. O presidente do Goberno. O Consello de Ministros. A Administración periférica do Estado.

Tema 8. As comunidades autónomas. Constitución e competencias. Os estatutos de autonomía.

Tema 9. A Comunidade Autónoma de Galicia. O Estatuto de autonomía. A Administración autonómica: organización e estructura básica.

Tema 10. As fontes de dereito administrativo. Sometemento da administración á lei e dereito. A lei: clases.

Tema 11. O regulamento: clases. Outras fontes do dereito administrativo.

Tema 12. O procedemento administrativo. Principios xerais. Dimensión temporal: días e horas hábiles, cómputo de prazos. Recepción e rexistro de documentos.

Tema 13. Fases do procedemento administrativo xeral. O silencio administrativo. Os actos presuntos.

Tema 14. O acto administrativo. Concepto, clases e elementos.

Tema 15. A teoría da invalidez do acto administrativo. Actos nulos e anulables. Validación. Revisión de oficio.

Tema 16. Os recursos administrativos. Clases. Recursos ordinarios e de revisión. As reclamacións económico-administrativas.

Tema 17. O administrado. Colaboración e participación dos cidadáns nas funcións administrativas. O principio de audiencia ó interesado.

Tema 18. As formas de actividade administrativa. O fomento. A policía.

Tema 19. A intervención administrativa na propiedade privada. A expropiación forzosa.

-Parte II:

Tema 20. O réxime local español. Principios constitucionais e regulación actual. A autonomía local.

Tema 21. A provincia no réxime local. Organización provincial. Competencias.

Tema 22. O municipio. O termo municipal. Empadroamento municipal.

Tema 23. A organización municipal. O concello: o alcalde, o pleno, a comisión de goberno e comisións informativas. Competencias.

Tema 24. A organización provincial. O presidente. O pleno. A comisión de goberno. As comisións informativas. Competencias.

Tema 25. Estructuras supramunicipais. As mancomunidades de concellos. A comarca.

Tema 26. Funcionamento dos órganos colexiados locais. Réxime de sesións e acordos.

Tema 27. Ordenanzas e regulamentos das entidades locais. Procedementos de elaboración e aprobación. Os bandos.

Tema 28. O procedemento administrativo na esfera local. Rexistro de entrada e saída de documentos. Comunicacións e notificacións.

Tema 29. As formas de actividade das entidades locais. A intervención administrativa na actividade privada. Réxime xurídico das licencias.

Tema 30. Os bens das entidades locais. Regulación. Concepto e clasificación. O dominio público local.

Tema 31. O patrimonio das entidades locais. Conservación e tutela dos bens.

Tema 32. O servicios público. Os modos de xestión.

Tema 33. A contratación administrativa na esfera local.

Tema 34. A función pública local. Cadros de persoal e relación de postos de traballo. A oferta de emprego público. A selección dos funcionarios da corporación.

Tema 35. Dereitos e deberes dos funcionarios públicos locais. Réxime económico. A seguridade social dos funcionarios locais. Referencia ó persoal laboral.

Tema 36. A facenda local. Ordenanzas fiscais. Clasificación de ingresos.

Tema 37. Os orzamentos locais. Conceptos e estructura. Formación e aprobación. As modificacións orzamentarias.

Tema 38. Réxime xurídico do gasto público local. Ordenación de gastos e orde de pagamentos, órganos competentes. Documentos contables.

Tema 39. Control e fiscalización da xestión económica. Control interno e control externo. A conta xeral: estados e anexos que a forman. Aprobación.

Tema 40. O planeamento urbanístico. Clases de planos. Procedemento de elaboración e aprobación.

Tema 41. Intervención na edificación e uso do solo. A licencia urbanística. Protección da legalidade urbanística. Infraccións urbanísticas.

III. Seis (6) prazas de auxiliares de Admón. xeral. Oposición libre.

Exercicios:

1º Teórico. Escrito: test sobre as materias do cuestionario. Tempo de desenvolvemento: corenta e cinco minutos.

