A Resolución do 3 de novembro de 1997 (DOG nº 221, do 14 de novembro) da Dirección Xeral de Recursos Humanos, considera a petición formulada por Ana Mª Espiñeira Vázquez, aspirante no concurso-oposición convocado por Resolución do 19

de xuño de 1995 para o ingreso na categoría estatutaria de traballador social do organismo, anula as actuacións realizadas pola aspirante Mª Teresa Fernández Rodríguez e modifica parcialmente as resolucións deste centro directivo do 19 de maio, 11 de xuño, 1 de xullo e 20 de agosto de 1997.

Celebrado o novo acto de elección de destino definitivo polos aspirantes seleccionados que resultan afectados nos termos da devandita Resolución do 3 de novembro, e cumprido o trámite de presenta-la documentación necesaria a aspirante Ana Mª Espiñeira Vázquez, tralo oportuno requirimento, este centro directivo,

ACORDA:

Primeiro.-Declarar definitivamente rematado o concurso-oposición convocado pola Resolución do 19 de xuño de 1995 para o ingreso como persoal estatutario do Servicio Galego de Saúde na categoría de traballador social.

Segundo.-Adxudicarlles ós aspirantes afectados pola Resolución do 3 de novembro de 1997 destino na praza que figure no anexo á presente resolución.

Terceiro.-Os aspirantes reflectidos no dito anexo, que non cambiasen de destino definitivo respecto do adxudicado na Resolución do 20 de agosto de 1997, continuarán a desenvolvelo con carácter definitivo, sen perde-la condición de persoal estatutario fixo do Servicio Galego de Saúde, e sen ter que realizar ningún trámite, quedando validado para tódolos efectos a súa toma de posesión.

Cuarto.-Os aspirantes reflectidos no dito anexo que cambiasen de destino definitivo, respecto do adxudicado na Resolución do 20 de agosto de 1997 cesarán no prazo de tres días no destino anterior e tomarán posesión no novo destino que se lles adxudica no prazo dun mes, contado a partir do día seguinte ó da publicación da presente resolución no Diario Oficial de Galicia, sen perde-la súa condición de persoal estatutario fixo en activo do Servicio Galego de Saúde.

Quinto.-Á aspirante Ana Mª Espiñeira Vázquez adxudícaselle destino definitivo na praza que figura no devandito anexo da presente resolución e disporá do prazo dun mes para incorporarse á praza adxudicada, contado a partir do día seguinte ó da publicación desta resolución no Diario Oficial de Galicia.

Sexto.-As tomas de posesión referidas nos apartados cuarto e quinto efectuaranse no centro de xestión á que pertenzan as prazas, e de non se produciren, sen causa xustificada, quedará sen efecto o nomeamento do interesado como persoal estatutario fixo e perderanse tódolos dereitos derivados da súa participación no proceso selectivo.

Sétimo.-A presente resolución poderá ser impugnada polos interesados nos termos previstos na base décima da Resolución do 19 de xuño de 1995.

Santiago de Compostela, 21 de novembro de 1997.

Valeriano Martínez García

Director xeral de Recursos Humanos

Traballadores sociais