2º Escrito. Práctico: copia a máquina, durante 10 minutos, dun texto que facilitará o tribunal a unha velocidade mínima de 250 pulsacións por minuto en máquina normal ou de 300 pulsacións por minuto en máquina eléctrica. As máquinas traeranas os interesados. Valorarase a velocidade desenvolvida, limpeza, corrección e presentación do escrito.

3º Práctico. Escrito: elaboración de documentos, comunicacións, notificacións, certificacións ou outros, que sinale o tribunal, no tempo dunha hora. Valorarase o contido, coñecementos da materia e presentación. A valoración será de 0 a 10 puntos, quedando eliminados os que non acaden 5 puntos.

4º Teórico. Escrito: traducción para o galego dun texto castelán facilitado polo tribunal. Tempo: trinta minutos. Valorarase a exactitude e adecuación á normativa lingüística. Este exercicio puntuarase de 0 a 10 puntos, sendo obrigatorio e non eliminatorio, pero computará para a puntuación final.

5º Voluntario. Práctico: elaboración dun escrito en tratamento de textos, no material informático da deputación. Tempo: o que sinale o tribunal. Cualificarase a velocidade, exactitude e presentación. Valoración de 0 a 6 puntos, non eliminatorio, pero computará para a puntuación final.

Cuestionario:

Tema 1. A Constitución española de 1978. Principios xerais.

Tema 2. Dereitos e deberes fundamentais dos españois. O Defensor do Pobo.

Tema 3. A Coroa. O poder lexislativo: as Cortes Xerais, a súa composición, atribucións e funcionamento

Tema 4. O poder executivo: o Goberno e administración do Estado.

Tema 5. O poder xudicial.

Tema 6. A organización territorial do Estado na Constitución. As Comunidades Autónomas. A administración local.

Tema 7. O acceso de Galicia á autonomía: Estatuto. Institucións autonómicas galegas. Competencias da Comunidade Autónoma de Galicia.

Tema 8. Lexislación sobre o uso da lingua galega.

Tema 9. O acto administrativo: concepto, clases e elementos. Procedemento administrativo: o seu significado.

Tema 10. Fases do procedemento administrativo xeral; iniciación, ordenación, instrucción, terminación e execución.

Tema 11. O administrado: concepto e clases. A capacidade do administrado e as súas causas modificativas. Actos xurídicos do administrado. Peticións e solicitudes. Colaboración e participación dos cidadáns na administración.

Tema 12. A provincia no réxime local. Organización provincial. Competencias. O presidente da Deputación provincial. Os vicepresidentes. O Pleno da Deputación. A Comisión de Goberno. Comisións informativas. Eleccións provinciais.

Tema 13. O municipio: o termo municipal. A poboación. O empadroamento. Organización municipal. Competencias. O alcalde: elección, deberes e atribucións. O Pleno do Concello. A Comisión de Goberno.

Tema 14. Outras entidades locais. Mancomunidades. Agrupacións. Entidades locais de ámbito territorial interior ó do municipio.

Tema 15. Os regulamentos e ordenanzas locais. Clases. Procedemento de elaboración e aprobación.

Tema 16. Os órganos colexiados locais: réxime de funcionamento. Convocatoria e orde do día. Actas e certificacións dos acordos que adopten.

Tema 17. O procedemento administrativo local. O rexistro de entrada e saída de documentos. Requisitos na presentación de documentos. Comunicacións e notificacións.

Tema 18. Os bens das entidades locais. O dominio público. Os bens patrimoniais.

Tema 19. Os contratos administrativos. Concepto, regulación e réxime xurídico. Procedementos e formas de contratación.

Tema 20. A intervención administrativa local na actividade privada: concepto, principios e límites. medios de intervención. Procedemento de concesión de licencias.

Tema 21. A función pública local: organización. Dereitos e deberes dos funcionarios locais: sindicación, incompatibilidades. Réxime disciplinario. A Seguridade Social dos funcionarios da administración local.

Tema 22. Facendas locais: clasificación dos ingresos. Ordenanzas fiscais.

Tema 23. Réxime xurídico do gasto público local.

Tema 24. O orzamento xeral municipal: definición, estructura a caracteres.

Tema 25. As modificacións orzamentarias: réxime xurídico e clases. A súa incidencia na contabilidade municipal.

IV. Tres (3) prazas de celadores de vías e obras. Concurso-oposición por promoción interna, para funcionarios do grupo D da área de actividades ou funcional correspondente, con título esixido para o grupo C ou ben con 10 anos de servicios como mínimo, conforme o artigo 61 da Lei 42/1994 e 73 do Real decreto 364/1995:

Fase de concurso: as normas xerais da base sétima.

Fase de oposición. Exercicios:

1º Teórico. Escrito: test sobre as materias do cuestionario. Tempo de desenvolvemento: unha hora.

2º Práctico: desenvolvemento de probas prácticas sobre os cometidos que teñen asignados as prazas, en tempo e forma que sinale o tribunal.

3º Escrito: traducción o galego dun texto castelán. Tempo: trinta minutos. Valorarase a exactitude e adecuación á normativa lingüística. Este exercicio puntuarase de 0 a 6 puntos, sendo obrigatorio e non eliminatorio, pero computará para a puntuación final.

Cuestionario:

Tema 1. A Constitución española de 1978. Estructura e detalle do seu contido.

Tema 2. A provincia no réxime local. Organización provincial. Competencias.

Tema 3. A función pública local e a súa organización. Dereitos e deberes.

Tema 4. Funcionamento dos órganos colexiados locais. Convocatoria orde do día. Requisitos de constitución. Votacións. Acordos e actas.

Tema 5. A Corporación provincial de Ourense: Presidente. Vicepresidente. Deputados. Pleno. Comisión de Goberno. Comisións informativas.

Tema 6. Organización e funcionamento dos servicios administrativos da Deputación de Ourense.

Tema 7. Réxime xurídico dos bens das entidades locais.

Tema 8. Normas de tráfico e circulación de vehículos por vías públicas.

Tema 9. Movemento de terras: maquinaria de escavacións e explanacións; tipos, descrición, características, rendementos e sistemas de traballo. Elección da maquinaria en función do traballo.

Tema 10. Movemento de terras: maquinaria de escavación en rocha e compactación; tipos, descrición, características, rendementos e sistemas de traballo. Elección da maquinaria en función do traballo.

Tema 11. Maquinaria para firmes novos e pequenas reparacións, tratamentos superficiais, posta en obra de mesturas asfálticas e compactación. Tipos, descrición, características, rendementos e sistemas de traballo.

Tema 12. Maquinaria para obras de fábrica e maquinaria para limpeza e conservación; tipos, descrición, características.

Tema 13. Maquinaria para neve: tipos, descrición e rendementos.

Tema 14. Drenaxes de firmes e pavimentos: condicións dos materiais, normas para a execución dos traballos, medidas de seguridade e protección.

Tema 15. Obras de fábrica: condicións dos materiais, normas para a execución dos traballos, medidas de seguridade e protección.

Tema 16. Obras singulares das estradas: descrición, finalidade, mantemento.

Tema 17. Bases e sub-bases para firmes. Materiais, características. PG3.

Tema 18. Bases e sub-bases para firmes: tipos, execución, conservación. PG3.

Tema 19. Pavimentos de firmes flexibles: materiais, características. PG3.

Tema 20. Pavimentos de firmes flexibles: tipos, execución, conservación. PG3.

Tema 21. Pavimentos de firmes ríxidos: execución e conservación. PG3.

Tema 22. Sinalización horizontal e vertical: condicións xerais, características, tipos, formas, situación.

Tema 23. Balizamento e barreiras de seguridade: xeneralidades e características, tipos, formas, situación.

Tema 24. Sinalización de obras en vías interurbanas: ordenación da circulación, limitación da velocidade, peche de carrís e desviación provisional, balizamento.

Tema 25. Estradas: nocións sobre a lexislación vixente. Lei de estradas do Estado. Lei de estradas da Xunta. Partes, denuncias, informes; autorización de obras. Danos producidos por particulares e valoración.

Tema 26. Ordenanza reguladora do uso e defensa das estradas provinciais.

Tema 27. Sección transversal dunha estrada. Elementos constitutivos das estradas; características xeométricas; definicións da I.C. de estradas.

Tema 28. Conservación de estradas. Organización e métodos de conservación. Maquinaria e materiais. Aforamentos; intensidades e composición do tráfico.

Tema 29. Replanteo de estradas: replanteo en planta, en alzado e replantos de obras de fábrica. Medicións: cálculo de áreas e volumes.

Tema 30. Topografía: toma de datos, aparellos de topografía.

Tema 31. Topografía: replanteos, métodos máis sinxelos, aparellos.

Tema 32. Redes de abastecemento: tipoloxía, elementos constitutivos, materiais.

Tema 33. Redes de saneamento: tipoloxía, elementos constitutivos, materiais.

Tema 34. Formigóns: materiais constitutivos, fabricación, dosificación, característica do formigón fresco e do formigón endurecido. Formigóns para armar.

Tema 35. Formigóns: transporte, vertido, vibrado, curado, desencofrado.

Tema 36. Cantería e albanelería: tipos, características xerais, aparellos, PG3.

Tema 37. Esteación: apontoamento e apeos. Tipos e características xerais.

Tema 38. Medición e valoración de obras: normas xerais, unidades de medida, orzamentos.

Tema 39. Seguridade e hixiene: medidas de aplicación en movementos de terra, firmes, abastecemento e saneamento. Prestacións persoais e colectivas.

Tema 40. Organización do Servicio de Vías e Obras: explotación, conservación, cooperación, etc.

V. Dúas (2) prazas encargado-capataz de camiños. Concurso-oposición promoción interna, para funcionarios desta corporación do grupo E da área de actividades ou funcional correspondente, con título esixido para o grupo D ou ben con dez anos de servicios como mínimo, conforme o artigo 61 da Lei 42/1994 e 73 do Real decreto 364/1995.

Fase de concurso: as normas xerais da base Sétima.

Fase de oposición. Exercicios:

1º Teórico. Escrito: test sobre as materias do cuestionario. Tempo de desenvolvemento: corenta minutos.

2º Práctico: desenvolvemento de probas prácticas sobre os cometidos que teñen asignados as prazas, en tempo e forma que sinale o tribunal.

3º Escrito. Galego: conforme a cláusula d) da base oitava.

Cuestionario:

Tema 1. A Constitución española de 1978. Estructura e detalle do seu contido.

Tema 2. A provincia no réxime local. Organización provincial. Competencias.

Tema 3. A función pública local e a súa organización. Dereitos e deberes.

Tema 4. Funcionamento dos órganos colexiados locais. Convocatoria orde do día. Requisitos de constitución. Votacións. Acordos e actas.

Tema 5. A Corporación Provincial de Ourense: presidente. Vicepresidente. Deputados. Pleno. Comisión de Goberno. Comisións informativas.

Tema 6. Organización e funcionamento dos servicios administrativos e de vías e obras da Deputación de Ourense.

Tema 7. Membros que compoñen as brigadas de conservación de vías e obras e funcións deles.

Tema 8. Ferramentas e maquinaria máis utilizadas nos diferentes tipos de traballos: descrición e tipos de traballos para os que serven.

Tema 9. A organización funcional da brigada.

Tema 10. Materiais utilizados na conservación e construcción de estradas, tipos.

Tema 11. Dotacións de materiais necesarios nos diferentes traballos de conservación: regas superficiais, de selado e reparación de fochas.

Tema 12. Defectos máis frecuentes nas obras de tratamentos superficiais nas estradas e formas de reparalos e prevelos.

Tema 13. Rendementos da maquinaria e das brigadas de persoal nos diferentes tipos de traballos.

Tema 14. Composición do formigón e masa e coidados na forma de utilizalo.

Tema 15. Construcción de bueiros e de pequenas obras de paso de augas.

Tema 16. Cimentación de muros e de obras de fábrica: formas de executalas, materiais que se van empregar.

Tema 17. Dimensións de muros en función da altura e do tipo de terreo: anchos e noiros.

Tema 18. Formigón armado: tipos de formigón e de aceiro. Forma de executalo.

Tema 19. Normas de seguridade e hixiene no traballo.

Tema 20. Normas de tráfico de máis aplicación nos traballos nas estradas.

Tema 21. Policía de estradas: normas de construcción de edificacións e cerramentos nas beiras das estradas. Control e tramitación administrativa.

Tema 22. Operacións con números enteiros, decimais e quebrados e preguntas sobre cultura xeral.

VI. Unha (1) praza de conductor especialista de maquinaria. Concurso-oposición por promoción interna, para funcionarios do grupo E da área de actividades ou funcional correspondente, con título esixido para o grupo D ou ben con dez anos de servicios como mínimo, conforme o artigo 61 da Lei 42/1994 e 73 do Real decreto 364/1995.

Fase de concurso: as normas xerais da cláusula sétima.

Fase de oposición. Exercicios:

1º Teórico. Escrito: test sobre as materias do cuestionario. Tempo de desenvolvemento: 40 minutos.

2º Práctico: desenvolvemento de probas prácticas sobre os cometidos que teñen asignados as prazas, no tempo e forma que sinale o tribunal.

3º Escrito. Galego: conforme a cláusula d) da base oitava.

Cuestionario:

Tema 1. A Constitución española de 1978. Estructura e detalle do seu contido.

Tema 2. A provincia no réxime local. Organización provincial. Competencias.

Tema 3. A función pública local e a súa organización. Dereitos e deberes.

Tema 4. Funcionamento dos órganos colexiados locais. Convocatoria orde do día. Requisitos de constitución. Votacións. Acordos e actas.

Tema 5. A Corporación Provincial de Ourense: presidente. Vicepresidente. Deputados. Pleno. Comisión de Goberno. Comisións informativas.

Tema 6. Organización e funcionamento dos servicios administrativos e de vías e obras da Deputación de Ourense.

Tema 7. Código de circulación: normas e medidas de precaución de aplicación na conducción de máquinas de obras públicas e camións.

Tema 8. Principios xerais de mantemento e conservación de maquinaria.

Tema 9. Labores periódicos de conservación da maquinaria.

Tema 10. O traballo das máquinas na conservación das estradas provinciais: descrición del para cada tipo de máquina. Forma de obte-lo rendemento óptimo en cada unha delas.

Tema 11. Normas de seguridade e hixiene de aplicación no traballo en vías públicas e en brigadas de conservación.

Tema 12. Pequenas avarías máis frecuentes nas máquinas e forma de prevelas e reparalas.

Tema 13. Motores diésel: descrición.

Tema 14. Motores de gasolina: descrición.

Tema 15. Sistema eléctrico: principios xerais.

Tema 16. Sistema hidráulico das pas e motoniveladoras.

Tema 17. Tipos de freos das máquinas de obras públicas.

Tema 18. Sistemas de refrixeración dos motores empregados en camións e máquinas de obras públicas.

Tema 19. Tipos e características dos aparellos das motoniveladoras.

Tema 20. Normas que se van aplicar na compactación das terras.

Tema 21. Normas que se van ter en conta nos traballos con bulldozers.

Tema 22. Operacións aritméticas con números enteiros, decimais e quebrados e preguntas de cultura xeral.

VII. Unha (1) praza de oficial vixilante de vías e obras. Concurso-oposición por promoción interna para funcionarios do grupo E da área de actividades ou funcional correspondente, con título esixido para o grupo D ou ben con dez anos de servicios como mínimo, conforme o artigo 61 da Lei 42/1994 e 73 do Real decreto 364/1995.

Fase de concurso: as normas xerais da cláusula sétima.

Fase de oposición. Exercicios:

1º Teórico. Escrito: test sobre as materias do cuestionario. Tempo de desenvolvemento: 40 minutos.

2º Práctico: desenvolvemento de probas prácticas sobre os cometidos que teñen asignados as prazas, no tempo e forma que sinale o tribunal.

3º Escrito. Galego: conforme a cláusula d) da base oitava.

Cuestionario:

Tema 1. A Constitución española de 1978. Estructura e detalle do seu contido.

Tema 2. A provincia no réxime local. Organización provincial. Competencias.

Tema 3. A función pública local e a súa organización. Dereitos e deberes.

Tema 4. Funcionamento dos órganos colexiados locais. Convocatoria orde do día. Requisitos de constitución. Votacións. Acordos e actas.

Tema 5. A Corporación Provincial de Ourense: presidente. Vicepresidente. Deputados. Pleno. Comisión de goberno. Comisións informativas.

Tema 6. Explanacións para estradas, bases e sub-bases para firmes de estradas (materiais e execución).

Tema 7. Pavimentos flexibles e ríxidos (materiais e execución).

Tema 8. Obras de fábrica: condicións dos materiais, normas para a execución dos traballos, medidas de seguridade e protección.

Tema 9. Sinalización de obras en vías interurbanas: ordenación da circulación, limitación da velocidade, peche de carrís e desviación provisional, balizamento.

Tema 10. Ordenanza reguladora do uso e defensa das estradas provinciais.

Tema 11. Sección transversal dunha estrada. Elementos constitutivos das estradas; características xeométricas; definicións da I.C. de estradas.

Tema 12. Conservación de estradas. Organización e métodos de conservación. Maquinaria e materiais. Aforamentos; intensidades e composición do tráfico.

Tema 13. Topografía: toma de datos, aparellos de topografía.

Tema 14. Topografía: planeamentos, métodos máis sinxelos, aparellos.

Tema 15. Redes de abastecemento: tipoloxía, elementos constitutivos, materiais.

Tema 16. Redes de saneamento: tipoloxía, elementos constitutivos, materiais.

Tema 17. Formigóns: materiais constitutivos, fabricación, dosificación, características do formigón fresco e do formigón endurecido. Formigóns para armar.

Tema 18. Formigóns: transporte, vertido, vibrado, curado, desencofrado.

Tema 19. Medición e valoración de obras: normas xerais, unidades de medida, orzamentos.

Tema 20. Seguridade e hixiene: medidas de aplicación en movementos de terra, firmes, abastecemento e saneamento. Prestacións persoais e colectivas.

Tema 21. Organización do servicio de vías e obras (explotación, conservación, cooperación, etc.) e dos servicios administrativos da Deputación de Ourense.

Tema 22. Operacións aritméticas con números enteiros, decimais e quebrados e preguntas de cultura xeral.

Cadro laboral:

VIII. Nove (9) prazas de conductores especialistas de maquinaria. Concurso-oposición. Delas sete (7) para promoción interna do persoal laboral fixo asimilado ó grupo E da área de actividades ou funcional correspondente, con título esixido para o grupo D ou ben con dez anos de servicios como mínimo, conforme ó artigo 61 da Lei 42/1994 e 73 do Real decreto 364/1995; e dúas (2) en quenda libre.